लीलानाथ घिमिरे

स्वतन्त्र विश्वकोश, नेपाली विकिपिडियाबाट
Jump to navigation Jump to search
लीलानाथ घिमिरे
लीलानाथ घिमिरे
लीलानाथ घिमिरे
जन्मलीलानाथ घिमिरे
३० मे 1973
सिन्धुली जिल्ला
राष्ट्रियतानेपाल
पेशापत्रकार, लेखक

लीलानाथ घिमिरे नेपालका एक साहित्यिक रचनाकार [१] तथा सञ्चारकर्मी हुन् । उनले नेपाली भाषाका गीत तथा गजल रचना गरेका छन् । उनको पहिलो गीती सङ्ग्रह सिन्धुलियन[२] हो । उनले विगत २१ वर्ष देखी नेपाली सूचना तथा सञ्चार क्षेत्रमा निरन्तर आफ्नो पेशागत सहभागीता जनाउदै आइरहेका छन् । कान्तिपुर मिडिया ग्रुप अन्तरगतको कान्तिपुर दैनिकमा विगत लामो समयदेखी आवद्ध उनका प्राय लेख आर्थिक तथा सामाजिक र इन्फरमेसन टेक्नोलाजीमा आधारित हुन्छन् । उनी हाल बरिष्ठ उप-सम्पादक पदमा रहेर कार्य गर्दै छन् ।

बाल्यकाल र शिक्षा[सम्पादन गर्ने]

लीलानाथ घिमिरेको जन्म पिता योगेन्द्रप्रसाद घिमिरे र माता जानुकादेवी घिमिरेको कोखबाट सिन्धुलीको माडीमा भएको हो । उनले जनजागृति माद्यमिक विद्यालय भिमानबाट एसएलसी अध्यन पुरा गरे । सिन्धुली बहुमुखी क्याम्पसबाट प्रविणता प्रमाण पत्र सकाएर जनकपुर क्याम्पस ,जनकपुरबाट बि.एड. र रत्नराज्यलक्ष्मी क्याम्पस काठमाडौंबाट एमए अध्ययन सकेका उनले प्रारम्भिक शिक्षा र पत्रकारिता सिन्धुलीबाट नै सुरु गरेका हुन् ।

योगदान[सम्पादन गर्ने]

उनले नेपाली पत्रकारिता क्षेत्रमा २१ वर्ष अनवरत सेवा गरेका छन् । उनी समृद्ध सिन्धुली अभियानकर्ता पनि हुन् ।

पुरस्कार र सम्मान[सम्पादन गर्ने]

उनलाई सन् २००४ मा सिन्धुली उद्योग वाणिज्य सङ्घले 'वर्षको सर्वश्रेष्ठ पत्रकार'को रूपमा सम्मान गरेको थियो । उनले सन् १९९५ मा रेयुकाइ नेपालले आयोजना गरेको पहिलो राष्ट्र व्यापी खुला वाचन प्रतियोगितामा पनि पुरस्कार प्राप्त गरेका छन् । युनिभर्सल पिस फेडेरेसन, अमेरिकाद्वारा २००७ मा शान्ति दूतको पदवी पाएका छन् ।

वाह्य लिङ्कहरू[सम्पादन गर्ने]

सन्दर्भ[सम्पादन गर्ने]