मदन चित्रकार
 | एक अनाथ पृष्ठको रुपमा रहेको, अन्य विकिपृष्ठसित नजोडिएको वा एक-दुईवटा लेखहरूसँग मात्र जोडिएको हुनसक्छ। कृपया सम्बन्धित लेखहरूलाई यस पृष्ठ सूत्रसँग जोड्न सहायता गर्नुहोस् |
 | यो लेख वा लेखको भागले विकिपिडियाको लेखन शैली मापदण्ड पार गर्दैन र यस पृष्ठलाई विकिकरण गर्न आवश्यक छ। लेख राम्रो पार्न, कृपया विशेष गरी यसको सामग्री, शैली, सान्दर्भिकता, वाह्य सूत्र सुधार गर्न सहयोग गर्नुहोला । (सहयोग) यो लेख जुन २०११ मिति देखि यो अवस्थामा रहेको छ। |
 | यो लेख विकिपिडियाका अन्य लेखहरूसँग नजोडिएको हुनसक्छ। (जुन २०११) |
मदन चित्रकार कलाकार र कला-लेखक हुनुहुन्छ। उहाँको जन्म सन् १९४७ फेब्रुअरीमा काठमाडौँको असन, त्यौडमा भएको हो। उहाँ विख्यात चित्रकार तेजबहादुर चित्रकारका छोरा हुनुहुन्छ। तेजबहादुर र चन्द्रमानसिंह मास्केले कोलकातामा कला पढेर आएपछि कलालाई नयाँ मोड दिनुभएको हो। त्यसपछि नेपाली कलाले आधुनिक युगमा प्रवेश गरेको मानिन्छ। तेजबहादुर र मनकेशरीका दुइ छोरा र एक छोरी जन्मिएका हुन्।
मदनले त्रिभुवन विश्वविद्यालयबाट इतिहास र संस्कृतिमा एमए गर्नुभएको छ। भारतको मुर्म्बईमा कलासम्बन्धी 'गभर्मेन्ट डिप्लोमा' र निदरल्यान्डबाट ग्राफिक डिजाइनमा विशेष डिग्री हासिल गर्नुभएको छ। उहाँले ०३५ देखि ०५२ सम्म पर्यटन मन्त्रालय रहेर काम गर्नुभयो। अहिले फाइन आर्ट क्याम्पस, सिर्जना कलेज अफ फाइन आर्ट्स र काठमाडौँ युनिभर्सिटि सेन्टर फर अर्ट एन्ड डिजाइनमा काम गर्नुहुन्छ।
विश्वका तीन दर्जनभन्दा बढी देश घुमेका मदनले आफ्नै पिताबारे 'तेजबहादुर चित्रकार : आइकन अफ ए ट्रान्जिसन' पुस्तक लेख्नुभएको छ। उहाँले २०३५ अघि बाल सङ्गठनबाट निस्कने 'बालक' पत्रिकामा 'खिस्स दाँत' कमिक्स बनाउनुभयो। नयाँ शिक्षा लागू भएपछि कक्षा ४ माथिका 'माइ इंग्लिस बुक' का लागि चित्र बनाउनु भयो। ती किताब बेलायती सल्लाहकार इरिक एच. ग्लेन्डिङ किताब लेख्नुहुन्थ्यो, चित्र मदनले बनाउनु हुन्थ्यो। उहाँले धेरैपटक आफ्ना कला प्रदर्शन गर्नुभएको छ।