इन्फ्लुएन्जा

स्वतन्त्र विश्वकोश, नेपाली विकिपिडियाबाट
Jump to navigation Jump to search
Influenza
EM of influenza virus.jpg
सुक्ष्मदर्शक यन्त्रमा करीब १ लाख गुणा ठूलो पारिएको इन्फ्लुएन्जा भाइरस
वर्गीकरण तथा बाह्य सामग्रीहरू
विभागसङ्क्रामक रोगहरू
आइसिडी-१०J10., J11.
आइसिडी-९ सिएम487
ओएमआइएम614680
डिजिज-डिबी6791
मेडलाइन प्लस000080
इ-मेडिसिनmed/1170 ped/3006
प्यासेन्ट युकेइन्फ्लुएन्जा
एमई-एसएचD007251

इन्फ्लुएन्जालाई बोलिचालीको भाषामा फ्लू भनिन्छ। यो इन्फ्लुएन्जा भाइरसका कारणले लाग्ने सङ्क्रामक रोग हो।[१] यसका लक्षणहरू सामान्यदेखि अत्यन्तै गम्भीरसम्मका हुन्छन्।[२] प्रायजसो देखा पर्ने लक्षणहरू: उच्च ज्वरो, नाकबाट पातलो सिँगान बग्ने, घाँटी दुख्ने, मांसपेसी दुख्ने, टाउको दुख्ने, खोकी लाग्ने तथा थकान महशुस हुने आदि हुन्। सामान्यतया यी लक्षणहरू भाइरसको सम्पर्कमा पुगेको दुई दिनपछि सुरु हुन्छन् र धेरैजसो एक हप्ताभन्दा कमसम्म रहने गर्दछन्। यद्यपी यो रोगका कारण लाग्ने खोकी दुई हप्ताभन्दा बढी रहन सक्छ।[१] बालबालिकाहरूमा वाकवाकी लाग्ने तथा वान्ता हुने जस्ता लक्षणहरू पनि देखिन्छ तर वयस्कहरूमा यस्तो लक्षण नदेखिन सक्छ। वाकवाकी लाग्ने तथा वान्ता हुने जस्ता लक्षणहरू खासगरी इन्फ्लुएन्जासँग सम्बन्धित नहुने सङ्क्रामक पखाला (ग्यास्ट्रोएन्टराइटिस) भएको बेलामा देखा पर्छ। सङ्क्रामक पखालालाई गलत अर्थ लाग्नेगरी 'पेटको फ्लू' वा '२४ घण्टे फ्लू' पनि भन्ने गरिन्छ तर यसको वास्तविक फ्लूसँग कुनै सम्बन्ध छैन।[३]

इन्फ्लुएन्जाले भाइरल निमोनिया, दोस्रो चरणको ब्याक्टेरियल निमोनिया, नाके ओढारको सङ्क्रमण (पिनास) जस्ता जटिलता निम्त्याउन सक्छ भने दम वा हृदयघात जस्ता समस्यालाई झनै जटिल बनाउन सक्छ।[२][४]

इन्फ्लुएन्जा भाइरसहरू धेरै प्रकारका भए पनि तीन वटाले मात्र मानिसलाई असर पुर्याउने गर्दछन्। ती भाइरसहरूलाई अङ्ग्रेजीमा टाइप ए, टाइप बी र टाइप सी भनेर नामाकरण गरिएको छ।[४]

सन्दर्भ सामग्रीहरू[सम्पादन गर्ने]

  1. १.० १.१ "Influenza (Seasonal) Fact sheet N°211", who.int, मार्च २०१४, अन्तिम पहुँच २५ नोभेम्बर २०१४ 
  2. २.० २.१ "Key Facts about Influenza (Flu) & Flu Vaccine", cdc.gov, सेप्टेम्बर ९, २०१४, अन्तिम पहुँच २६ नोभेम्बर २०१४ 
  3. Duben-Engelkirk, Paul G. Engelkirk, Janet (2011). Burton's microbiology for the health sciences (9th संस्करण). Philadelphia: Wolters Kluwer Health/Lippincott Williams & Wilkins. प॰ 314. ISBN 9781605476735. https://books.google.com/books?id=RaVKCQI75voC&pg=PA355. 
  4. ४.० ४.१ Longo, Dan L. (2012). "187: Influenza". Harrison's principles of internal medicine. (18th संस्करण). New York: McGraw-Hill. ISBN 9780071748896.