सप्तकन्या गुफा

स्वतन्त्र विश्वकोश, नेपाली विकिपिडियाबाट
Jump to navigation Jump to search

सप्तकन्या गुफा नेपालको पूर्वाञ्चल विकास क्षेत्रको कोशी अञ्चल, मोरङ जिल्लामा अवस्थित पर्यटकीय स्थल हो। याङशिला गाविसको वडा नम्बर २ मा अवस्थित यो गुफा क्षेत्रको क्षेत्रफल करिब १ हेक्टर रहेको छ। सदरमुकाम विराटनगर देखि करिब ४० किमि उत्तरपूर्वमा रहेको यस क्षेत्रको मुख्य आर्कषणहरू विभिन्न वनस्पति र गुफा हुन।

पहरोमा लेउले हरियै भएको सप्तकन्या गुफाको आकृति हेर्दा अनौठो लाग्दो छ। स्थानीयवासीहरूको भनाई अनुसार यस गुफामा सातवटी देवीको वास रहेकोले यस गुफालाई सप्तकन्या गुफा भनिएको हो। यो गुफामा विभिन्न प्रकारका आकृति जस्तो दियो, घण्टी, मादल तथा देवीको आकृति देख्न सकिन्छ। स्थानीय मानिसहरू यस गुफामा नवदुर्गाको वास रहेको बताउँछन्। यस गुफामा लेउले ढाकिएको हुँदा गुफाभित्र पस्न निकै चुनौतिपूर्ण छ। यहाँ याङशिलावासीहरू भाकल मन्साउन कहिले काहि मात्र आउने जाने गर्दछन।[१]

सन्दर्भ सामग्री[सम्पादन गर्ने]

  1. "सप्तकन्या गुफा", birattourism.org.np