ब्रोन्काइक्टेसिस

ब्रोन्काइक्टेसिस एक रोग हो जसमा फोक्सोको वायुमार्गका भागहरूको स्थायी रूपमा सुन्निदैँ विस्तार हुन्छ। लक्षणहरूमा सामान्यतया श्लेष्म उत्पादनको साथ पुरानो खोकी समावेश हुन्छ। अन्य लक्षणहरूमा सास फेर्न गाह्रो हुनु, खोक्दा रगत निस्कनु र छाती दुख्नु पर्छन्। रोग लागेकाहरूलाई प्रायः फोक्सोमा संक्रमण हुन्छ ।

निमोनिया, क्षयरोग, प्रतिरक्षा प्रणाली समस्याहरू, साथै आनुवंशिक विकार सिस्टिक फाइब्रोसिस सहित धेरै संक्रामक र प्राप्त कारणहरूबाट ब्रोन्काइक्टेसिस हुन सक्छ। सिस्टिक फाइब्रोसिसले अन्ततः लगभग सबै अवस्थामा गम्भीर ब्रोंकाइक्टेसिसको परिणाम ल्याउन सक्छ। सिस्टिक फाइब्रोसिस नभएका १०-५०% मा ब्रोंकाईक्टेसिसको कारण अज्ञात छ। यसलाई दीर्घकालीन अवरोधक फुफ्फुसीय रोग र दमको साथमा फोक्सोको अवरोध गर्ने रोगको रूपमा वर्गीकृत गरिएको छ।

संक्रमणका कारण रोगको अवस्थामा अझ खराबी देखिन सक्छ। यस्तो अवस्थामा एन्टिबायोटिक सिफारिस गर्ने गरिन्छ। ज्यादातर प्रयोग गरिने सामान्य एन्टिबायोटिक्समा एमोक्सिसिलिन, एरिथ्रोमाइसिन वा डोक्सीसाइक्लिन समावेश छन्। एयरवे क्लियरेन्स जस्ता प्रविधिहरू (एक प्रकारको शारीरिक थेरापी) पनि सिफारिस गरिन्छ। यस रोगले सङ्क्रमित व्यक्तिको अवस्था एक्कासी बिग्रिएमा श्वासनलीलाई फैलाउने औषधिहरू र सास लिने स्टेरोइडहरू प्रयोग गर्न सकिन्छ, तर यी औषधीहरूको प्रभावकारिता निर्धारण गर्ने कुनै अध्ययनहरू छैनन्।