गणेशप्रसाद तिमिल्सिना

गणेशप्रसाद तिमिल्सिनाा (जन्म विसं २०१८ जेठ १२) राष्ट्रिय सभाका अध्यक्ष हुन्।

पर्वत जिल्लाको मोदी गाउँपालिका-७ मा जन्मिएका उनी नेकपा एमालेका नेता पनि थिए। २०७४ फागुन ३० गते राष्ट्रिय सभा अध्यक्षमा निर्विरोध निर्वाचित तिमिल्सिना २०३५–२०३६ सालको विद्यार्थी आन्दोलनसँगै राजनीतिमा सक्रिय भएका थिए। २०७० सालमा एमालेको नवौँ राष्ट्रिय महाधिवेशन (काठमाडौं) बाट पोलिट्ब्युरो सदस्यमा निर्वाचित उनले ४ नम्बर प्रदेश सहसंयोजकको जिम्मेवारी पनि पाएका थिए। उनी २०५४ सालमा पर्वत जिल्ला विकास समितिको सभापतिमा निर्वाचित भएका थिए।