कम्पनी ऐन, २०६३

कम्पनी ऐन, २०६३
अन्तरिम व्यवस्थापिका संसद
प्रादेशिक सीमा	नेपाल
पारितकर्ता	प्रतिनिधि सभा
अधिनियमित मिति	२०६३
स्थिति: अज्ञात

कम्पनी ऐन, २०६३ (अङ्ग्रेजी: Company Act, 2063) नेपालमा कम्पनीसम्बन्धी कानुनलाई संशोधन र एकीकरण गर्न बनेको ऐन हो । यो ऐनको प्रस्तावनामा आर्थिक उदारीकरणद्वारा उद्योग, व्यापार र व्यवसायका क्षेत्रमा लगानी प्रवद्र्धन गरी मुलुकको आर्थिक विकासमा गतिशीलता ल्याउन तथा कम्पनीको संस्थापना, सञ्चालन तथा प्रशासनलाई अझ बढी सुगम, सरल र पारदर्शी बनाउन कम्पनीसम्बन्धी कानुनलाई संशोधन र एकीकरण गर्न वाञ्छनीय भएकोले प्रतिनिधिसभाले यो ऐन बनाएको भन्ने व्यहोरा उल्लेख भएको छ । यस ऐनलाई नेपाल सरकारले कम्पनी रजिष्ट्रारको कार्यालयबाट कार्यान्वयन तथा प्रसाशन गरिन्छ । यस ऐनमा नेपालमा दर्ता हुने तथा भएका कम्पनीहरूले पालना गर्नु पर्ने व्यवस्था उल्लेख गरिएको छ । यो ऐन नेपालमा २०६३ असोज २० गते देखि लागु भएको हो ।

यो ऐन आउनु अघि नेपालमा कम्पनी ऐन, २०५३ कार्यान्वयनमा थियो ।