लीलानाथ घिमिरे
लीलानाथ घिमिरे | |
|---|---|
 लीलानाथ घिमिरे | |
| जन्म | लीलानाथ घिमिरे ३० मे 1973 सिन्धुली जिल्ला |
| राष्ट्रियता | नेपाल |
| पेशा | पत्रकार, लेखक |
लीलानाथ घिमिरे नेपालका एक कानुन ब्यवसायी, साहित्यिक रचनाकार [१] तथा सञ्चारकर्मी हुन् । उनले नेपाली भाषाका गीत तथा गजल रचना गरेका छन् । उनको पहिलो गीती सङ्ग्रह सिन्धुलियन[२] हो । उनले विगत २१ वर्ष देखी नेपाली सूचना तथा सञ्चार क्षेत्रमा निरन्तर आफ्नो पेशागत सहभागीता जनाउदै आइरहेका छन् । कान्तिपुर मिडिया ग्रुप अन्तरगतको कान्तिपुर दैनिकमा विगत लामो समयदेखी आवद्ध भइ उनले २३ बर्ष बरिष्ठ उपसंपादकका रूपमा काम गरे । उनका लेखहरू प्राय लेख आर्थिक तथा सामाजिक र इन्फरमेसन टेक्नोलाजीमा आधारित हुन्छन् । उनले सिन्धुलीबाट प्रकाशन हुने जनप्रभात साप्ताहिक, सिन्धुलीकाे पहिलाे पाक्षिक पत्रिका सिन्धुलीगढी, पहिलाे दैनिक प्रभातफेरि काे सम्पादक भएर काम गरे । उनले अमेरिकामा बसेर काराेबार दैनिक र अनलाइन खबर डटकममा समेत सम्वाददाता भएर काम गरे । नेपाल फर्केपछि उनले अर्थसंसार डटकमकाे प्रधान सम्पादक भएर ८ बर्ष काम गरे । अहिले उनी अर्गकागज डटकमकाे प्रधान सम्पादक छन् । त्यसबाहेक उनी वकालतमा समेत सक्रिय छन् ।[३]
बाल्यकाल र शिक्षा
[सम्पादन गर्नुहोस्]लीलानाथ घिमिरेको जन्म पिता योगेन्द्रप्रसाद घिमिरे र माता जानुकादेवी घिमिरेको कोखबाट सिन्धुलीको बितिजाेरमा भएको हो । उनले जनजागृति माद्यमिक विद्यालय भिमानबाट एसएलसी अध्यन पुरा गरे । सिन्धुली बहुमुखी क्याम्पसबाट प्रविणता प्रमाण पत्र तह सकाएर जनकपुर क्याम्पस ,जनकपुरबाट बि.एड. र रत्नराज्यलक्ष्मी क्याम्पस काठमाडौंबाट एमए र नेपाल ल क्याम्पसबाट एलएलबि अध्ययन सकेका उनले प्रारम्भिक शिक्षा र पत्रकारिता सिन्धुलीबाट नै सुरु गरेका हुन् ।
योगदान
[सम्पादन गर्नुहोस्]उनले नेपाली पत्रकारिता क्षेत्रमा ३१ वर्ष अनवरत सेवा गरेका छन् । उनी समृद्ध सिन्धुली अभियानकर्ता पनि हुन् ।
पुरस्कार र सम्मान
[सम्पादन गर्नुहोस्]उनलाई सन् २००४ मा सिन्धुली उद्योग वाणिज्य सङ्घले 'वर्षको सर्वश्रेष्ठ पत्रकार'को रूपमा सम्मान गरेको थियो । उनले सन् १९९५ मा रेयुकाइ नेपालले आयोजना गरेको पहिलो राष्ट्र व्यापी खुला वाचन प्रतियोगितामा पनि पुरस्कार प्राप्त गरेका छन् । युनिभर्सल पिस फेडेरेसन, अमेरिकाद्वारा २००७ मा शान्ति दूतको पदवी पाएका छन् ।
बाह्य कडीहरू
[सम्पादन गर्नुहोस्]सन्दर्भ
[सम्पादन गर्नुहोस्]- ↑ लीलानाथ घिमिरेका लेखहरू वेब्याक मेसिन अभिलेखिकरण २०१५-०७-०७ मिति
- ↑ सिन्धुलीका श्रष्टाको सिन्धुलीयन बजारमा
- ↑ "लासमाथि टेक्दै ४ महिनामा अमेरिका पुगेकी नेपाली चेलीको बयान", Online Khabar (en-USमा), अन्तिम पहुँच २०२४-०९-२४।
https://arthasansar.com/news/23884?fb_comment_id=3355760544508086_3356664621084345[१]
- ↑ Arthasansar; संसार, अर्थ, "अर्थसंसार डटकमको प्रधान सम्पादकमा घिमिरे पुन : नियुक्त", arthasansar.com (अङ्ग्रेजीमा), अन्तिम पहुँच २०२४-०९-२४।