जगतलाल मास्टर
जगतलाल मास्टर (१९०२- १९ जनवरी १९७६) (खास नाम: जगतलाल श्रेष्ठ ) एक नेपाली शिक्षाविद् र लेखक थिए। राणा शासनको समयमा उनले अङ्ग्रेजी शिक्षाको वकालत गरेका थिए र आफ्नो घरमा विद्यालय चलाएका थिए। जगतलालले नेवारी भाषामा पाठ्यपुस्तक र बाल कथाहरू पनि लेखेका थिए। [१] [२]
जगतलालको जन्म काठमाडौंमा भएको थियो । उनका बुबा र आमा श्याम कृष्ण र रत्नमाया श्रेष्ठ थिए। उहाँलाई प्रख्यात शिक्षाविद् जगतसुन्दर मल्लले पढाएका थिए। उनले नै जगतलाललाई अङ्ग्रेजी भाषा पढ्न जोड दिएका थिए [३]
शिक्षक[सम्पादन गर्नुहोस्]
जगतलालले काठमाण्डौको मासनगल्ली मा रहेको आफ्नो घरमा विद्यालय चलाउने गर्थे। शिक्षकका रूपमा काम गर्ने भएकाले उनलाई मानिसहरूले जगतलाल मास्टर भनेर बोलाउन थाले। उनका विद्यार्थीहरूमा स्वतन्त्रता सेनानी तथा लेखक प्रेमबहादुर कंसाकार, यातायातका अग्रदूत करुणारत्न तुलाधर, लेखक पुष्परत्न सागर, उद्योगपति महन्तलाल श्रेष्ठ र शिक्षाविद् नुछेबहादुर बज्राचार्य थिए । [३]
लेखक[सम्पादन गर्नुहोस्]
जगतलालले बाल कथा र कविता पनि लेखेका छन्। उनले थुप्रै कथाका पुस्तक, एक वर्णमाला पुस्तक र एक व्याकरण पुस्तक प्रकाशित गरेका छन्। नेपाल भाषामा जगत वर्णमाला ("जगत वर्णमाला पुस्तक") नामक एक वर्णमाला पुस्तक सन् १९५८ मा प्रकाशित भएको थियो। माछा बखान (बाल कथाहरू) सन् १९६१ मा प्रकाशित भएको थियो। उनले नेपाल भाषामा अङ्ग्रेजी व्याकरण पनि प्रकाशित गरेका थिए। [४]
सन्दर्भहरू[सम्पादन गर्नुहोस्]
- ↑ Don Messerschmidt (जुन २००९), "A Piece of Charcoal and the Makings of a Poet: Kesar Lall", ECS Nepal, मूलबाट १८ डिसेम्बर २०११-मा सङ्ग्रहित, अन्तिम पहुँच १३ जुलाई २०१३। वेब्याक मेसिन अभिलेखिकरण १८ डिसेम्बर २०११ मिति
- ↑ Who's Who in Nepal Bhasha, Kathmandu, पृ: ३५।
- ↑ ३.० ३.१ Kesar Lall: A Homage on the occasion of his Buraa Janko, Kathmandu, पृ: ८१, अन्तिम पहुँच १३ जुलाई २०१३।
- ↑ Who's Who in Nepal Bhasha, Kathmandu, पृ: ३५।