अनुगुल जिल्ला

विकिपिडिया, एक स्वतन्त्र विश्वकोशबाट
अनुगुल जिल्ला
जिल्ला
अनुगुल जिल्लाको आधिकारिक छाप
अनुगुल जिल्लाको अवस्थिति
निर्देशाङ्क: २०°४९′५९″N ८५°०६′००″E / २०.८३३°N ८५.१°E / 20.833; 85.1निर्देशाङ्कहरू: २०°४९′५९″N ८५°०६′००″E / २०.८३३°N ८५.१°E / 20.833; 85.1
देश भारत
राज्यओडिशा
स्थापित१ अप्रिल १९९३
सदरमुकामअनुगुल
सरकार
 • प्रकारनगरपालिका
क्षेत्रफल
 • जम्मा६,२३२ किमी (२४०६ वर्ग माइल)
उन्नतांश
८७५.५ मिटर (२८७२.४ फिट)
जनसङ्ख्या
 (सन् २०११)
 • जम्मा१,२७३,८२१[१]
 • घनत्व१९९/किमी (५२०/वर्ग माइल)
भाषा
 • आधिकारिकओडिशा, अङ्ग्रेजी
समय क्षेत्रयुटिसी+५:३० (भारतीय मानक समय)
लिङ्ग अनुपात०.९४२ /
साक्षरता७८.९६%
वेबसाइटangul.nic.in

अनुगुल जिल्ला भारतको ओडिशा राज्य अन्तर्गत पर्ने एक जिल्ला हो। यस जिल्लाको सदरमुकाम अनुगुल सहर हो। अनुगुल जिल्लालाई ओडिशाको औद्योगिक राजधानीको रूपमा लिइन्छ।

भूगोल[सम्पादन गर्नुहोस्]

अनुगुल जिल्ला ओडिशा राज्यको केन्द्रीय भागमा अवस्थित छ भने भने यो जिल्ला २०°३१' देखि २१°४०' उत्तर अक्षांश र ८४°१५' देखि ८५°२३' पूर्वी देशान्तरणमा अवस्थित छ। अनुगुल जिल्लाले भारतको कुल क्षेत्रफल मध्ये ६२३२ वर्ग किलोमिटर ओगटेको छ।[२] यस जिल्लालाई कटर र ढेङ्कानाल जिल्लाले पूर्व, देवगढ, केन्दुझर र सुन्दरगढ जिल्लाले उत्तर, सम्बलपुर र सोनेपुर जिल्लाले पश्चिम, नयागढ र बौद्ध जिल्लाले दक्षिणबाट घेरेको छ। यस जिल्लामा प्रशस्त प्राकृतिक स्रोत रहेको छ। अनुगुल जिल्लाको सदरमुकाम अनुगुल सहर भुवनेश्वरबाट १५० किलोमिटरको दुरीमा अवस्थित छ।[३]

जनशाङ्खिकि[सम्पादन गर्नुहोस्]

सन् २०११ को राष्ट्रिय जनगणना अनुसार यस जिल्लाको कुल जनसङ्ख्या १२७३८२१ रहेको छ[४] जसमध्ये पुरुषको जनसङ्ख्या ६५५७१८ छ भने महिलाको जनसङ्ख्या ६१८१०३ रहेको छ। यस जिल्लाको जनघनत्व १९९ प्रति वर्ग किलोमिटर (५२०/वर्ग माइल) रहेको छ।[४] सन् २००१ देखि २०११ सम्म एक दशकको अन्तरालमा यस जिल्लाको जनसङ्ख्या ११% ले वृद्धि भएको थियो।[५] यस जिल्लामा प्रत्येक १००० पुरूषका लागि ९४२ महिलाको लिङ्गीक अनुपात र यस जिल्लाको कुल साक्षरता दर ७८.९६% रहेको छ। यस जिल्ला १९३० गाउँहरू रहेका छन्। [४]

अर्थतन्त्र[सम्पादन गर्नुहोस्]

अनुगुल जिल्लाको अर्थतन्त्रमा कृषिले महत्त्वपूर्ण स्थान ओगटेको छ किनकि सन् २०११ को राष्ट्रिय जनगणना अनुसार कृषिले यस जिल्लाका ७०% लाई प्रत्यक्ष तथा अप्रत्यक्ष रोजगार प्रदान गरेको छ। यस जिल्लाको कुल उत्पादन योग्य क्षेत्र २१६४०३ हेक्टरमा फैलिएको छ जुन यस जिल्लाको कुल क्षेत्रफल मध्ये ३२.७% हो। खरीफ ऋतुमा उत्पादन हुने प्रमुख बाली धान, मकै, रागी, तिलहन, दाल, कोदो, गहुँ, मटर, सूर्यमुखी, लसुन, अदुवा, आलु, प्याज, सुर्ति, उखु र धनिया आदि हुन्।

प्रशासन[सम्पादन गर्नुहोस्]

अनुगुल जिल्लाको प्रशासनिक सदरमुकाम अनुगुल सहरमा अवस्थित छ। प्रशासनिक संरचनाको हालको परिदृश्यमा जिल्लामा ४ उप विभाग, ८ तहसील र ८ विकास खण्डहरू रहेका छन्। अनुगुल जिल्लामा कुल २२५ ग्राम पञ्चाय, २ नगरपालिका, १ अधिसूचित क्षेत्र परिषद् र २ २३ प्रहरी थानाहरू रहेका छन्। सन् २००८ देखि अनुगुल जिल्लाले धेनकनाल (लोकसभा क्षेत्र) र सम्बलपुरको (लोकसभा क्षेत्र) प्रतिनिधित्व गर्दै आएको छ।[६]

सन्दर्भ सामग्री[सम्पादन गर्नुहोस्]

  1. "Anugul (Angul) District Population Census 2011, Orissa literacy sex ratio and density", मूलबाट ६ जनवरी २०१५-मा सङ्ग्रहित, अन्तिम पहुँच ९ फेब्रुअरी २०१५ 
  2. "Census of India 2001: Data from the 2001 Census, including cities, villages and towns (Provisional)", भारतको जनगणना आयोग, मूलबाट १६ जुन २००४-मा सङ्ग्रहित, अन्तिम पहुँच १ नोभेम्बर २००८  वेब्याक मेसिन अभिलेखिकरण १६ जुन २००४ मिति
  3. "Angul-Talcher seventh most polluted industrial cluster in the country", द हिन्दु, ५ जनवरी २०१०। 
  4. ४.० ४.१ ४.२ "सन् २०११ को जिल्लाको जनगणना", २०११, मूलबाट ११ जुन २०११-मा सङ्ग्रहित, अन्तिम पहुँच ३० सेप्टेम्बर २०११ 
  5. "देशको तुलना:जनसङ्ख्या", मूलबाट २७ सेप्टेम्बर २०११-मा सङ्ग्रहित, अन्तिम पहुँच १ अक्टोबर २०११  वेब्याक मेसिन अभिलेखिकरण २७ सेप्टेम्बर २०११ मिति
  6. www.census2011.co.in সংগৃহীত ৯ আগস্ট, ২০১৮

बाह्य कडीहरू[सम्पादन गर्नुहोस्]