आवाज दो
 | |
| गठन | अक्टोबर १९, २०१० |
|---|---|
| प्रकार | अनलाइन अभियान |
| कानुनी वैद्यता | सक्रिय |
मूल सङ्गठनहरू | संयुक्त राष्ट्र सङ्घीय बालकोष |
आवाज दो भारतमा पढ्न नपाएका ८० लाख भन्दा बडी बालबालिकाका लागि आवाज उठाउन संयुक्त राष्ट्र सङ्घीय बालकोषद्वारा सञ्चालित अभियान हो । अनलाइन सञ्चालन हुने यस अभियानले आम जनतालाई शिक्षाको महत्त्व बुझाई बालबालिकालाई विद्यालयमा भर्ना गराउने उद्देश्य राखेको छ ।[१]
सन् २०१० मा सञ्चालित यस कार्यक्रमले सरकारी र गैरसरकारी सङ्गठनहरूका साथै २ लाख भन्दा बडी भारतीय नागरिकबाट समर्थन पाएको छ ।[२][३] संयुक्त राष्ट्र सङ्घीय बालकोषका प्रभावक दूत प्रियङ्का चोपडा र भारतका शिक्षा मन्त्री कपिल सिब्बलले पनि आवाज दो च्याम्पियनका रूपमा काम गरी आम जनतालाई यस अभियानबारे सचेत गराइरहेका छन् ।[४]
इतिहास
[सम्पादन गर्नुहोस्]नि:शुल्क एवम् अनिवार्य शिक्षा विधेयक, २००९ अनुसार ६ देखि १४ वर्षका बालबालिकालाई अनिवार्य शिक्षा प्रदान गर्नुपर्छ । यद्यपि, सन् २००९ मा भारतमा ६ देखि १४ वर्षका बालबालिकामध्ये ८० लाख भन्दा बडी विद्यालयमा भर्ना भएका थिएनन् ।[१][५]
सुरुवात
[सम्पादन गर्नुहोस्]भारत सरकार र संयुक्त राष्ट्र सङ्घीय बालकोषको संयुक्त प्रयासले यस अभियानको सुरुवात भएको हो । "आवाज दो" को अर्थ हिन्दीमा "आवाज देऊ" हो र यसको प्रतीकको रूपमा एउटा मेगाफोन राखिएको छ । यो अभियान अक्टोबर १९, २०१० मा सुरु भएको थियो ।
राष्ट्रिय र प्रान्तीय स्तरमा नि:शुल्क एवम् अनिवार्य शिक्षा विधेयक, २००९ को सही ढङ्गले कार्यान्वयन गर्न संयुक्त राष्ट्रिय सङ्घीय बालकोष भारत सरकारसँग काम गरिरहेको छ । यद्यपि, यस अभियानको सफलता सामूहिक प्रयास र सार्वजनिक संलग्नतामा निर्भर छ । आवाज दो अभियान सबै बालबालिकालाई साक्षर बनाउन सरकार, गैरसरकार, मिडिया र आम जनताको सामूहिक प्रयास र संलग्नता जनाउने मन्च हो ।
— उर्मिला सरकार, संयुक्त राष्ट्र सङ्घीय बालकोष शिक्षा प्रमुख[६]
दर्शन
[सम्पादन गर्नुहोस्]यस अभियानले भारतमा विद्यालयमा पढ्न नपाएका ८० लाख भन्दा बडी बालबालिकालाई शब्दको शक्ति सिकाई उनीहरूको जीवन सुधार्न चाहन्छ ।[७] अनलाइन सञ्चालित यस अभियानले इन्टरनेटको माध्यमबाट जनतालाई पिछडिएका बालबालिकाको लागि आवाज उठाउन र उनीहरूलाई सक्दो सहयोग गर्न प्रोत्साहित गर्छ ।
आवाज दो नि:शुल्क एवम् अनिवार्य शिक्षा विधेयक, २००९ को बारेमा जनचेतना फैलाउने अभियान हो । यस विधेयक पास भएकोले नै भारतीय बालबालिकाका लागि ठुलो उपलब्धिको सङ्केत गराउँछ ।
— करिन हल्शफ, संयुक्त राष्ट्र सङ्घीय बालकोष प्रतिनिधि[२]
समर्थन
[सम्पादन गर्नुहोस्]अनलाइन समर्थन
[सम्पादन गर्नुहोस्]अनलाइन अभियान आवाज दो प्रति टन्नै मानिसहरूले यसको बालबालिकालाई साक्षर र सशक्त बनाउने दर्शनलाई इन्टरनेट र सामाजिक सञ्जालबाट समर्थन जनाएका छन् ।
यस अभियानले इन्टरनेट र सामाजिक सञ्जालको प्रयोग गरी बालबालिकाको साक्षरता र सशक्तिकरणमा आम जनतालाई संलग्न गराउन खोजेको छ ।
— करिन हल्शफ, संयुक्त राष्ट्र सङ्घीय बालकोष प्रतिनिधि[२]
अक्टोबर १९, २०१० मा यस अभियानको वेबसाइट सार्वजनिक बनाइएको थियो । यस वेबसाइटमा अभियानको परिचयका साथै अन्य मिडियामा प्रतिनिधित्व, प्रेस विज्ञप्ति र दर्ता फारम उपलब्ध छ । आफू अभियानमा दर्ता नभएपनि आफू नजिकको विद्यालयमा दान दिने र नि:शुल्क एवम् अनिवार्य शिक्षा विधेयक, २००९ बारे आफूले चिनेजानेका मानिसलाई जानकारी दिने लगायत सहयोगका लागि गर्न सकिने कार्यहरू पनि यस वेबसाइटमा हेर्न सकिन्छ । सन् २०१२ को अन्त्यमा २ लाख भन्दा बडी व्यक्तिहरूले यस अभियानमा आफ्नो नाम अनलाइन दर्ता गराएका थिए ।[३]
सरकारी र गैरसरकारी संस्थाबाट समर्थन
[सम्पादन गर्नुहोस्]भारत सरकारको साथमा अन्य सरकारी संस्था, समाजसेवा र चर्चित व्यक्तिहरूले यस अभियान प्रति समर्थन जनाएका छन् । संयुक्त राष्ट्र सङ्घीय बालकोषका प्रभावक दूत प्रियङ्का चोपडा र भारतका शिक्षा मन्त्री कपिल सिब्बलले पनि आवाज दो च्याम्पियनका रूपमा काम गरी आम जनतालाई यस अभियानबारे सचेत गराइरहेका छन् ।[४] प्रियङ्का चोपडाले उनका समर्थकलाई यस अभियानमा भाग लिन आग्रह गर्दै सामाजिक सञ्जालमा भिडियोहरू राखेकी छिन् ।
टाटा इण्डिकम, बरिस्टा लवाजा, पार्क होटेल्स, टपरवेयर लगायत अन्य कम्पनीले संयुक्त राष्ट्र सङ्घीय बालकोषसँग काम गरी आफ्ना उपभोक्तालाई बाल शिक्षाको मुद्दामा आवाज उठाउन आग्रह गरिरहेका छन् भने चन्दामामा र डिज्नी च्यानलले आफ्ना दर्शकलाई यस विषयको बारेमा सचेत गराइरहेका छन् । क्याननले पनि यस विषयको बारेमा चेतना फैलाउन फोटो र भिडियो प्रतियोगिता आयोजना गरिरहेको छ ।[५]
थप लेख
[सम्पादन गर्नुहोस्]सन्दर्भ सामग्री
[सम्पादन गर्नुहोस्]- ↑ १.० १.१ रेडिफ, "८० लाख भन्दा बडी बालबालिका अझै विद्यालय जान नपाउँदा भारतको विकास हुन सक्ला त", रेडिफ, अन्तिम पहुँच जनवरी ५, २०१२।
- ↑ २.० २.१ २.२ मैत्रेयी बरुआ, "२ लाख भन्दा बडी अनलाइन अभियानमा संलग्न", डीएनए इन्डिया, अन्तिम पहुँच डिसेम्बर २८, २०१२।
- ↑ ३.० ३.१ "संयुक्त राष्ट्र सङ्घीय बालकोष आवाज दो गृहपृष्ठ", मूलबाट मे १, २०११-मा सङ्ग्रहित, अन्तिम पहुँच अप्रिल २७, २०११। वेब्याक मेसिन अभिलेखिकरण २०११-०५-०१ मिति
- ↑ ४.० ४.१ "प्रियङ्का चोपडा लगायत अन्यले आवाज दो प्रति समर्थन जनाउँछन्", अन्तिम पहुँच अप्रिल २७, २०११।
- ↑ ५.० ५.१ "भारतमा ८० लाख भन्दा बडी बालबालिका विद्यालय बाहिर", संयुक्त राष्ट्र सङ्घीय बालकोष, अन्तिम पहुँच अप्रिल २७, २०११।
- ↑ "संयुक्त राष्ट्र सङ्घीय बालकोष शिक्षा प्रमुखको भाषण", संयुक्त राष्ट्र सङ्घीय बालकोष, अन्तिम पहुँच अप्रिल २७, २०११।
- ↑ इन्दोर न्यूज, "आवाज दोको दर्शन", इन्दोर ३६०, मूलबाट अक्टोबर ४, २०११-मा सङ्ग्रहित, अन्तिम पहुँच अप्रिल २७, २०११। वेब्याक मेसिन अभिलेखिकरण २०११-१०-०४ मिति