शुभद्रा अधिकारी

शुभद्रा अधिकारी
जन्म	(१९४७-०९-०५)सेप्टेम्बर ५, १९४७ असन, काठमाडौँ, नेपाल
मृत्यु	अगस्ट १६, २०१९(2019-08-16) (उमेर ७१)
राष्ट्रियता	नेपाली
पेशा	अभिनेत्री, नाट्यकर्मी
कार्यकाल	सन् १९६९– सन् २०००

शुभद्रा अधिकारी एक नेपाली चलचित्र अभिनेत्री तथा नाट्यकर्मी थिइन्।उनले विभिन्न नेपाली चलचित्र र टेलिचलचित्रमा काम गरेकी थिइन्। वि.सं. २०२१ सालमा शुभद्राले 'कची मचा' नामक नाटकमा नाट्य अभिनय गरेकी थिइन्। शुभद्राले वि.सं. २०२६ सालमा नेपाली चलचित्र 'मनको बाँध'बाट नेपाली चलचित्र क्षेत्रमा अभिनय पदार्पण गरेकी थिइन्। पहिलो चलचित्रको सफलतापछि उनलाई 'चिनो', 'कन्यादान', 'भाउजु' नामक चलचित्रले निकै चर्चित बनाएको थियो।

जीवनी

शुभद्राको जन्म वि.सं. २००४ भदौ २० गते काठमाडौँको असनमा भएको थियो। उनको पिताको नाम बलराम र माताको नाम नुरादेवी हो। नुरादेवी कार्की गायिका थिइन् भने गायिका तारादेवी उनकी मामाकी छोरी थिइन्।