गडुल शमशेर जङ्गबहादुर राणा

गडुल शम्शेर जबरा
प्रधान सेनापति
पदमा २०४८ जेठ १ सन् १९९१ – सन् १९९५
पूर्वाधिकारी	सत्चित शम्शेर जबरा
उतराधिकारी	धर्मपालवरसिँह थापा

गडुल शम्शेर जबरा नेपाली सेनाका प्रधान सेनापति थिए। उनको कार्यकाल सन् १९९१ देखि सन् १९९५ सम्म रह्यो।

जीवनी

जनरल गडुल शमशेर जङ्गबहादुर राणाको जन्म सन् १९३६ को मार्च महिनामा ललितपुरमा भएको थियो। उनी प्रधानसेनापति धीर शमशेरका पनाति, खम्ब शमशेरका नाति तथा तुला शमशेरका छोरा थिए।

सैन्य जीवन

उनले इन्डियन मिलिटरी एकेडेमी (IMA) बाट सैन्य शिक्षा हासिल गरी सन् १९५४ मा सेकेन्ड लेफ्टिनेन्टको रुपमा नेपाली सेनामा प्रवेश गरेका थिए। उनको सैन्य करियर निकै विशिष्ट रहेको थियो। उनी चीन-नेपाल सीमा आयोगका सदस्य थिए र सन् १९७४ देखि १९७५ सम्म मध्यपूर्वमा संयुक्त राष्ट्र सङ्घको आपतकालीन बलमा सेवा गरेका थिए। विभिन्न पदहरूमा सेवा गर्दै उनी सन् १९८२ मा ब्रिगेडियर जनरल र १९८७ मा मेजर जनरल पदमा पदोन्नति भए। अन्ततः, सन् १९९१ देखि १९९५ सम्म उनले नेपाली सेनाको प्रधान सेनापति को रूपमा नेतृत्व गरे।

सम्मान

• 'त्रि-शक्ति पट्ट' र
• 'गोरखा दक्षिण बाहु' (प्रथम श्रेणी)

व्यक्तिगत जीवन

उनले रानी निर्मला राज्य लक्ष्मीसँग विवाह गरेका थिए। उनका दुई छोराहरू (सम्राट र संजोग) र दुई छोरीहरू (हिमा र रति) छन्।