मान्ना

मान्ना
मान्ना
जन्म	सैयद मोहाम्मद आसलाम तालुकदार मान्नम ((१९६४-०४-१४)१४ अप्रिल १९६४) एलेङ्गा पौरसभा , कालिहाति, टाङ्गाइल जिल्ला, बङ्गलादेश
मृत्यु	१७ फेब्रुअरी २००८(2008-02-17) (उमेर ४३) ढाका, बङ्गलादेश
मृत्युको कारण	हृदयघात
निवास	एलेङ्गा पौरसभा, टाङ्गाइल जिल्ला
राष्ट्रियता	बङ्गलादेश
अन्य नाम	मान्ना भाइ, ढालिउड जुबराज, मेगास्टार, महानायक।
नागरिकता	बङ्गलादेश
मातृ शिक्षाप्रतिष्ठान	ढाका क्याम्पस
पेशा	चलचित्र अभिनेता र निर्माता
कार्यकाल	सन् १९६४–२००६
संस्थान	कृताञ्जली चलचित्र
उल्लेखनीय कार्य	आम्माजान, आब्बाजान, वीर सैनिक, दाङ्गा, धरो
तरिका	प्रेम सम्बन्धित, नाटकीय
उचाइ	६ फुट ३ इन्च
जीवनसाथी	शेली मान्ना
सन्तान	सियाम इलतिमास मान्ना
पुरस्कार	राष्ट्रिय चलचित्र पुरस्कार (१ पटक) मेरिल-प्रोथोम आलो पुरस्कार (३ पटक) बाचसास पुरस्कार (३ पटक)

सैयद मोहाम्मद आसलाम तालुकदार (मान्ना नामले परिचित, जन्म: १४ अप्रिल १९६४ - मृत्यु:१७ फेब्रुअरी २००६) एक प्रख्यात बङ्गलादेश चलचित्र अभिनेता तथा निर्माता थिए। बङ्गलादेश चलचित्रमा मुख्य रूपमा नायकको भूमिका निर्वाह गरेका मान्नाले थुप्रै सफल चलचित्रहरूमा काम गरेका थिए भने २६ वर्षको चलचित्र कार्यकालमा उनले व्यापक सफलता प्राप्त गरेका थिए। उनले थुप्रै सफल चलचित्रहरूमा काग गरेका कारण ढालिउडमा (बङ्गलादेशी चलचित्र उद्योग) उनी महानायकको रूपमा पनि परिचित थिए। ढालिउड चलचित्रमा लामो समयदेखि मान्ना लोकप्रियताको हिसाबले राजा राज्जाक पछि शीर्ष स्थानमा रहन सफल भएका थिए। मान्नाद्वारा अभिनित आम्माजान नाम चलचित्र बङ्गलादेशी चलचित्रको इतिहासमै सबैभन्दा सफल र लोकप्रिय चलचित्र बन्न सफल भएको थियो। उनले वीर सैनिक नामक एक चलचित्रमा उत्कृष्ट प्रदर्शन गरेका कारण उनले सर्वश्रेष्ठ अभिनेताको विधामा राष्ट्रिय चलचित्र पुरस्कार र आम्माजान चलचित्रका लागि उत्कृष्ट अभिनेता विधामा मेरिल प्रोथोम आलो पुरस्कार प्राप्त गरेका थिए।

उनी आठपटक मेरिल प्रोथोम आलो पुरस्कार अन्तर्गत विभिन्न विधामा मनोनीत भएका थिए भने उनले तीन पटक यस पुरस्कार जित्न सफल भएका थिए र यसबाहेक उनले बेश कयेकबार बाचसास पुरस्कार पनि जित्न सफल भएका थिए। उनीद्वारा अभिनय केही उत्कृष्ट चलचित्रहरू: त्रास, दाङ्गा, कासेम मालार प्रेम, लुटतराज तेजी, आम्माजान, शान्त केनो मास्तान, कष्टो, वर्तमान, आब्बनजान, स्वामी स्त्रीर जुद्ध, वीर सैनिक, सिटि टेरर, मिनिस्टर, दुई बधु एक स्वामी, पिता मातार आमानत, अबुझ शिशु, साजघोर, उत्तरेर खेप, मायेर मर्जादा ओ काबुलिवतत आदि छन्। मान्नाको बङ्गलादेश चलचित्रमा अतुलनीय योगदानलाई लिएर बङ्गलादेश चलचित्र विकास सङ्घको डिजिटल प्रविधि श्रव्य दृश्य सम्पादन, कलर ग्रेडिङ र विभिन्न भाषामा छायाङ्कन गर्ने स्टुडियोलाई मन्ना डिजिटल कम्प्लेक्स नाम राखिएको छ।

बाल्यकाल तथा व्यक्तिगत जीवन

मान्नाको जन्म सन् १९६४ अप्रिल १४ का दिन बङ्गलादेशको टाङ्गाइट जिल्लामा भएको थियो। उनको वास्तविक नाम सैयद मोहाम्मद आसलाम तालुकदार हो। मान्नाको बुबाको नाम नुरुल इसलाम तालुकदार हो भने आमाको नाम हासिना इसलाम हो। मान्नाले ढाका स्थित ढाका क्याम्पसबाट उच्च शिक्षा प्राप्त गर्दै स्नातकका लागि भर्ना भएका थिए। सन् १९८४ मा उनी एफडिसीको नोतुन सन्धान कार्यक्रम मार्फत बङ्गलादेशी चलचित्र क्षेत्रमा प्रवेश गरेका थिए भने उनीद्वारा अभिनित पहिलो चलचित्र तोवा थियो भने त्यसपछि उनद्वारा अभिनित लगभग सबै चलचित्रहरू सफल र लोकप्रिय हुन थालेपटि उनको व्यापक सफलता प्राप्त गरेका थिए भने प्रतिष्ठा पनि उच्च भएको थियो। उनले आफ्नो चलचित्र कार्यकाल भरी लगभग ३०० चलचित्रहरूमा काम गरेका थिए। उनीद्वारा अभिनित चलचित्रहरूमा बञ्चित र उत्पीडित मानिसहरूको कथा बोलिएको हुन्छ।

मान्नाको चलचित्र कार्यकाल सुरु भएदेखिनै उनी र बङ्गलादेशी चलचित्रकी एक प्रख्यात अभिनेत्री शेली कादेर प्रेम सम्बन्धमा रहेका थिए भने पछि उनीहरूले उक्त प्रेम सम्बन्धलाई विवहामा परिणत गरेका थिए। मान्ना र शेलीको सियान इलतिमास मान्ना नामक एक छोरा रहेका छन्।

मृत्यु

सन् २००६ फेब्रुअरी १७ का दिन मान्नालाई आकस्मिक हृदयघात भएपछि उनलाई इउनाइटेड अस्पताल पुर्‍याइएको थियो भने त्यहीँ उनको सोही हृदयघातका कारण ४३ वर्षको उमेरमा मृत्यु भएको थियो। उनको मृत शरीरलाई सम्मान प्रकट गर्नका लागि एफडिसीबाट सहिद मिनार लगिएको थियो तर त्यसबेला उनका अनुयायी र जिज्ञासु मानिसहरूको ठूलो हुलका कारण यो सम्भव हुन सकेको थिएन भने ठूलो हुललाई तितरबितर गर्नका लागि प्रहरीले अश्रुग्यास प्रहार गरेको थियो भने उपस्थित कयौँ मानिसहरू प्रहरीको कुटाइका कारण घाइते भएका थिए। उनको लासलाई पछि उनको गृह जिल्ला टाङ्गाइलको एलेङ्गामा गाडिएको थियो। उनको मृत्युको खबर देश भित्र तथा देश बाहिर बिबिसी, रयटर्स, डन, हिन्दुस्तान टाइम्स, जि न्युज लगायताका सञ्चार माध्यमहरू मार्फत व्यापक रूपमा फैलिएको थियो। मान्नाको भाञ्जा रेजा कादेरले चिकित्सकहरूको चरम लापरबाहीका कारण मान्नको मृत्यु भएको भन्दै मान्नाको परिवारको तर्फबाट सन् २००६ सेप्टेम्बर १७ का दिन इउनाइटेड अस्पतालका ६ चिकित्सक विरुद्ध मुद्दा दायर गरेका थिए।

लोकप्रियता

मन्नाको सम्झनामा उनका एक अन्धा भक्तको कथामा आधारित अन्तर ज्वाला नामक एक चलचित्र निर्माण गरिएको थियो जसलाई मालेक आफसारीले निर्देशन गरेका थिए भने यसमा जायेद खान र परिमनी मुख्य भूमिकामा रहेका छन्। यस बाहेक, बङ्गलादेशी चलचित्र विकास निगमले मान्ना स्मृतिको सम्झनामा नियमित मान्ना उत्सव आयोजना गरिरहेको छ भने सहभागिताका माध्यमबाट सांस्कृतिक कार्यक्रमहरूको आयोजना हुनेगरेको छ। मान्नाको जन्म र मृत्युको दिन, बङ्गलादेशका विभिन्न दूरदर्शन च्यानलहरूले उनको स्मरण गर्दै उनका चलचित्र वा उनी सम्बन्धित कार्यक्रमहरू आयोजना गर्दछन्।

विविध

लोकप्रियताको चरम सीमामा पुगेका मान्नाको अभिनेता मन्नाको अचानक हृदयघातको कारण मृत्यु भएको थियो जसकारण पुरै बङ्गलादेशी चलचित्र उद्योग प्रभावित बनेको थियो। थुप्रै विद्वान व्यक्तित्वको अनुसार अहिलेसम्म पनि उनको मृत्युका कारण चलचित्र क्षेत्रमा परेको घाटा अझैपनि पार हुन सकेको छैन। उनी आज बाँचिरहेका भए अझै थुप्रै सफल चलचित्रहरू उनले दिन सक्थे भन्ने धारण उनका अनुयायी र प्रशंसकहरूको रहेको छ। सन् २०१६ मा सह-निर्माणमा अनियमितता सम्बन्धी विवादलाई सम्बोधन गर्दै निर्देशक मालेक आफसारीले भने कि यदि मान्ना आज बाँचिरहेका भए आज यो दिन देख्न पर्दैनथ्यो। मन्नालाई थुप्रै अभिनेता तथा अभिनेत्रीहरूका साथसाथै अभिनेत्री मौसुमी, नायक अमित हासान र खल नायक मिशा सओदागर अहिलेपनि स्मारण गर्छन्। उनीहरूको अनुसार मन्ना गुमाएका कारण बङ्गलादेश चलचित्र उद्योगमा परेको क्षति अपूरणीय छ जुन खालीपन कहिल्यै भरी हुँदैन।

यो पनि हेर्नुहोस्

• रियाज
• शाकिब खान
• चञ्चल चौधुरी
• आरिफिन शुभो

बाह्य कडीहरू

• इन्टरनेट चलचित्र डेटाबेसमा मान्ना