भिन्सेन्त फन गोख
भिन्सेन्त फन गोख | |
|---|---|
.jpg) सन् १८८७ मा गोखद्वारा बनाइएको उनको आत्म प्रतिमा जसलाई सिकागो कला संस्थानमा राखिएको छ। | |
| जन्म | भिन्सेन्त विलम फन गोख ३० मार्च १८५३ जुन्दार्त, नेदरल्यान्डस् |
| मृत्यु | २९ जुलाई १८९० (उमेर ३७) उभेर-सु-वाज, फ्रान्स |
| मृत्युको कारण | गोली हानी आत्महत्या |
| निवास | उभेर-सु-वाज, फ्रान्स ४९°०४′३१″N २°१०′४४″E / ४९.०७५३१°N २.१७८९४°E |
उल्लेखनीय कार्य |
|
| राजनीतिक कृयाकलाप | उत्तर-प्रभावोत्पादी |
| परिवार | थेयो फन गोख (भाइ) |
भिन्सेन्त विलम फन गोख (डच: [ˈvɪnsɛnt ˈʋɪləm vɑn ˈɣɔx] (
) (३० मार्च १८५३ – २९ जुलाई १८९०) एक नेदरल्यान्डेेेली उत्तर प्रभावोत्पादी चित्रकार थिए। उनी मरणोपरान्त पश्चिमी कला इतिहासमा सबैभन्दा प्रसिद्ध र प्रभावशाली व्यक्तित्वहरू मध्ये एक थिए। सानै उमेरदेखि चित्रकला सुरु गरेका उनले बीसको दशकको मध्यपछि आफ्नो जीवनको अन्तिम दुई वर्षमा असङ्ख्य प्रसिद्ध चित्रहरू चित्रित गरेका थिए। उनीद्वारा बनाइएका अधिकांश चित्रहरूमा भूपरिदृश्य, सूर्यमुखी, गहुँको खेतहरू आदि समावेश छन्। एक दशकको अवधिमा उनले २,१०० भन्दा बढी चित्रहरू बनाए जसमा ८६० तेल चित्र, १,३०० भन्दा बढी जलनाला, रेखाचित्र तथा भूदृश्यहरू समावेश छन्। उनका प्रारम्भिक कार्यहरू अधिकतम स्थिर जीवन र कृषक श्रमिकहरूको चित्रणमा रङ्गहरूद्वारा सङ्केत गरिएको थियो जसले उनका पछिका चित्रकर्महरूलाई त्यसबाट छुट्टाएको थियो। व्यावसायिक रूपमा असफल भएपनि उनले बनाएका चित्रहरू निकै प्रसिद्ध रहेका छन्।[१][२] लामो समयदेखि मानसिक रोगबाट पीडित उनले ३७ वर्षको उमेरमा आत्महत्या गरेका थिए।
एक उच्चमध्यम वर्गीय परिवारमा जन्मिएका उनी आफ्नो बाल्यकालदेखिनै शान्त, गम्भीर र विचारशील थिए। युवावस्थामा उनले एक कला व्यवसायिकको रूपमा काम गरेका थिए भने यस क्रममा उनले थुप्रै ठाउँहरूको यात्रा पनि गरेका थिए। तर लन्डनमा स्थानान्तरण भएपछि उनी निकै उदास बनेका थिए। त्यसपछिका दिनहरूमा उनी धार्मिक रूपमा सक्रियता देखाउँदै दक्षिणी बेल्जियममा सेवकको रूपमा समय बिताएका थिए। सन् १८८१ मा आफ्ना आमाबुबासँग घर फर्किनुपूर्व उनले कलामा आधुनिकतावादी प्रवृत्तिहरूको बारेमा थुप्रै जानकारीहरू लिइसकेका थिए र सोही वर्षबाट उनले चित्रकर्म सुरु गरेका थिए। सन् १८८१ मा, चित्रकारिता सुरु गर्नुपूर्व उनी अस्वस्थ बनेका थिए। उनका भाइ थियोले उनलाई आर्थिक रूपमा समर्थन गरेका थिए भने उनीहरू दुवैले मिलेर आफ्ना परिवारजन तथा परिचित मानिसहरूलाई लामो पत्राचार गरेका थिए।
सन्दर्भ सामग्रीहरू[सम्पादन गर्नुहोस्]
बाह्य कडीहरू[सम्पादन गर्नुहोस्]
- भिन्सेन्त फन गोख चित्र सङ्ग्राहलय, फन गोखका पत्र तथा कार्यहरूको सम्पूर्ण विवरण
- फन गोखद्वारा लिखित पत्रहरू
- भिन्सेन्त फन गोख शिक्षण कार्यक्रम
- को कार्य भिन्सेन्त फन गोख गुथनबर्ग परियोजनामा
- द्वारा वा यसको बारेमा भिन्सेन्त फन गोख इन्टरनेट आर्काइभमा
- भिन्सेन्त फन गोखको कार्य लिब्रिभोक्समा (सार्वजनिक डोमेन श्रव्यपुस्तक)
- इन्टरनेट चलचित्र डेटाबेसमा भिन्सेन्त फन गोख
