नाम्ड्रोल्लिङ

नाम्ड्रोल्लिङ
नाम्ड्रोल्लिङको प्रवेश द्वार
Tibetan transcription(s)
तिब्बती	ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་།
Wylie transliteration	थेग मछोग र्नम ग्रोल बशद स्ग्रुब दर र्ग्यस ग्लिङ
मठ जानकारी
स्थान	नाम्ड्रोल्लिङ, बैलकुप्पे, मैसूर, कर्नाटक भारत
द्वारा स्थापित	पद्म नोर्बु रिन्पोछे
स्थापित	१९६३
किसिम	तिब्बती बौद्ध
सम्प्रदाय	ञिङमा
वंश	पल्युल सम्प्रदाय
प्रमुख लामा	कर्म कुछेन, पल्युल सम्प्रदायको बाह्रौ सिंहासन धारक
भिक्षुको सङ्ख्या	सन् २००६ सम्ममा ८,८९१ आठ हजार आठ सय एकानब्बे (भिक्षु भिक्षुणी लगायत)
पर्व	लोसार, ड्रुब्छेन, कमायी ड्रुब्छोद्, सगदावा, वर्षावास, मिफाम वार्षिकोत्सव, लोङ्छेन वार्षिकोत्सव, गुतोर इत्यादि;

नाम्ड्रोल्लिङ विहारको बाहिरी दृश्य

नाम्ड्रोल्लिङ वा थेग्छोग नाम्ड्रोल शद्ड्रुब दरग्यास लिङ (तिब्बती: ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་།, वयली: theg mchog rnam grol bshad sgrub dar rgyas gling), विश्वमा तिब्बती बौद्ध धर्म अन्तर्गत ञिङमा सम्प्रदायको सबै भन्दा ठूलो शिक्षा केन्द्र मध्ये एक हो। यो शिक्षा केन्द्र दक्षिण भारत, कर्नाटक, मैसूर जिल्ला को बैलकुप्पेमा पर्दछ। यहाँ हजारौं बौद्ध विधार्थीहरूको लागि छात्रावास, शिक्षा केन्द्र, पुस्तालय, अस्पताल, ध्यान केन्द्र इत्यादि रहेको छन्।

इतिहास

नाम्ड्रोल्लिङ गुम्बा तिब्बती बौद्ध परम्पराको ञिङमा शाखाको एक महत्वपूर्ण केन्द्र हो, जुन दक्षिण भारतको कर्नाटक राज्यको मैसूर नजिकै बैलकुप्पे क्षेत्रमा अवस्थित छ। यो गुम्बा सन् १९६३ मा पद्म नोर्बु रिन्पोछे (पल्युल सम्प्रदायको एघारौ सिंहासन धारक) द्वारा स्थापना गरिएको हो, जो तिब्बती बौद्ध धर्मका एक महान गुरु र ११औँ पेन्मा नोरबुको पुनर्जन्म (reincarnation) मानिन्छन्। सन् १९५९ मा चीनको तिब्बत अधिग्रहणपछि, धेरै तिब्बती लामा र भिक्षुहरू निर्वासित भएर भारत आएका थिए। पद्म नोर्बु रिन्पोछे पनि तिब्बतबाट भागेर भारत आइपुगेका थिए। भारत सरकारको सहयोगमा बैलकुप्पे क्षेत्रमा निर्वासित तिब्बतीहरूको पुनःस्थापनाको क्रममा उहाँले यो गुम्बा स्थापना गर्नुभयो। गुम्बाको प्रारम्भमा केवल केही भिक्षुहरू मात्र थिए र गुम्बाको संरचना पनि निकै साधारण थियो — बाँसको झुपडीबाट सुरु भएको थियो। तर समयसँगै यसले उल्लेखनीय प्रगति गर्‍यो। आज यो गुम्बा दक्षिण भारतको सबैभन्दा ठूलो तिब्बती बौद्ध शिक्षा केन्द्रमध्ये एक हो। यहाँ ५,००० भन्दा बढी भिक्षु र भिक्षुणीहरू अध्ययन र ध्यान अभ्यास गर्छन्। गुम्बामा रहेको "गोल्डेन टेम्पल" (स्वर्णमठ) वा मुख्य प्रार्थना भवन तिब्बती वास्तुकलाको उत्कृष्ट नमूना हो। यसमा तीन विशाल मूर्तिहरू छन् — गुरु पद्मसम्भव, बुद्ध शाक्यमुनि र अमितायस। गुम्बामा धार्मिक शिक्षा, ध्यान साधना, तन्त्र अभ्यास, र संस्कृतिका विविध कार्यहरू गरिन्छ। आजको दिनमा नाम्ड्रोल्लिङ गुम्बा तिब्बती बौद्ध धर्मको प्रचार, अध्यापन, र संस्कृतिको संरक्षणमा महत्वपूर्ण योगदान दिने एक प्रमुख केन्द्रका रूपमा परिचित छ।

शाखा

• प्राथमिक तथा माध्यमिक विद्यालय
• पुर्वानुदित प्राचीन बौद्ध विद्यापीठ
• पुर्वानुदित प्राचीन बौद्ध अनुसन्धान केन्द्र
• ञिङमा नानेरी मठ
• ञिङमा नानेरी उच्चा शिक्षा केन्द्र
• बौद्ध पुस्तालय
• सम्तन वोद्सल लिङ ध्यान केन्द्र
• ड्रुब ञिस् गछाल लिङ ध्यान केन्द्र
• टि टि मेडिकल सेन्टर
• पी.डी.एल गेस्ट हाउस

धार्मिक समारोह

यहाँको वार्षिक समारोहमा खस गरी लोसार, ड्रुछेन (आसन्न निधि पारम्परिक महासाधना), गुरु पद्म सम्भवको दिवस, कमयी ड्रुबछेन (दिर्घागम पारम्परिक महासाधना), ...

यो पनि हेर्नुहोस्

• Namdroling Monastery in India वेब्याक मेसिन अभिलेखिकरण २०१६-११-२४ मिति
• Palyul Centers: Namdroling Monastery, South India

तस्विरहरू

• 
  सङ्स्दोग पलरी मन्दिर
• 
  तारादेवी मन्दिर
• 
  नाम्ड्रोल्लिङ मठको भित्री मुर्ति
• 
  पद्म सम्भव बौद्ध विहार
• 
  पुर्वानुदित बौद्ध अध्यन केन्द्रको मूल द्वार
• 
  भिक्षुणी आश्रम

थप जानकारी

• Zangpo, Tsering Lama Jampal (1988), A Garland of Immortal Wish-Fulfilling Trees, Ithaca, NY: Snow Lion Publications. ISBN 0-937938-64-5, ISBN 978-0-937938-64-5
• Nyoshul Khen Rinpoche (2005), "A Marvelous Garland of Rare Gems: Biographies of Masters of Awareness in the Dzogchen Lineage", Junction City, CA: Padma Publishing. ISBN 978-1-881847-41-0

बाह्य कडीहरू

• Namdroling Monastery in India वेब्याक मेसिन अभिलेखिकरण २०१६-११-२४ मिति
• Palyul Centers: Namdroling Monastery, South India