जुक्स

जुक्स

साइटको प्रकार	सङ्गीत प्रवाह सेवा
उपलब्ध भाषा	अङ्ग्रेजी, परम्परागत चिनियाँ, सरलीकृत चिनियाँ, बर्मी, इन्डोनेसियालि, मलाय, थाई
संस्थापित	जनवरी २०१५ (२०१५-०१)
मुख्यालयहरू	हङकङ
मालिक	थङ्सिन
उद्योग	सङ्गीत, पोडकाष्ट, र श्रव्य दृश्य
युआरएल	www.joox.com www.joox.co.za
अलेक्सा क्रम	७,९९७ (नोभेम्बर २०१९)

जुक्स सन् २०१५ को जनवरीमा सुरू गरिएको एक सङ्गीत प्रवाह सेवा हो। कम्पनीमा १००% स्वामित्व बहुराष्ट्रिय चिनियाँ निगम थङ्सिनको रहेको छ। जुक्स हङकङ, इन्डोनेसिया , मलेसिया , म्यानमार र थाइल्याण्ड जस्ता एसियाली बजारहरूमा सबैभन्दा ठूलो सङ्गीत प्रवाह अनुप्रयोग पनि हो। जुक्स एक भुक्तान स्वतन्त्र / भुक्तान सेवा हो जसले यसको धेरै जसो गीतहरू नि: शुल्क प्रदान गर्दछ जबकि केही गीतहरू केवल भुक्तानी गर्ने प्रयोगकर्ताहरूको लागि मात्र उपलब्ध छ। यसले भुक्तान सदस्यताका माध्यम वा प्रस्ताव गरिएको विभिन्न कार्यहरू पनि सञ्चालन गर्दछ।

सन् २०१७ मा, जुक्सले दक्षिण अफ्रीकामा तिनीहरूको सेवा सुरू गरेको थियो जुन कम्पनीको पहिलो गैर एसियाली बजार पनि हो। सेवाले हाल उनीहरूको एसियाली बजारमा सबै सङ्गीत प्रवाह अनुप्रयोग डाउनलोडहरूको ५०% भन्दा बढीको नियन्त्रण गर्दछ।

सङ्गीत प्रवाह गर्ने प्रयोगकर्ताहरूको सङ्ख्या हङकङ, सिङ्गापुर , मलेसिया, थाइल्याण्ड, फिलिपिन्स, म्यानमार र इन्डोनेसिया सन् २०२० सम्ममा ८७० करोड पुग्ने अनुमान गरिएको छ।

यसका सामग्रीहरू यसको आधिकारिक वेबसाइट, एन्ड्रोइड र आइओएसका छुट्टाछुट्टै अनुप्रयोगहरू मार्फत उपलब्ध छन्। प्रयोगकर्ताहरूले यसको भण्डारमा समावेश २० लाख भन्दा बढी गीतहरू, स्थानीय र अन्तर्राष्ट्रिय छनौट गरिएको प्रवाह सूचीहरू नि: शुल्क रूपमा सुन्न र अफलाइन सुन्नका लागि डाउनलोड पनि गर्न सक्दछन्।

पृष्ठभूमि

जुक्सको उदय हुनु भन्दा पूर्व, थङ्सिनले, क्युक्यु सङ्गीत नामक सङ्गीत प्रवाह सेवाको नियन्त्रण गरेको थियो जून चीनमा सबैभन्दा ठूलो सङ्गीत प्रवाह अनुप्रयोग मध्येको एक हो। यो क्युक्यु सङ्गीत चीनको सर्वाधिक डाउनलोड गरिएको अनुप्रयोग मध्येको एक हो। सन् २०१५ मा, कम्पनीका टोलीहरूले जुक्सलाई उनीहरूको सेवा मुख्यभूमि चीनको सट्टा विदेशी बजारहरूमा सङ्गीत सेवाको विस्तारको रूपमा प्रस्तुत गरेका थिए।

स्पोटिफाई जस्ता प्रमुख सङ्गीत सेवा प्रयोग गर्ने प्रयोगकर्ताहरूका लागि श्रव्य विज्ञापनहरू प्रदर्शन गर्दै नि: शुल्क सेवाहरू प्रदान गर्नुको सट्टामा जुक्स भण्डा विज्ञापन, विशेष विज्ञापन र अन्य विज्ञापन विधाहरू जस्तै श्रेणी प्रवाह सूची र अनुप्रयोग पर्दामा केन्द्रित छ। उनीहरूले यसलाई एक सफलताको रूपमा दावी गरेका थिए। जुक्सले उनीहरूको विशेष भुक्तान पहुँच, डिएसटिभी ग्राहकहरूको लागि निःशुल्क रूपमा प्रदान गरेको थियो। डिएसटिभी, बहुराष्ट्रिय चिनियाँ इण्टरनेट निगम थङ्सिनको भातृ कम्पनी र दक्षिण अफ्रिकामा सेवा सञ्चालन गर्ने प्राथमिक भुक्तान दूर्दशन प्रदायक पनि हो।

लोकप्रियता

सिमिलर वेब

नोभेम्बर २०१९ सम्म, सिमिलर वेबको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा ९३३६ अौँ स्थानमा रहेको छ भने थाइल्याण्डमा यसको क्रम २१७ रहेको छ जसमा यसको उछाल दर ४३.०१% रहेको छ।

अलेक्सा इन्टरनेट

नोभेम्बर २०१९ सम्म, अलेक्सा इन्टरनेटको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा ९अौँ स्थानमा रहेको छ भने चीनमा यसको क्रम ४ रहेको छ।