झिनाइदह जिल्ला

स्वतन्त्र विश्वकोश, नेपाली विकिपिडियाबाट
Jump to navigation Jump to search
झिनाइदह जिल्ला
ঝিনাইদহ
—  जिल्ला  —
उपनाम(हरू): झिनाइदेह
बङ्गलादेशको नक्शामा झिनाइदह जिल्लाको अवस्थिति
देश Flag of Bangladesh.svg बङ्गलादेश
विभाग खुल्ना
क्षेत्रफल
 - जम्मा १,९६४.७७ किमी (७५८.६ वर्ग मी)
जनसङ्ख्या (२०११)
 - जम्मा १,७७१,३०४
 जनघनत्व ९०१.५/किमी (२,३३५/वर्ग मी)
समय क्षेत्र बङ्गलादेशी समय (युटिसी+६)

झिनाइदह जिल्ला (बङ्गाली: ঝিনাইদহ) बङ्गलादेशको दक्षिण-पश्चिममा पर्ने एक प्रमुख जिल्ला हो । यो जिल्ला खुल्ना विभागमा पर्छ ।

इतिहास[सम्पादन गर्ने]

प्रशासन ब्रिटिश शासन को शुरुवात मा झिनाइदह एक पुलिस थानाको रुपमा रहेमो थियो भने सन् १७९४ मा यो स्थान एक ठूलो कारागारको रुपमा परिणत भएको थियो । झिनाइदह उप विभाजनको स्थापना सन् १८६३ मा गरिएको थियो भने सन् १९८४ मा एक जिल्लाको रुपमन परिवर्तन भएको थियो । खुल्ना विभागको १० जिल्ला मध्ये झिनाइदह जिल्ला ५ अौँ स्थानमा पर्छ भने बङ्गलादेशको ६४ जिल्ला मध्ये ३४ अौँ स्थानमा रहेको छ । यस जिल्लामा रहेको छौटौँ उपजिल्ला मध्ये झिनाइदेह सदर सबैभन्दा ठूलो उपजिल्ला हो जसले ४६७.७५ वर्ग किलोमिटर अोगटेको छ । यस उपजिल्लाले कुल क्षेत्रफलको २३.९९% भाग अोगटेको छ भने कोटचन्द्रपुर सबैभन्दा सानो उपजिल्ला हो ।

भूगोल[सम्पादन गर्ने]

भिनाइदह जिल्ला २३°१३'देखि २३°४६' उत्तर अक्षांश र ८८°४२' देखि ८९°२३' पुर्व देशान्तरणमा अवस्थित छ । यो जिल्लाले बङ्गलादेशमा १९४९.६२ वर्ग किलोमिटरमा फैलिएको छ । यस जिल्लालाई उत्तरबाट कुष्टिया जिल्लाले घेरेको छ भने जशोर जिल्ला र भारतको पश्चिम बङ्गालले दक्षिणबाट घेरेको छ, त्यस्तै गरि राजबारा र मगुरा जिल्लाले पुर्वमा र पश्चिममा चौगंगा जिल्ला र भारतको पश्चिम बङ्गाल प्रदेशले घेरेको छ ।

जनसङ्ख्या[सम्पादन गर्ने]

सन् २०११ को राष्ट्रिय जनगणना अनुसार यस जिल्लाको जनसङ्ख्या १५,७९४,९० रहेको छ जसमध्ये पुरुषको जनसङ्ख्या ८,१५५,७६ छ भने महिलाको जनसङ्ख्या ७,६३९,१४ रहेको छ । यस जिल्लामा इस्लाम धर्ममा मानिसहरूको सङ्ख्या १४,१५३,७९ रहेका छन् भने हिन्दु धर्मका मानिसहरू १,६२८,०८ रहेका छन् ।[१] त्यस्तै गरि इसाई धर्मको सङ्ख्या १६१, बुद्ध धर्मको सङ्ख्या ८३५ छ भने अन्य धर्मका मानिसको सङ्ख्या ३०७ रहेका छन् । [२]

शिक्षा[सम्पादन गर्ने]

बङ्गलादेश राष्ट्रिय शिक्षा अायोगका अनुसार यस जिल्लाको अौसत साक्षरता दर ४४.७% रहेको छ जसमध्ये ४८.८% पुरुष रहेका छन् भने ४०.३% महिला रहेका छन् । यस जिल्ला १ विश्वविद्यालय, ५४ उच्च विद्यालय, १ पोलिटेक्नीक संस्था, ३०४ माध्यमिक विद्यालय, ८०४ प्राथमिक विद्यालयहरू रहेका छन् ।

अर्थतन्त्र[सम्पादन गर्ने]

यस जिल्लाको मुख्य अाय श्रोत कृषि पेशा हो जसमा कुल जनसङ्ख्याको ६७% मानिसहरू अावद्ध छन् । अन्य पेशाहरू पनि मानिसहरू अावद्ध छन् जसमा मजदुरी पेशामा २.९३% मानिसहरू संलग्न छन् भने कलकारखानामा १.५९%, बाणिज्यमा १४.२४%, यातायात र सञ्चारमा ३.८३%, धर्म सेवामा १.१६%, अन्य ३.७३% रहेको छ ।

सन्दर्भ सामग्री[सम्पादन गर्ने]

बाह्य लिङ्कहरू[सम्पादन गर्ने]