जनक शिक्षा सामग्री केन्द्र

गठन	२०३५ असोज ८ गते
प्रकार	सरकारी संस्थान
प्रधान कार्यालय	सानोठिमी, भक्तपुर
सेवा क्षेत्र	नेपाल
अध्यक्ष	रामकृष्ण सुवेदी
कार्यकारी निर्देशक	अनिलकुमार झा
वेबसाइट	janakedu.org.np

जनक शिक्षा सामग्री केन्द्र लिमिटेड कम्पनी ऐन २०२१ बमोजिम २०३५/०६/०८ मा स्थापना भएको सरकारी कम्पनी हो। संस्थाको दर्ता कार्यालय भक्तपुर जिल्ला मध्यपुर थिमि नगरपालिका मा अवस्थित छ। प्रधान कार्यालयले २३५ रोपनी क्षेत्रफल ओगटेको छ।

संस्थाको देशभर ८ वटा शाखा सञ्जालनमा छन्। संस्थाको मुख्य उद्देश्य सरकारी शिक्षा निकायले विकास गरेको पाठ्यक्रममा आधारित पुस्तकहरू छापी शैक्षिक सामग्रीको सहज पहुँच सुनिश्चित गर्दै किफायती उत्पादनको माध्यमबाट आम जनतासम्म पुर्‍याउनु हो। संस्थाको दृष्टि राष्ट्रको हरेक कुना र कुनाका विद्यार्थीहरूलाई सस्तो मूल्यमा सुसाङ्खीय र भौतिक रूपमा गुणस्तरीय अध्ययन सामग्री उपलब्ध गराउनु हो।