लाङ्कावी

लंगकावी जिल्ला
मलेसियाका जिल्ला
दारेह लंगकावी
लंगकावी जिल्ला मलेसियाको नक्सामा लंगकावीको अवस्थिति
निर्देशाङ्क: ६°२१′ उत्तर ९९°४८′ पूर्व
क्षेत्रफल
• जम्मा	४७८.४८ किमी२ (१८४.७४ वर्ग माइल)
जनसङ्ख्या  (२०१०)
• जम्मा	८५,५८८
• घनत्व	१८०/किमी२ (४६०/वर्ग माइल)
समय क्षेत्र	युटिसी+८ (मलेसियाको प्रमाणिक समय)
• ग्रीष्म (डिएसटी)	युटिसी+८
Postcode	07xxx
सम्पर्क कोड	+6-09
Vehicle registration plates	KV
लंगकावी, केदहाको गहना Langkawi Permata Kedah لڠكاوي ڤرمات قدح‎ 浮罗交怡宝石之岛 कुहा शहरको एक दृश्य, लंगकावी टापुको व्यापारीक केन्द्र आदर्श वाक्य:  Bandaraya Pelancongan ("पर्यटनको शहर") स्थापना १९५७ अनुमतित नगर स्थिति २००१ सरकार  • राष्ट्रपति अब्दुल बारि अब्दुल्ला जनसङ्ख्या  (२०१० स्थानीय सरकार)  • जम्मा ८५,५८८ वेबसाइट mplbp.gov.my

लंगकाली मलेसियाको उत्तर पश्चिम मुख्य क्षेत्रबाट ३० किलोमिटर टाढा रहेको टापुहरूबाट मिलेर बनेको जिल्ला हो । यो टापुहरू केदाह प्रान्तमा रहेको र थाइल्याण्डको सिमानासँग जोडिएको छ ।

लंगकाली प्रशासनिक जिल्ला समेत हो भने यसको सबै भन्दा ठूलो शहर कुहा हो । लंगकावी ड्युटी फ्रि टापु पनि हो ।

उत्पत्ती

डाटारान हेलांग (इगल स्क्वायर)

लंगकावी नाम १५ औँ शताब्दीमा समेत रहेको मान्यता रहेता पनि १६ औँ शताब्दीमा लंगकावी टापुको विभिन्न नामहरू लंगा, लंगाका, लंसुरा तथा लंगापूराबाट नक्शामा नामाकरण भएको देखिन्छ ।

भूगोल

लंगकावीको नक्शा

लंगकावी, ९९ वटा टापुहरूको समुह हो जसलाई मलेसियाको मुख्य भुभागबाट मलाकाको नहरले छुट्याएको छ । यो केदाह प्रान्तको एक जिल्ला हो र पश्चित केदाह भन्दा करिब ५१ किलोमिटरको दुरीमा अवस्थित रहेको छ । यसका टापुहरूको कुल स्थल ४७,८४८ हेक्टर रहेको छ । यसको मुख्य टापुको उत्तर देखि दक्षिणसम्मको दुरी करिब २५ किलोमिटरको रहेको छ ।

मौसम

लंगकावीमा बार्षिक २४०० एम एम वर्षा हुने गर्दछ । यहाँ डिसेम्बर देखि फेब्रुअरीसम्म सुख्खा मौसम रहने गर्दछ । मार्च देखि नोभेम्बरसम्म लामो वर्षाको मौसम रहने गर्दछ ।

जनसङ्ख्या

लंगकावीको ९९ टापुहरू मध्ये चार टापुहरू लंगकावी, टुवा, रेवाक तथा दयांग बुन्टुंगमा मानिसको बसोबास रहेको छ । यस क्षेत्रको जनसङ्ख्या करिब ९९,००० रहेको छ । जसमा लंगकावीको ६५ हजार यस मध्ये ९० प्रतिशत मलेय रहेका छन् । अन्य जातिहरू जस्तै चिनिया, भारतीय तथा थाईहरू पनि रहेका छन् । अन्य मुख्य धर्महरूमा हिन्दु, बुद्ध धर्म तथा इसाई धर्म रहेका छन् ।

मलेय जातिहरूले इस्लाम धर्न मान्ने गर्दछन् ।

जातिहरू	२०१०
	संख्या	%
मलेय	७९,१४६	८३.५१%
अन्य भुमिपुत्र	१५३	०.१६%
चिनिया	४,३२५	४.५६%
भारतीय	१,७४७	१.८४%
अन्य	२१७	०.२३%
गैर मलेसियन	९,१८९	९.७०%
जम्मा	९४,७७७	१००%

अर्थतन्त्र

यस क्षेत्रको धान तथा रबरको उत्पादनमा आधारित यस क्षेत्रको अर्थतन्त्र पर्यटनमा आधारित अर्थतन्त्रमा परिणत भएको छ ।

पर्यटन

लंगकावीका टापुहरू

यस क्षेत्रलाई सन् २००७ जुन १ मा युनेस्कोबाट विश्व जियोउद्यानको दर्जा दिएको थियो । लंगकावीको जियोउद्यान मा मुख्य तीन संरक्षित क्षेत्रहरू रहेका छन् र यी तीन उद्यानहरू पर्यटनहरू माझ प्रसिद्ध रहेको छ । सन् २०१४ मा युनेस्कोले यस क्षेत्रको जियोउद्यान दर्जामा पहेलो कार्ड जारी गर्दै चेतावनी दिएको थियो ।

यस क्षेत्रका टापुमा पर्यटकहरू क्वाला केदाह, क्वाला पेरलिस तथा पेनांगबाट जहाज मार्फत वा क्वाला लामपुरबाट आन्तरिक हवाइ सेवा मार्फत आउन सक्छन् । यहाँ सिंगापुर तथा ग्वानझोउ, चिनबाट अन्तराष्ट्रिय हवाई सेवा समेत रहेको छ ।