प्लानेटा डटरू

प्लानेटा डटरू

साइटको प्रकार	संयुक्त कोष
उपलब्ध भाषा	रूसी
युआरएल	planeta.ru
अलेक्सा क्रम	३,३३७ (रूस)
व्यवसायिक	हो
दर्ता	आवश्यक
प्रयोगकर्ताहरू	Over २०००० visitors daily
चालु भएको मिति	७ जुन २०१२ (२०१२-०६-07)
वर्तमान स्थिति	चालू

प्लानेटा डटरू एक रूसी संयुक्त कोष वेबसाइट हो र हाल देशको सबैभन्दा ठूलो संयुक्त कोष वेबसाइट हो। यसको नेतृत्वमा सङ्गीतकार म्याक्स लाकमस रहेका छन्। जून २०१२ देखि मार्च २०१६ सम्ममा, यसले कुल ६३०० परियोजनाहरू मार्फत ३९ करोड रूबल कोषको रूपमा सङ्कलन गरिसकेको छ।

कोषकर्ताहरूका अनुसार, फेब्रुअरी २०१९ मा, यसले १ बिलयन रूबल भन्दा बढी कोष सङ्कलन गरिसकेको र यसले ४.५ हजार संयुक्त कोष अभियान सफलतापूर्वक पूर्ण गरिसकेको छ। अर्थतन्त्र, व्यापार र लगानीका लागि यसले सन् २०१४ को रूनेट पुरस्कार प्राप्त गरेको थियो।

इतिहास

प्लानेटा डटरू ७ जून २०१२ मा, तीन जना असल मित्र वा बिआई-२ साङ्गीतीक समूहका सदस्यहरूद्वारा स्थापना गरिएको थियो। यसलाई सुरुवातमा सङ्गीतिक समूहको साङ्गीतीक सङ्गालोहरूको अग्रिम माग गर्नका लागि सुरुवात गरेको थियो। तथापि, सुरुवात तथा विकासको क्रममा सेवाले यसको सिद्धान्तमा मोड लिँदै संयुक्त कोषमा केन्द्रित भएको थियो। यसको संयुक्त कोष युक्त मञ्च स्थापना रूसमा संयुक्त कोष दिवसका दिन रहेको मानिन्छ।

सन् २०१३ को रूसी इण्टरनेट साप्ताहिकमा, प्लानेटा डटरूले संयुक्त कोष तथा संयुक्त लगानीमा पहिलो सम्मेलनको आयोजना गरेको थियो। यो वेबसाइट अङ्ग्रेजी भाषाका वेबसाइटहरू जस्तै किक ष्टाटार र इण्डिगोगोको जस्तै छ। मौद्रिक लेनदेन उपयोगकर्ताको डिजिटल थैलीको माध्यमबाट गरिन्छ। यसमा भुक्तान धेरै विधिहरू मार्फत गर्न सकिन्छ जसमा डेबिट कार्डहरू (प्रवेशाज्ञा, माष्टरकार्ड), मोबाइल फोन थैली (बीलाइन, मेगाफोन, एमटिएस) र अनलाइन भुक्तानी प्रणाली (याण्डेक्स मुद्रा, किवी, वेब मनि) समावेश छन्।

सन् २०१४ मा, संस्थापक रूनेट पुरस्कारका साथ

सन् २०१५ यता, मञ्चले मोबाइल सञ्जाल सञ्चालन मेगा फोनको सहयोगमा दान मुलक कार्यक्रम सञ्चालन गरिरहेको छ। जसमा मोबाइल सञ्चालक मेगाफोनले प्लानेटा डटरूको थुप्रै परियोजनामा विशेष सहयोग गर्दै आइरहेको छ जसमा विषयहरूमा अशक्तता भएका बालबालिकाहरूको पुनःस्थापन, अशक्तता भएका युवाहरूको सामाजिक र श्रम अनुकूलन आदि कार्यहरू समावेश छन्। सन् २०१५ मै, लिप्टन ब्राण्डको सहयोगमा यसले सामाजिक उद्यम कार्यक्रम गुडष्टाटरको सुरुवात गरेको थियो। सन् २०१६ मा, मञ्च असीमित परियोजना "बिब्लोरोडिना" को आरम्भकर्ताहरू मध्येको एक हो।

फेब्रुअरी २०१७ मा, रूसी उद्यम कम्पनी तथा एभा लगानी कोषका साथ यसले "प्रविधिहरूको भिडन्त" नामक वास्तविक कार्यक्रमको सुरुवात गरेको थियो जसको उद्देश दश उत्कृष्ट प्रविधि सम्बन्धित संस्था तथा कम्पनीको सुरुवात गरी संयुक्त कोषलाई वढावा दिनु थियो।

यसको अतिरिक्त, मञ्चमा संयुक्त कोष मार्फत अन्य सेवा तथा कार्यक्रमहरू मार्फत प्लानेटा डटरूका लागि सक्रिय प्रायोजकहरूका लागि प्रोत्साहन गर्नु हो।

विद्यालय संयुक्त कोष

सन् २०१५ मा, संयुक्त अभियानको सुरुवात तथा आचरणको तयारीका लागि विद्यालयहरूमा यसले प्रशिक्षण सुरु गरेको थियो। यसले नि:शुल्क प्रत्यक्ष अनलाइन संयुक्त कोष कक्षाहरूको सुरुवात गरे थियो। यसले साइबेरिया, उराल तथा रूसका केही स्थानहरूमा कक्षाहरूको सञ्चालन मार्फत विद्यार्थीहरूलाई संयुक्त कोष कक्षाबाट उतिर्ण गरिसकेको छ। मार्च २०१७ सम्ममा, १२ हजार भन्दा बढीले संयुक्त कोष विद्यालय मार्फत प्रशिक्षण लिइसकेका छन्।

परियोजनाको चरण तथा व्यक्तिगत परामर्शको बारेमा छोटो श्रव्य दृश्यको साथ अक्टोबर २०१७ मा, शैक्षिक पाठ्यक्रममा "संयुक्त कोष ६० मिनेटमा"को सुरूवात गरिएको थियो।

बाह्य कडीहरू

• आधिकारिक वेबसाइट