आइशा चौधरी

आइशा चौधरी
जन्म	(१९९६-०३-२७)२७ मार्च १९९६ दिल्ली, भारत
मृत्यु	२४ जनवरी २०१५(2015-01-24) (उमेर १८) गुरगांव, भारत
मृत्युको कारण	पल्मोनरी फाइब्रोसिस
मातृ शिक्षाप्रतिष्ठान	अमेरिकन एम्बेसी स्कूल
पेशा	प्रेरक वक्ता
चिनारीको कारण	इङ्क सम्मेलनमा प्रेरणादायी भाषण
गृहनगर	दिल्ली
मातापिता	अदिती चौधरी (आमा) निरेन चौधरी (बुवा)

आइशा चौधरी (२७ मार्च १९९६ - २४ जनवरी २०१५) एक भारतीय लेखक र प्रेरक वक्ता थिइन् । उनले माइ लिटल एपिफनिज लेखेकी थिइन्, जुन उनको मृत्युको एक दिन अगाडि प्रकाशित भएको थियो । द स्काइ इज पिङ्क नामक चलचित्र केही हदसम्म उनको जीवनमा आधारित छ ।

बाल्यकाल

आइशा यम ! ब्रान्ड्सको दक्षिण एसियाली शाखाको सभापति निरेन चौधरी र मानसिक स्वास्थ्य सेवक अदितीकी छोरी थिइन् । उनको दाइको नाम ईशान चौधरी हो । उनकी दिदी तान्या चौधरीको ७ महिनाको उमेरमा नै मृत्यु भएको थियो । आइशाको जन्मजात नै शरीरको रोग प्रतिरोधात्मक शक्तिमा समस्या थियो । ६ महिनाको हुँदा उनले अस्थि मज्जा प्रत्यारोपण गर्नुपर्यो । यसको फलस्वरूप उनमा फोक्सोमा दाग पार्ने पल्मोनरी फाइब्रोसिस देखा पर्यो ।

कार्य जीवन

१३ अप्रिल २०१५ मा नयाँ दिल्लीमा भारतका भूतपूर्व उपराष्ट्रपति मोहम्मद हामिद अंसारीद्वारा माइ लिटल एपिफनिजको विमोचन हुँदै । सलमा अंसारी र मानव संसाधन विकास मन्त्री स्मृति ईरानी पनि तस्वीरमा ।

आइशा चौधरीले १५ वर्षको उमेरदेखि मृत्युसम्म प्रेरणादायी भाषणहरू दिइन् । उनलाई इङ्क फेलोको उपाधि दिइएको थियो र सन् २०११ तथा सन् २०१३ का इङ्क सम्मेलनमा पनि बोलेकी थिइन् । सन् २०१३ को पुणेस्थित टेड सम्मेलनमा पनि उनले आफ्नो कथा सुनाएकी थिइन् ।

उनले लेखेको किताब उनको मृत्युको एक दिन अगाडि प्रकाशित भएको थियो ।

अन्य मिडियामा प्रतिनिधित्व

११ अक्टोबर २०१९ मा विमोचित सोनाली बोसद्वारा निर्देशित र प्रियङ्का चोपडाले अदिती चौधरी, फरहान अख्तरले निरेन चौधरी, जायरा वसीमले आइशा चौधरी र रोहित सुरेश सराफले ईशान चौधरीको भूमिका निर्वाह गरेको चलचित्र द स्काइ इज पिङ्क पनि उनकै जीवनमा आधारित छ ।

कृति

• माइ लिटल एपिफनिज (सन् २०१५) जसको माध्यमबाट उनले जीवनमा कठिनाइ भोग्नुपरिरहेका व्यक्तिहरूलाई आशा दिलाउन चाहन्थिन् ।

बाह्य कडीहरू

• आइशा चौधरी