राजमार्ग
राजमार्ग (अङ्ग्रेजी: Highway "हाइवे") कुनै सार्वजनिक सडक या कुनै अन्य सडक पनि हुन सक्छ। नेपाली बृहत शव्दकोशका अनुसार राजमार्ग भनेको फराकिलो र लामो पक्की सडक वा मूल सडक हो जून टाढाटाढासम्म पुग्दछ। राजमार्गमा मुख्य सडकहरू वा अन्य महत्त्वपूर्ण सडकहरूलाई सामेल गरिन्छ। महत्त्वपूर्ण राजमार्गहरूलाई सरकार द्वारा एउटा नाम र मार्ग संख्या दिईन्छ जसलाई विशिष्ठरूपमा सरकार द्वारा विकसित गरिन्छ र त्यसको गरिन्छ। रेखदेख र संरक्षण समेत सरकारबाटै गरिन्छ। राजमागर्गहरू धेरै तहका हुन सक्छन। जस्तै राष्ट्रिय राजमार्ग, प्रान्तीय राजमार्ग, द्रुतगति राजमार्ग आदी। नेपालमा पूर्व-पश्चिम राजमार्ग (महेन्द्र राजमार्ग) सबै भन्दा लामो दूरीको राजमार्ग हो, जसको लम्बाई १०२७.६७ किमी रहेको छ जो पूर्व नेपालको झापा जिल्लाको काँकडभित्ता देखि पश्चिम कञ्चनपुर जिल्लाको गड्डाचौकीसम्म फैलिएको छ।