अत्तर

अत्तर सुगन्धित सुगन्धित अत्यावश्यक तेल वा सुगन्धित यौगिकहरू, स्थिरीकरण गर्ने पदार्थ र घोलक पदार्थ हरूको मिश्रण हो। यो सामान्यतया तरल रूपमा हुन्छ र मानव शरीर, जनावर, खाना, वस्तुहरू र बस्ने ठाउँहरूलाई मनमोहक सुगन्ध दिन प्रयोग गरिन्छ। अत्तरलाई सुगन्धित बास्ना फैलाउने पदार्थको रूपमा परिभाषित गर्न सकिन्छ। यसमा सुगन्धित रसायन र प्राकृतिक तेलहरूको कृत्रिम मिश्रण हुन्छ। सन् १९३९ का रसायनशास्त्रतर्फका नोबेल पुरस्कार विजेता लियोपोल्ड रुजिचकाले सन् १९४५ मा "वैज्ञानिक रसायनशास्त्रको प्रारम्भिक दिनदेखि हालसम्म, अत्तरले विधि, व्यवस्थित वर्गीकरण र सिद्धान्तका सन्दर्भमा प्राङ्गारिक रसायनशास्त्रको विकासमा ठूलो योगदान पुर्‍याएको बताएका थिए।"

प्राचीन ग्रन्थहरू र पुरातात्विक उत्खननहरूले प्रारम्भिक मानव सभ्यताहरूमा नै अत्तरको प्रयोग हुने गरेको देखाउँछन्। आधुनिक अत्तर निर्माण कला १९औँ शताब्दीको उत्तरार्धमा भ्यानिलिन र कुमारिन जस्ता सुगन्धित यौगिकहरूको व्यावसायिक संश्लेषणसँगै सुरु भएको हो। यसले गर्दा प्राकृतिक सुगन्धबाट मात्र प्राप्त गर्न नसकिने नयाँ प्रकारका बास्नाहरू बनाउन सम्भव भएको थियो।