के म तिम्रो होइन र (गीत)

"के म तिम्रो होइन र"
अभिजीत भट्टाचार्य र साधना सरगमको एकल
ढाँचा	डिजिटल डाउनलोड
किसिम	चलचित्रको गीत
लम्बाई	०४:०९
लेबल	म्युजिक नेपाल
गीतकार(हरू)	कृष्णहरी बराल
साङ्गीतिक भिडियो
"तिमी बिनाको जीवन" युट्युबमा हेर्नुहोस्

के म तिम्रो होइन र सर्वाधिक कमाई गर्न सफल चलचित्रहरू मध्येको एक चलचित्र कोहिनुरमा समावेश नेपाली भाषाको गीत हो। यस गीतमा पुरुष तर्फ स्वर भारतीय पार्श्व गायक अभिजीत भट्टाचार्य र महिला तर्फ भारतीय पार्श्व गायिका साधना सरगमको रहेको छ।

यस गीतमा छायाङ्कन राजु विक्रम थापाले गरेका छन् भने सम्पादन वानिश शाहले गरेका छन् र यस गीतलाई निर्देशन वसन्त श्रेष्ठले गरेका हुन्। यस गीतमा शब्द डाक्टर कृष्ण हरि बरालको रहेको छ। यस गीतमा सङ्गीत वरिष्ठ सङ्गीतकार सम्भुजित बास्कोटाको रहेको छ। यसको आधिकारिक साङ्गीतिक श्रव्य दृश्यलाई द स्काई मूभिजको आधिकारिक युट्युब खातामा ६ जून २०१४ मा सार्वजनिक गरिएको थियो भने यसले असोज २०७६ सम्ममा ५६ लाख ५० हजार भन्दा बढी अवलोकन प्राप्त गरिसकेको छ।

साङ्गीतिक श्रव्य दृश्य

यसको आधिकारिक श्रव्य दृश्यमा अभिनेता श्रीकृष्ण श्रेष्ठ र अभिनेत्री स्वेता खड्कालाई प्रमुख पात्रको रूपमा उभ्याइएको छ। यसको लम्बाई ४ मिनेट ८ सेकेण्डको रहेको छ जसको सुरुवातमा अभिनेता श्रीकृष्ण श्रेष्ठ एउटा पहाडको ढिस्कोबाट माथि उठ्छन् र एकछिन पछि अभिनेत्री स्वेता खड्का मुस्कुराउँदै दृश्यमा देखा पर्छिन्। उनी त्यसपछि दौडिन्छिन् र उनी भने स्वर तान्दै हात फैलाउँछन्। पछि दुबै जना फरक फरक ढिस्कोमा गई नृत्य प्रस्तुत गर्न थाल्छन्। उनी जमिनमा बस्छिन् र उनी सारङ्गी बजाउन थाल्छन् र उनी उक्त सारङ्गीको तालमा हस्त नृत्य गर्न थाल्छिन्। उनी मुस्कुराउँछिन् र पछि दुबै जनाले एकअर्काको ओठलाई चुम्मन गर्छन्। उनी सुरुमा सारङ्गी बजाउँछन् र त्यसको विपरीत उनले जमिनमा बसी सारङ्गी बजाउँछिन् र उनी भने पृष्ठभूमिमा नृत्य प्रस्तुत गर्छन्। एकछिन पछि गीतको सुरुवात हुन्छ।

सुरुवातमा उनी उनको नजिक जान्छिन् र उनको छातीमा टाउको अड्याउँछिन् र जान खोज्दा उनले उनलाई आफू तिर तान्छन्। उनी अभिनयका साथ गीत प्रस्तुत गर्न थाल्छन्। दृश्यमा अभिनयको हेरफेर हुने क्रम जारी रहन्छ। दृश्यमा उनले डम्फू बजाउँछन् र उनी उनको अगाडि नाच्न थाल्छिन्। उनले डम्फू बजाउने क्रम जारी राख्छन्। उनी त्यस पछि उनको नजिक जान्छन् र उनीहरू दुबै जना पहाडको ढिस्कोमा बसी अङ्गालो कस्छन्। पछि उनी गीत गाउन थाल्छन् र उनी हर्सित देखिन्छिन्। 

दृश्य अर्कै स्थानमा मोडिन्छ र उच्च पहाडी भेग भएको ठाउँमा पुग्छन् र सोही स्थानबाट गीतमा धुनको प्रारम्भ हुन्छ। एकैछिन पछि दुबै जना एक ठाउँमा बस्दै एक अर्कालाई हेर्छन्। श्रव्य दृश्यमा हेरफेर हुँदै उनीहरू एक अर्काको नजिक रहेको र खुसी भएको चित्रण गरिएको छ। धुनको अन्त्य हुन्छ र उनीहरू दुबै जना नृत्य प्रस्तुत गर्न थाल्छन्। उनी पहाडको ढिस्कोमा गई अभिनयका साथ नृत्य प्रस्तुत गर्छन् र उनी सो देखेर हर्सित देखिन्छिन्। पछि उनी नाच्दै उनी बसी रहेको ठाउँमा दौडिदै पुग्छिन् र अङ्गालोमा पनि बाँधिन्छिन्। उनी पुनः डम्फू बजाउन थाल्छन् र उनी गीत प्रस्तुत गर्न थाल्छिन्। एकै छिनको गीत प्रस्तुति पछि दुबै जनाले अङ्गालो हाल्छन् र श्रव्य दृश्यको पनि सोही ठाउँबाट अन्त्य हुन्छ।