नेपाली पात्रो
 | |
| निर्माणकर्ता (हरू) | बिरिजन महर्जन |
|---|---|
| मञ्च | आइओएस एन्ड्रोइड |
| आकार | ४० मेगाबाइट |
| उपलब्ध भाषाहरू | २ भाषाहरू |
| प्रकार | जीवनशैली |
नेपाली पात्रो एप्लिकेसन नेपालकै पहिलो आधिकारिक डिजिटल पात्रो हो। यसले नेपाली तिथि, मिति, पात्रो, चाडपर्व, नेपाली संस्कृति, वैदिक सनातन हिन्दू पर्वहरु, विभिन्न जातजाति र भाषाभाषिका धर्म, आस्था, तथा संस्कृति समेटेको छ। एपमा त्यस्तै तोयानाथको पात्रो सँगको सहकार्यले प्रयोगकर्ताहरूलाई आधिकारिक तिथि, पञ्चाङ्ग, नक्षत्र, योग, सूर्योदय/सूर्यास्त, ग्रह स्थिति, राशि, कला र विकलामा जस्ता विविध उपयोगी सामग्री उपलब्ध गराएको छ।
गुगल प्ले स्टोरमा 4.3 स्टार रेटिङ्ग पाएको यो एप नेपाल सरकारको कानुनअनुसार दर्ता भई संचालनमा रहेका दुई सयभन्दा बढी समाचार संस्थासँगको सहकार्यमा चलिरहेको छ। यसले प्रयोगकर्तालाई विश्वसनीय स्रोतबाट आधिकारिक समाचार र सूचना प्राप्त गराउँछ। यसमा नेपालभरिका चार सयभन्दा धेरै रेडियो स्टेसनका सुचना, जानकारीमूलक, र मनोरंजन सामग्री पनि उपलब्ध छन्। साथै, नेपालमा लोकप्रिय भएका विभिन्न रियालिटी शोहरू पनि यहाँ हेर्न सकिन्छ।
यस्तै, विनिमय दर, सुनचाँदीको मूल्य, पेट्रोलियम पदार्थको मूल्य, तरकारीको बजार भाउ जस्ता दैनिक आवश्यक फिचरको कारण एपका सक्रिय प्रयोगकर्ताको संख्या पनि उल्लेखनीय रहेको छ। हाल, यो एप नेपाली प्रयोगकर्ताहरूको सर्वाधिक रुचाइको सूचीमा पर्छ। नेपाली पात्रो एपका ७५ प्रतिशत प्रयोगकर्ता एन्ड्रोइडमा छन् भने २५ प्रतिशत आईओएसमा छन्।