गोकुल प्रसाद बास्कोटा

गोकुल प्रसाद बास्कोटा
सुचना तथा सञ्चार प्रविधि मन्त्री
कार्यकाल February 12, 2018 – February 20,2020
राष्ट्रपति	विद्या भण्डारी
प्रधानमन्त्री	केपी ओली
पूर्वाधिकारी	मोहन बहादुर बस्नेत
उतराधिकारी	युवराज खतिवडा
कार्यकाल January , 2020 – February, 2020
राष्ट्रपति	विद्या भण्डारी
प्रधानमन्त्री	केपी ओली
व्यक्तिगत विवरण
राजनीतिक दल	नेपाल कम्युनिष्ट पार्टी

गोकुल प्रसाद बास्कोटा एक नेपाली राजनीतिज्ञ हुन्। उनी नेपाल कम्युनिष्ट पार्टीको सदस्य र ओली सरकारको सञ्चार र सूचना प्रविधि मन्त्री समेत थिए। उनी आफ्नो रुखो, छुच्चो बोली छुद्र व्यवहार, घुसकाण्डका लागि चर्चामा आएका थिए। उनलाई प्रधानमन्त्रीको विश्वासपात्रको मानिन्थ्यो। केपी ओलीले पनि उनको प्रशंसा र बचाउ गर्दै आएका छन्। उनी काभ्रेपलाञ्चोक -२बाट निर्वाचित प्रतिनिधि सभा (नेपाल)को सदस्यको रूपमा निर्वाचित भएका थिए। उनको "दुई-तिहाईको सरकारलाई हेप्नी!" "सरकारलाई चौतर्फी घेरामा चेप्नी" "सरकारलाई नटेर्नी" भन्ने जस्ता भनाई पनि बारम्बार चर्चामा आउने गरेको थियो ।

विवादहरू

• सम्पत्ति विवरण: सामसुङ कम्पनीको आइफोन
• गाह्रो प्रश्न सोधेकाले नेपाल टेलिभिजनमा पत्रकार राजु थापाको कार्यक्रम बन्द
• मिडिया काउन्सिल विधेयक
• गुठी विधेयक प्रकरणमा गुठीलाई सामन्ती संस्कारको रूपमा चित्रण र संसदमा आफुले नबोलेको भनी झुट कुरा
• सेक्युरिटी प्रेस प्रकरण
  नेपालमा सुरक्षण मुद्रणसम्बन्धी उपकरण खरिदबारे ठेक्काका लागि उनलाई ७० करोड रूपैयाँ घूसको आरोप लगाइएको थियो। सोही दिन उनले मन्त्री पदबाट राजीनामा गरे। उनी यस अघि मन्त्रिपरिषद्को प्रवक्ता पनि थिए।

प्रतिनिधि सभा २०७९

प्रतिनिधि सभा निर्वाचन, २०७९मा नेपाल कम्युनिष्ट पार्टी (एमाले)का उम्मेदवार गोकुल प्रसाद बास्कोटा काभ्रेपलाञ्चोक प्रतिनिधि सभा सदस्य निर्वाचन क्षेत्र नं २ बाट ४५३४५मत प्राप्त गरि प्रतिनिधि सभा सदस्यमा विजयी भएका छन्। उनका निकटतम प्रतिद्वन्द्वी नेपाली कांग्रेसका उम्मेदवार शिवप्रसाद हुमागाईंले ३९४८२मत प्राप्त गरेका थिए।