अमिना जे मोहम्मद

अमिना जे मोहम्मद Amina J. Mohammed
संयुक्त राष्ट्र सङ्घकी पाँचौं उप महासचिव
बहालवाला
पद बहाली २८ फेब्रुअरी २०१७
महासचिव	एन्टोनियो गुटेरेस
पूर्वाधिकारी	जन एलिसन
वातावरण मन्त्री
कार्यकाल ११ नोभेम्बर २०१५ – १५ डिसेम्बर २०१६
राष्ट्रपति	मुहम्मदु बुहारी
पूर्वाधिकारी	लोरेन्सिया लराबा-मल्लम
उतराधिकारी	इब्राहिम उस्मान जिब्रिल (राज्य मन्त्री)
व्यक्तिगत विवरण
जन्म	(1961-06-27) २७ जुन १९६१ गोम्बे राज्य, नाइजेरिया
राजनीतिक दल	अल प्रोग्रेसिभ काङ्ग्रेस

अमिना जे मोहम्मद (जन्म २७ जुन १९६१) संयुक्त राष्ट्र सङ्घकी पाँचौं उपमहासचिव तथा नाइजेरियाकी पूर्व वातावरण मन्त्री हुन् । अमिनाले सशक्त विकास लक्ष्य सहित दिगो विकासका लागि २०३० एजेन्डा अघि सार्न महत्त्वपूर्ण भूमिका निर्वाह गरेकी थिइन् ।

प्रारम्भिक जीवन र परिवार

उत्तर पूर्वी नाइजेरियाको गोम्बे राज्यबाट अमिना जे मोहम्मद प्रतिनिधित्व गर्छिन् । उनको जन्म सन् १९६१ जुन २७ मा एक नाइजेरियाली पशु चिकित्सक र ब्रिटिश नर्सको घरमा भएको हो । उनको परिवारका पाँच छोरीहरूमध्ये उनी सबैभन्दा जेठी हुन् ।

करियर

संयुक्त राष्ट्र सङ्घको उप महासचिवको रूपमा आफ्नो पदीय भूमिका ग्रहण गर्नका लागि उनले सन् २०१७ फेब्रुअरी २४ का दिन नाइजेरियाली सङ्घीय कार्यकारी परिषदबाट राजिनामा दिइन् । सन् २०१५ नोभेम्बर देखि सन् २०१६ डिसेम्बरसम्म उनले नाइजेरियाको वातावरण मन्त्रीको रूपमा कार्य गरिन् । मन्त्रीको रूपमा उनले जलवायु परिवर्तन सम्बन्धि विभिन्न प्रयासलाई जारी राख्दै प्राकृतिक वातावरणको रक्षा र दिगो विकासका लागि संसाधनहरूलाई संरक्षण गर्न उल्लेखनीय कार्य गरिन् ।