कुमारी चोक

स्वतन्त्र विश्वकोश, नेपाली विकिपिडियाबाट
Jump to navigation Jump to search
कुमारी चोक
कुमारी चोक
उत्तराधिकारीमहालेखा परीक्षकको कार्यालय र महालेखा नियन्त्रकको कार्यालय
गठन६ वैशाख १८२८
संस्थापकश्री ५ बडामहाराजधिराज पृथ्वीनारायण शाह
प्रकारसरकारी अड्डा
उद्देश्यलेखा परीक्षण
मुख्यालयकाठमाडौँ
Main organ
महालेखा नियन्त्रकको कार्यालय
कुमारी चोक तथा केन्दी्र्‍य तहसील कार्यालय

पृथ्वीनारायण शाहको कालमै ६ वैशाख १८२८ मा कुमारी चोक अड्डा स्थापना भएको थियो । कुमारी चोक राज्यको हिसाबकिताब केन्द्रीय रूपमा जाँच गर्ने सरकारी अड्डाको नाम थियो। विभिन्न प्रशासनिक अड्डाका कर्मचारीहरूले गरेको आम्दानी र खर्चको विवरण जाँच गरेर दुरुस्त राख्नु कुमारी चोक अड्डाको मुख्य काम थियो। , त्यहींदेखि व्यवस्थित रूपमा लेखा परीक्षण शुरू भएको हो।

विवरण जाँच गर्दा अनियमित भएको पाइए सम्बन्धित कर्मचारीबाटै भराउने र गम्भीर अपराधका लागि दण्ड दिने समेत गरिन्थ्यो।

अनियमित तरिकाबाट खर्च गर्नेलाई मात्र होइन, आम्दानी गर्ने कर्मचारीलाई पनि सो अड्डाले जरिवाना गर्ने, जागिरबाट बर्खास्त गर्ने र निज वा निजको सन्तानलाई समेत भविष्यमा सरकारी कामको लागि अयोग्य घोषित गर्ने र कैद गर्ने जस्ता सजाय दिन सक्थ्यो।

इतिहास[सम्पादन गर्ने]

कुमारी चोक अड्डा स्थापना पृथ्वीनारायण शाहको कालमै ६ वैशाख १८२८ मा भएको थियो । कुमारी चोक अड्डा वसन्तपुर डबलीको पश्चिमपट्टिको चोकमा खडा गरिएको थियो। कामको चाप थपिंदै गएपछि अड्डा पुनर्गठन गरी विभिन्न फाँटमा छुट्याइएको थियो।

पछि सो अड्डालाई वसन्तपुरबाट डिल्लीबजारको चारखालमा सारियो। कुमारी चोकले काठमाडौँ उपत्यका र मोफसलका अड्डाहरूले गरेको आम्दानी–खर्चको चुनदाम (मुद्राको सबभन्दा तल्लो इकाइ) सम्मको पनि मसिनो हिसाब गथ्र्यो। चार चुनदामको एक पैसा हुन्थ्यो।[१]

काम कारबाही[सम्पादन गर्ने]

सरकारी अड्डाहरूको आय–व्ययको लेखा परीक्षण जँचाउने कामलाई बही बुझाझउने भनिन्थ्यो। बही बुझाइसकेपछि फरफारक हुन्थ्यो, फरफारक नभएको रकम ‘सरकारी बाँकी’ रहन्थ्यो। त्यस्तो बाँकी रकम बुझउँछु भन्यो भने पनि नगद बुझएर छुटकारा पाउने वा जेल सजाय हुने भन्ने कुरा हाकिमको मनोभावले निर्धारण हुने गर्थ्यो।

कुमारी चोक अड्डाले गर्ने लेखा परीक्षणको काम अहिले महालेखा परीक्षकको कार्यालय र महालेखा नियन्त्रक कार्यालयले गर्छन्।

यो पनि हेर्नुहोस्[सम्पादन गर्ने]

पृथ्वीनारायण शाह
भीमसेन थापा
जंगबहादुर राणा
राणाकालीन सरकारी कार्यालयहरू

सन्दर्भ सामग्रीहरू[सम्पादन गर्ने]