एनर्रिके इग्लेसियास

स्वतन्त्र विश्वकोश, नेपाली विकिपिडियाबाट
Jump to navigation Jump to search
एनर्रिके इग्लेसियास
सन् २०११ मा इग्लेसियास प्रस्तुति दिँदै
जन्मएनर्रिके मागुयल इग्लेसियास प्रिस्लेर
(१९७५-०५-०८) ८ मे १९७५ (उमेर ४५)
माद्रिद, स्पेन
नागरिकता
  • स्पेन
  • अमेरिका
  • फिलिपिन्स
मातृ शिक्षाप्रतिष्ठानमायामी विश्वविद्यालय
पेशा
  • गायक
  • गीतकार
  • अभिनेता
  • रेकर्ड निर्माता
कार्यकालसन् १९९५–हाल
समकक्षीअन्ना कुर्निकोभा
(सन् २००१–हाल)
सन्तान
मातापिता
  • उलियो इग्लेसियास
  • इसबेला प्रिस्लेर
आफन्त
  • उलियो इग्लेसियास एसआर (हजुरबुबा)
  • चबेली इग्लेसियास (दिदी)
  • उलियो इग्लेसियास जुनियर (दाजु)
साङ्गीतिक जीवन
किसिम
  • पप लातिनो
  • पप
  • नृत्य पप
  • विद्युतीय पप
  • र्रेगितोन
  • समकालीन आर र बी
वाद्ययन्त्र
  • स्वर
  • गितार
  • पियानो
लेबल
  • फोनोबिसा रेकर्डस्
  • युनिभर्सल सङ्गीत समूह
  • इन्टरस्कोप रेकर्डस्
  • रिपब्लिक रेकर्डस्
  • सोनी सङ्गीत
  • आरसिए रेकर्डस्
सहयोगी
  • लिल वेन
  • लुडाकारिस
  • जेनिफर लोपेज
  • पिटबुल
  • ब्याड बनी
  • रोमियो सान्तो
  • हेन्ते दे जोनन
  • सान पल
  • निकी जाम
  • विट्नी हुस्टन
  • लायोनल रिची
वेबसाइटenriqueiglesias.com

एनर्रिक मागुएल इग्लेसियास प्रिस्लेर (स्पेनी: Enrique Iglesias) जन्म:८ मे १९७५) एक स्पेनी फिलिपिनी गायक, गीतकार, अभिनेता तथा रेकर्ड निर्माण हुन्। उनी उलियो इग्लेसियासका कान्छा छोरा हुन्। उनी हाल लातिनो पपका राजाको रूपमा परिचित छन्। [१][२]

एनर्रिके इग्लेसियासले सन् १९९० को दशकको मध्यबाट आफ्नो साङ्गीतिक कार्यकालको सुरुवात गरेका थिए भने त्यस समयमा उनी एक स्पेनी अङ्ग्रेजी गीत निर्माण गर्ने फानोभिसा रेकर्डसँग आवद्ध थिए जहाँ उनको मञ्चको नाम इनर्रिके मार्तिनेज थियो। पछि उनले आफ्नो मञ्चको नामलाई वास्तविक नामद्वारा प्रतिस्थापन गरेका थिए।[३] उनी पछि लातिन सङ्गीतको एक प्रमुख गायकको रूपमा स्थापित भैसकेपछि उनी विभिन्न साङ्गीतिक सङ्घ संस्थासँग आवद्ध भएका थिए। इग्लेसियाले पछि अमेरिकी मुख्यधाराहरूमा पनि विभिन्न गीतहरू प्रकाशन गर्न सुरु गरेका थिए। इग्लेसियासले पछि ६ करोड ८० लाखमा युनिभर्सल सङ्गीत समूहसँगको युनिभर्सल सङ्गीत लातिनोसँगको आवद्ध पत्रमा हस्ताक्षर गर्दै आफ्नो स्पेनी गीति सङ्गालोहरू बजारमा ल्यएका थिए भने उनले पछि इन्टरस्कोप नामक एक सङ्गीत सङ्घसँगको आवद्ध पत्रमा हस्ताक्षर गर्दै अङ्ग्रेजी भाषी गीति सङ्गालो पनि सार्वजनिक गर्न सफल भएका थिए। सन् २०१० मा एनर्रिकेले युनिभर्सल सङ्गीत समूहको एक उप सङ्गीत सङ्घ रिपब्लिक रेकर्डसँगको सम्झौता पत्रमा हस्ताक्षर गर्दै स्पेनी र अङ्ग्रेजी भाषी गीति सङ्गालोहरू सार्वजनिक गरेका थिए।[४] उनले पछि सोनी सङ्गीतसँगको आवद्ध पत्रमा पनि हस्ताक्षर गरेका थिए भने उनको आगामी साङ्गीतिक सङ्गालो सोही सङ्गीत सङ्घद्वारा सार्वजनिक गरिएको थियो र उनको अङ्ग्रेजी भाषी गीतहरू आरसिए रेकर्डसद्वारा सार्वजनिक गरिएको थियो। [५]

इग्लेसियासका हालसम्म कुल गीतका ७ करोड प्रतिलिपीहरू बिक्री भएका छन् जसकारण उनी लातिन सङ्गीतका एक सफल कलाकार मानिन्छन्। इग्लेसियासका हालसम्म १५० गीतहरू बिलबोर्डका विभिन्न सङ्गीत तालिकाको शीर्ष स्थानमा परेका छन्।[६] उनका पाँच गीतहरू बिलबोर्ड हट १०० सङ्गीत तालिकाको शीर्ष स्थानमा आउन सफल भएका छन् भने उनका २७ गीतहरू बिलबोर्ड हट १०० लातिन सङ्गीत तालिकाको शीर्ष स्थानमा पर्न सफल भएका छन् जसमा बाइलान्दो, सुबेमे ला रादियो आदि समावेश छन्।[७] उनका १४ गीतहरूले बिलबोर्ड नृत्य सङ्गीत तालिकाको शीर्ष स्थानमा आएका थिए जुन एक कीर्तिमान पनि हो। सन् २०१६ मा बिलबोर्ड पत्रिकाले उनलाई १४ सर्वाधिक सफल कलाकारको रूपमा पुरुष नृत्य क्लब कलाकारको सूचीमा सूचीकृत गरेको थियो।[८]

बाल्यकाल[सम्पादन गर्ने]

इग्लेसियासको जन्म सन् १९७५ मे ८ का दिन स्पेनको राजधानी माद्रिदमा भएको थियो।[९][१०][११][१२][१३] उनी गायक उलियो इग्लेसियास र इसाबेल प्रिस्लेरका कान्छा सन्तान हुन्। उनका चबिली इग्लेसियास र उलियो इग्लेसियास जुनियर नाम गरेका दुई दाजुहरू रहेका छन्। जब इग्लेसियास तीन वर्षका थिए उनको बुबा आमाको सन् १९७८ मा सम्बन्ध विच्छेद भएको थियो।[१४][१५][१६][१७] उनको आमा तर्फ उनका दुई दिदीहरू रहेका छन् भने बुबा तर्फ पाँच दाजुहरू रहेका छन्।[१८] सन् १९८१ मा एक आतङ्ककारी समूहले उनको हजुरबुबा डा उलियो इग्लेसियासलाई स्पेनमा अपहरण गरेको थियो जसकारण उनी सात वर्षको उमेरमा उनी आफ्नो दाजुको साथ बुबाको घर अमेरिकाको मायामीमा बसाइँसराइ गरेका थिए।[१९] सन् १९९३ मा इग्लेसियासले हुलिभर विद्यालयबाट स्नातक उतिर्ण गरेका थिए र त्यसपछि उनले थप शिक्षा हासिल गर्नका लागि मायामीमा रहेको मायामी विश्वविद्यालयमा भर्ना भएका थिए।[२०] जब उनी किशोरावस्थामा प्रवेश गरे, उनले आफ्नो साङ्गीतिक कार्यकालको सुरुवात गर्न लागि परेका थिए तर उनले आफ्नो भविष्यको योजना बुबालाई भन्ने चेष्टा गरेका थिएनन्।[२१][१९] उनले पछि घरबाटै गीतहरू रचना गर्न सुरु गरेका थिए। सन् १९९४ मा इग्लेसियासले फोनोबिसा नामक एक सङ्गीत उद्योगसँगको आवद्ध पत्रमा हस्ताक्षर गरि साङ्गीतिक कार्यकालको सुरुवात गरेका थिए भने उनले उक्त संस्थामा तीन वर्षका लागि काम गर्दै पहिलो साङ्गीतिक सङ्गालो बजारमा ल्याउन सफल भएका थिए।[२२][२३] इग्लेसियास स्पेनी र फिलिपिनी मुलका हुन्।[२४]

साङ्गीतिक कार्यकाल[सम्पादन गर्ने]

सन् १९९५–१९९६: एनर्रिके इग्लेसियास[सम्पादन गर्ने]

इग्लेसियासले सन् १९९५ नोभेम्बर २१ का दिन फोनोबिसा नामक एक रेकर्ड संस्थासँगको सहकार्यमा एनर्रिके इग्लेसियास नामक एक साङ्गीतिक सङ्गालो सार्वजनिक गराएको थियो जुन उनको साङ्गीतिक कार्यकालको पहिलो गीति सङ्गालो थियो। यस गीति सङ्गालोलाई र्राफाइल बोतिहाले निर्माण गरेका थिए। यस गीति सङ्गालोको पहिलो शीर्ष एकलको रूपमा "सि तु ते बास" नामक गीत सार्वजनिक गरिएको थियो भने यस गीत सार्वजनिक भएपछि एनर्रिकेको चर्चा हुन थालेको थियो। उनको साङ्गीतिक कार्यकाल अन्तर्गतको पहिलो गीति श्रव्य दृश्य अमेरिकाको मेनह्याटनमा कैद गरिएको थियो। यस गीत सङ्गालोमा "एक्प्रिर्रेनासा रेलिग्य‍सा", "पोर आमार्ते", नो योजोस पोर मि", "त्रापेत्रिस्ता" र "सि तु ते बास" गरि ५ सफल गीतहरू समावेश छन् भने यी सबै गीतहरू लातिन बिलबोर्ड सङ्गीत तालिकामा समावेश भएका थिए। इनर्रिकेको पहिलो गीत सङ्गालोका विश्वव्यापी रूपमा ६० लाख प्रतिलिपीहरू बिक्री भएका थिए भने उनले पछि पहिलो साङ्गीतिक समारोहमा पनि केही गीतका प्रत्यक्ष प्रस्तुतहरू दिएका थिए। यही साङ्गीतिक सङ्गालोका कारण इग्लेसियासलाई सन् १९९७ फेब्रुअरी २६ का दिन आय‍जित ग्रामी पुरस्कारका लागि उत्कृष्ट लातिन प्रस्तोता विधामा ग्रामी पुरस्कार जित्न सफल भएका थिए।

सन् १९९७-१९९८; बिबिर[सम्पादन गर्ने]

इग्लेसियासले फोनोबिसा रेकर्ड लेबलसँगको सहकार्यमा बिबिर नामक दोस्रो साङ्गीतिक सङ्गालो सन् १९९७ मा सार्वजनिक गरेका थिए भने उक्त गीति सङ्गालोको सार्वजनिक पश्चात् उनी प्रख्यात बन्न सफल भएका थिए। यस गीति सङ्गालोमा यजु नामक एक साङ्गीतिक समूहको ओन्ली यु नामक एक अङ्ग्रेजी गीतको इग्लेसियाले स्पेनी संस्करण अनुवाद गरि निर्माण गरेका थिए जसको नाम स्पेनीमा सोल एन ती बनेको थियो। यस गीति सङ्गालोमा "एनमोर्रादो पोर प्रिमेर्रा बेज", सोलो एन ती", "मिएन्ते", "र्रेभोन्सियोन", "लुभिया काई" आदि सफल गीतहरू समावेश छन्। सन् १९९७ मार्च ३० बाट इग्लेसियासले उनको दोस्रो साङ्गीतिक सङ्गालोको विश्व भ्रमण गर्दै १६ अमेरिकी र युरोप देशहरूका ६० सहरहरूमा प्रत्यक्ष प्रस्तुतिहरू दिएका थिए। उनले आफ्नो पहिलो प्रस्तुति अमेरिकाको टेक्सस राज्यमा दिएका थिए भने पछि उनले मेखिकोको प्लाजा दे तोरेजमा पनि प्रत्यक्ष प्रस्तुति दिएका थिए। उनले संयुक्त राज्य अमेरिकामा मात्र १९ प्रस्तुतिहरू दिएका थिए। त्यस वर्ष पछि आयोजित अमेरिकी सङ्गीत पुरस्कार समारोहमा उनलाई उत्कृष्ट लातिन प्रस्तोता श्रेणीमन अमेरिकी सङ्गीत पुरस्कार हस्तान्तरण गरिएको थियो जसमा उनका बुबा उलियो इग्लेसियास र लुइस मुगुयल मनोनित भएका थिए।

व्यक्तिगत जीवनी[सम्पादन गर्ने]

इग्लेसियासको साङ्गीतिक कार्यकालको सुरुवात देखिनै केही सञ्चार माध्यमहरूले इग्लेसियालाई केही गायिकहरूसँग रहेको तथा उनीहरूको तस्वीरहरू सञ्चार माध्यममा सार्वजनिक गरेका थिए। इग्लेसियाको सोफिया वर्गारा, क्रिस्टीना एगुलेरा, जेनिफर लभ हुइट,सेनन एलिजाबेथ,समान्था टोरेस तथा पूर्व मिस वर्ल्ड अलिसिया मकाडोको साथ छोटो समयका लागि प्रेम सम्बन्धमा बाँधिएका थिए।[२५] पछिका सात वर्षहरूमा उनी सार्वजनिक रूपमा एक बहुप्रतिष्ठीत रूसी टेनिस खेलाडी अन्ना कुर्निकोभासँग प्रेम सम्बन्धमा बाँधिएका थिए भने उनले कुर्निकोभालाई सन् २००१ डिसेम्बर २१ का दिन एक साङ्गीतिक श्रव्य दृश्य छायाङ्कनका बेला भेटेका थिए।[२६] उनीहरू बीच सन् २०१३ मा सम्बन्ध विच्छेद भएतापनि उनीहरूको पुनर्मिलन भएको थियो।[२७][२८] उनीहरूको हाल तीन सन्तानहरू रहेका छन् जसमा दुई छोरी र एक छोरा छन्।[२९] सन् २०२० जनवरी ३० कन दिन उनीहरूको तेस्रो सन्तानको रूपमा एक छोरीको जन्म भएको थियो।

पुरस्कार तथा मनोनयनहरू[सम्पादन गर्ने]

इग्लेसियाले २३ बिलबोर्ड सङ्गीत पुरस्कार, ३६ बिलबोर्ड लातिन सङ्गीत पुरस्कार, ८ अमेरिकी सङ्गीत पुरस्कार, १ ग्रामी पुरस्कार (३ मनोनयन सहित), ५ लातिन ग्रामी पुरस्कार, १० विश्व सङ्गीत पुरस्कार, ६ एमटिभी पुरस्कार (२४ पटक मनोनयन सहित), १५ प्रिमिओस युभेन्तुद पुरस्कार (२१ मनोनयन सहित) गरि २०० भन्दा बढी सङ्गीत पुरस्कारहरू जित्न सफल भएका छन्। उनी हालसम्म ४६५ पटक सङ्गीत पुरस्कार समारोहमा मनोनयनमा परेका छन् भने उनले उत्कृष्ट अन्तर्राष्ट्रिय पप प्रस्तुति विधामा एमटिभी भारत पुरस्कार जित्न सफल भएका थिए। उनी हाल लातिन पप सङ्गीतका राजाको रूपमा परिचित छन्। सन् २००१ मा इग्लेसियासले उनको दोस्रो साङ्गीतिक सङ्गालो इस्केपमा कारण उत्कृष्ट बिक्री पप पुरुष कलाकार विधामा युरोपेली पुरुष कलाकार, विश्व सङ्गीत पुरस्कार समारोहमा प्राप्त गरेका थिए।[३०]

सन्दर्भ सामग्री[सम्पादन गर्ने]

  1. "Enrique Iglesias Nickname King of Latin Pop", Biography, अन्तिम पहुँच ५ सेप्टेम्बर २०१५ 
  2. "Enrique Iglesias Named Latino King of Pop", Latin Gossip, १६ जुन २०१०, अन्तिम पहुँच ५ सेप्टेम्बर २०१५ 
  3. "Enrique Iglesias", Biography.com, अन्तिम पहुँच ८ नोभेम्बर २०१६ 
  4. "Enrique Iglesias signs with Sony Music", Billboard, २४ जुलाई २०१५, अन्तिम पहुँच २४ जुलाई २०१५ 
  5. "Enrique Iglesias - Time Out says", Time Out, अन्तिम पहुँच ८ जुलाई २०१९ 
  6. "Enrique Iglesias Extends Record For Most Latin Airplay No. 1s", Billboard, १९ नोभेम्बर २०१२, अन्तिम पहुँच १९ नोभेम्बर २०१२ 
  7. "Steve Aoki, Iggy Azalea, Enrique Iglesias Net New Dance/Electronic No. 1s", Billboard, १० अक्टोबर २०१४, अन्तिम पहुँच ६ अगस्ट २०१५ 
  8. "Greatest of All Time Top Dance Club Artists : Page 1" 
  9. "Enrique a pesar de Iglesias", El País, ८ मे २०१५। 
  10. "Enrique Iglesias to the max", CBS News, अन्तिम पहुँच २२ जनवरी २०१६ 
  11. "Grandnephew Definition", Dictionary.com, अन्तिम पहुँच १ मार्च २०१५ 
  12. "10 cosas (+2) que nadie te va a contar de Isabel Preysler", Lecturas 
  13. "20 International Stars You Didn't Know Had Filipino Blood | Celebrities", FemaleNetwork.com, अन्तिम पहुँच ५ डिसेम्बर २०११ 
  14. "FRONT", The Miami Herald, १२ जुलाई १९९५, अन्तिम पहुँच ३० नोभेम्बर २०१३ 
  15. Brinn, David (१२ नोभेम्बर २०१३), "Julio Iglesias still speaks the language of love", jpost.com, अन्तिम पहुँच ३० नोभेम्बर २०१३ 
  16. "Enrique Iglesias launches world tour in Puerto Rico", deccanherald.com, ३१ जनवरी २०१४, अन्तिम पहुँच २७ अप्रिल २०१४ 
  17. Milán, Linda (८ सेप्टेम्बर २०१२), "Julio Iglesias", zocalo.com, अन्तिम पहुँच २७ अप्रिल २०१४ 
  18. "Enrique Iglesias has his heart on the right side of his chest", UPI espagnol 
  19. १९.० १९.१ "Enrique Iglesias: Why he's different to his lothario father Julio", London Evening Standard, १ जुन २००७, अन्तिम पहुँच ९ मार्च २०१४ 
  20. Egido, José Antonio (१९९३), Viaje a la nada: principio y fin de Euskadiko Ezkerra (स्पेनीमा), Txalaparta, पृ: ७२, आइएसबिएन 9788486597740 
  21. Levin, Jordan (२३ नोभेम्बर १९९७), "He Never Sang for His Father", Los Angeles Times, अन्तिम पहुँच २ डिसेम्बर २००९ 
  22. Levin, Jordan (२२ अक्टोबर २०१४), "5 Things You Didn't Know About Enrique Iglesias & Pitbull", miami.com, अन्तिम पहुँच १६ फेब्रुअरी २०१५ 
  23. "Enrique Iglesias", अन्तिम पहुँच १ अक्टोबर २००९ 
  24. Khatib, Salma (२३ अप्रिल २००४), "Seven Up!", Screen Weekly, मूलबाट ५ सेप्टेम्बर २०१०-मा सङ्ग्रहित, अन्तिम पहुँच ३ डिसेम्बर २००९ 
  25. ericraymitchellhl, "Anna Kournikova & Enrique Iglesias Split After 12 Years Together – Report", Hollywood Life, अन्तिम पहुँच ११ अगस्ट २०१४ 
  26. "Enrique Iglesias & Anna Kournikova Kept Pregnancy Secret by Staying 'Very Undercover': Source" 
  27. "Enrique Iglesias Reveals 5-Week-Old Daughter's Name — and Her Sweet Russian Nickname!", PEOPLE.com (अङ्ग्रेजीमा), अन्तिम पहुँच २०२०-०३-०८ 
  28. "It's a Girl! Enrique Iglesias and Anna Kournikova Welcome daughter: 'My Sunshine'", people.com, अन्तिम पहुँच २०२०-०२-१३ 
  29. Susman, Gary (२० अगस्ट २००३), "Enrique Iglesias removes trademark mole. Doctors said it might lead to cancer.", Entertainment Weekly 
  30. "Enrique Iglesias Profile", Celebhistory.com, अन्तिम पहुँच ५ डिसेम्बर २०११ 

बाह्य सूत्रहरू[सम्पादन गर्ने]