"एन्ट माई फाल्ट" (अनुवाद:मेरो दोष छैन) स्विडनी गायिका सरा लारसनको गीत हो। गीत २ सेप्टेम्बर २०१६ मा टेन सङ्गीत समूह , एपिक रेकर्ड्स, र सोनी सङ्गीतले आफ्नो दोस्रो र अन्तर्राष्ट्रिय पहिलो गिती सङ्ग्रह सो गुडबाट तेस्रो एकलको रूपमा जारी गरेको थियो। यसको औपचारिक मिश्रित संस्करणमा अमेरिकी र्यापर लिल याच्चीको विशेषत रहेको छ।
साजमसँगको एक अन्तर्वार्तामा लारसनले गीतको पहिलो संस्करणको बारेमा चर्चा गरेकी थिइन् जहाँ उनले यस गीतमा अर्की एकजना केटीको प्रेमीको मन चोरेको र उनको प्रेमिका भन्दा उनी उनको (केटा) लागि राम्रो भएकोमा आफ्नो कुनै पनि गल्ती नभएको बताएकी थिइन्।[२] गीत एमएनइकेको साथ केहि घण्टामै रमाइलोको लागि लेखिएको थियो र यसलाई गीतको रूपमा ढाल्नेका उद्देश्य नरहेको उनले बताएकी थिइन, तथापि, यसलाई स्टुडियोले मनपराए पछि यसलाई गीत बनाएर रेकर्ड समेत गरिएको थियो।
उनले आफ्ना मूल्यहरू झल्काउनका लागि गीतको शब्द बदलेकी थिइन्।"[३]
यसको आधिकारिक साङ्गीतिक भिडिओलाई उनको भेभो खाता मार्फत ३० सेप्टेम्बर २०१६ मा,सार्वजनिक गरिएको थियोे। दृश्यलाई एमिल नाभाले निर्देशन गरेका थिए भने यसमा लारसनको साथ उनका सङ्गीहरूलाई चित्रित गरिएको छ।[४]
