राज कुमार राई

स्वतन्त्र विश्वकोश, नेपाली विकिपिडियाबाट
Jump to navigation Jump to search


राज कुमार राई

धनकुटा, चुङमाङ निवासी ४८ वर्षीय राजकुमार राई नेकपा-एमालेका सभासद हुनुहुन्छ। २०५६को संसदीय निर्वाचनमा धनकुटा क्षेत्र नं.२ बाट मालेका उम्मेदवार रहेका राइले विद्यार्थी राजनीति मार्फत २०३४ सालमा राजनीतिक जीवन शुरु गर्नुभएको हो। त्यसपछि शिक्षक आन्दोलनमा सक्रिय हुँदै पार्टी राजनीतिमा संलग्न भएका राईले २०४२ सालमा पाँच वामपन्थीको संयुक्त आन्दोलनमा पाँच महिना नख्खु जेलमा बिताउनुभएको छ। हाल उहाँ नेकपा‍-एमालेका धनकुटा जिल्ला कमिटी उपसचिव, नेपाल लोकतान्त्रिक किरात राई संघका केन्द्रीय अध्यक्ष र नेपाल लोकतान्त्रिक आदिवासी जनजाति महासंघका केन्द्रीय महासचिव हुनुहुन्छ। साहित्य र संगीतमा रुचि भएका सभासद राईका फुटकर कविताहरू प्रकाशित हुँदै आएका छन्। एक छोरी र दुई छोराका पिता राजकुमार राई त्रिभुवन विश्वविद्यालयबाट समाजशास्त्रमा स्नातकोत्तर हुनुहुन्छ। सबै जाति र वर्गको सक्रिय सहभागिताबाट बन्ने संविधानले नै समृद्ध नेपालको रूपरेखा कोर्ने विश्वास राख्ने राई संविधानसभामा राज्यको पुनः संरचना र राष्ट्रिय मूलप्रवाहबाट बहिष्करणमा परेका जाति-वर्गलाई मूलधारमा ल्याउने मुद्दालाई प्रमुखतासाथ उठाउने अठोट गर्नुभएको छ।[१]

सन्दर्भ[सम्पादन गर्ने]