आइमेश

स्वतन्त्र विश्वकोश, नेपाली विकिपिडियाबाट
Jump to navigation Jump to search
आइमेश
निर्माणकर्ता (हरू)आइमेश
मौलिक संस्करणनोभेम्बर १९९९
प्रोग्रामिङ भाषासी++
सञ्चालन प्रणालीविन्डोज
आकार१४ एमबी
प्रकारपियर टू पियर
अनुमति पत्रस्वामित्व
वेबसाइटwww.imesh.com/ Edit this on Wikidata

आइमेश नौँ भाषामा उपलब्ध मिडिया र फाइल साझेदारी अनुप्रयोग थियो जसले स्वामित्व, केन्द्रीकृत पियर टू पियर नेटवर्कको प्रयोग गर्थ्यो ।[१] आइमेश अनुप्रयोग आइमेश नामक अमेरिकी कम्पनीद्वारा निर्माण गरिएको थियो जसले विश्वभर विकास केन्द्र कायम राखेको थियो । सन् २००९ मा यो संयुक्त राज्य अमेरिकाको सबै भन्दा प्रसिद्ध सङ्गीत सदस्यता सेवाका सूचीमा तेस्रो स्थानमा थियो ।[२]

आइमेशले रेकर्डिङ इन्डस्ट्री असोसिएसन अफ अमेरिकाको स्वीकृति पाएको प्रथम पियर टू पियर सेवा प्रदान गरेको हुनाले अमेरिकी र क्यानाडेली प्रयोगकर्ताहरूले प्रिमियम सदस्यता वा "टू गो" सदस्यता लिई निश्चित शुल्कमा आफूले मन पराएका गीत र श्रव्य फाइल आफ्नो कम्प्युटरमा भर्न मिल्थ्यो । खुला सङ्गीत मोडलले सदस्यताको यो दृष्टिलाई मान्यता दिएको थियो । अमेरिकी र क्यानाडेली प्रयोगकर्ताहरूले सदस्यता नलिई प्रत्येक गीत वा श्रव्य फाइललाई $०.९९ मा खरिद गर्ने विकल्प पनि उपलब्ध गराइएको थियो ।

सेप्टेम्बर २०१३ मा आइमेशको वेबसाइट ह्याक भई अनुमानित ५ करोड प्रयोगकर्ताका इमेल, पासवर्ड र आइपी ठेगाना जस्ता संवेदनशील जानकारीलाई सन् २०१६ मा डार्कनेट बजारमा सार्वजनिक गरिएको थियो ।[३][४]

विघटन[सम्पादन गर्ने]

जून १९, २०१६ मा पूर्व सूचना सार्वजनिक नगराई नै आइमेशले आफ्नो सङ्गीत सेवाको विघटन गरे ।[५] आइमेश वेबसाइटको गृहपृष्ठमा लेखिएको थियो, "आइमेश अब देखि अनुपलब्ध भएको सूचना दिनुपरेकोमा हामी दु:खी छौँ ।"[६] सहयोग पृष्ठमा लेखिएको थियो, "सङ्गीत उद्योगमा आएका परिवर्तनले गर्दा आइमेशमा गीतसङ्गीत अब देखि अनुपलब्ध भएको सुनाउनुपर्दा हामीलाई दु:ख लागिरहेको छ ।"[७] आइमेशको फेसबुक पृष्ठमा लेखिएको थियो, "उत्कृष्ट सङ्गीतको धेरै साल पछि आइमेशको विघटन भएको छ । हामीलाई साथ दिनुभएको र हाम्रो सेवामा सदस्यता लिनुभएकोमा धन्यवाद । हाम्रो अर्को उद्यमको लागि हामीसँग सम्पर्कमा रहिरहनुहोला ।"[५] आइमेशको सामाजिक सञ्जाल सुविधाको प्रयोग गरी आफ्ना प्रियजनहरूसँग सम्पर्क राख्न नसकिने हुँदा प्रयोगकर्ताहरूले टिप्पणीमा आफ्नो निराशा व्यक्त गरे ।[५]

कानूनी पक्ष[सम्पादन गर्ने]

रेकर्डिङ इन्डस्ट्री असोसिएसन अफ अमेरिका मुद्दा[सम्पादन गर्ने]

सेप्टेम्बर १८, २००३ मा रेकर्डिङ इन्डस्ट्री असोसिएसन अफ अमेरिकाले प्रतिलिपि अधिकारको हननको प्रोत्साहनको आरोपमा आइमेशलाई अदालतमा नासिल गर्यो ।[८] नासिल गरेको झन्डै १० महिना पछि जुलाई २०, २००४ मा आइमेशले रेकर्डिङ इन्डस्ट्री असोसिएसन अफ अमेरिकालाई $४१ लाख तिरेर आफ्नो सेवालाई निरन्तरता दिने कुरा भयो । यसको फलस्वरूप आइमेश ६.० मा शुल्क सदस्यताको परिचय भयो ।[९] आइमेशले शुल्क सदस्यता समावेश गरेको संस्करण सन् २००४ मा सार्वजनिक गर्ने घोषणा गरे पनि प्राविधिक समस्याका कारणले सन् २००५ मा छैठौँ संस्करण सार्वजनिक गरियो ।[१०][११]

वैधता[सम्पादन गर्ने]

आइमेशलाई १ करोड ५० लाख अनुमति पत्र दिइएका गीत र भिडियो राखी पुनः सार्वजनिक गरिएको आइमेशको वैधतालाई रेकर्डिङ इन्डस्ट्री असोसिएसन अफ अमेरिकाले नै प्रमाणित गरेको थियो ।[१२][१३]

अडिबल म्याजिकद्वारा प्रदान गरिएको अकुस्टिक छाप रद्द गर्ने सुविधाले गर्दा आइमेश ६.० र पछिल्लो संस्करणले कानूनी मान्यता पायो ।[९]

मोशन पिक्चर्स असोसिएसन अफ अमेरिकासँग गरेको साझेदारी अनुसार आइमेशमा १५ एमबी भन्दा ठूलो र १५ मिनेट भन्दा लामो फाइलको साझेदारी गर्न रोक लगाइएको थियो ।[१४]

सन्दर्भ सामग्री[सम्पादन गर्ने]

  1. "iMesh - Over 15,000,000 Music downloads and MP3's - 100% legal" [आइमेश - १,५०,००,००० भन्दा बढी श्रव्य फाइल - १००% वैध], जुलाई ३०, २००८, मूलबाट जुलाई ३०, २००८-मा सङ्ग्रहित। 
  2. स्टाफ, एडिट (मार्च ८, २००९), "Indie Music Rights Agency Merlin Adds Tracks To P2P Network iMesh" [स्वतन्त्र सङ्गीत अधिकार एजेन्सीद्वारा पियर टू पियर आइमेश नेटवर्कमा ट्र्याकको जडान], पेड कन्टेन्ट 
  3. "iMesh hack: More than 51 million user records from former filesharing site for sale on dark web" [आइमेश ह्याक: ५ करोड भन्दा बढी प्रयोगकर्ता तथ्याङ्क डार्क वेबमा], जून १३, २०१६। 
  4. "iMesh case on haveibeenpwned.com" [आइमेशको मुद्दा डार्क वेबमा] 
  5. ५.० ५.१ ५.२ "iMesh - After many years of wonderful music, iMesh is no... | Facebook" [आइमेश - उत्कृष्ट सङ्गीतको धेरै साल पछि आइमेशको विघटन], जून ९, २०१६, मूलबाट डिसेम्बर २८, २०१६-मा सङ्ग्रहित। 
  6. "iMesh support" [आइमेश सहयोग], जून ९, २०१६, मूलबाट डिसेम्बर २१, २०१६-मा सङ्ग्रहित। 
  7. "iMesh Support and Knowledge Base" [आइमेश सहयोग र ज्ञानको आधार], जून ९, २०१६, मूलबाट डिसेम्बर २८, २०१६-मा सङ्ग्रहित। 
  8. "Recording Industry Files Copyright Infringement Claims Against P2P Service" [रेकर्डिङ इन्डस्ट्रीद्वारा पियर टू पियर सेवालाई प्रतिलिपि अधिकार हननको आरोपमा अदालतमा नासिल], रिआ। 
  9. ९.० ९.१ "MP3.com" [एमपी ३ डट कम], एमपी ३ डट कम, मूलबाट फेब्रुअरी ११, २००९-मा सङ्ग्रहित। 
  10. "IMesh Looks to Go Legal" [आइमेशको वैधता], पिसी वर्ल्ड 
  11. "Legal P2P opens for business" [वैध पियर टू पियरको सुरुवात], सीनेट 
  12. "Where Can I Download Free Music?" [नि:शुल्क गीत कहाँ डाउनलोड गर्न सकिन्छ ?], लीगल फ्री म्यूजिक डाउनलोड्स, मूलबाट मार्च ४, २०१३-मा सङ्ग्रहित। 
  13. "RIAA List of Legal Download sites" [वैध सङ्गीत डाउनलोड वेबसाइटका रिआ सूची], रिआ। 
  14. "Peer-to-Peer Goes Legit" [पियर टू पियर अब वैध]