जुलिया गोल्दानी तेलिस

जुलिया गोल्दानी तेलिस Julia Goldani Telles
सन् २०१५ मा गोल्दानी तेलिस
जन्म	(1995-03-18) १८ मार्च १९९५ लस एन्जलस, क्यालिफोर्निया, संयुक्त राज्य अमेरिका
पेशा	अभिनेत्री ब्याले नृतकी
कार्यकाल	सन् २०११–वर्तमान

जुलिया गोल्दानी तेलिस (जन्म मार्च १८ मार्च १९९५) एक ब्राजिली-अमेरिकी अभिनेत्री र ब्याले नृतकी हुन्। उनले सोटाइमको मूल शृङ्खला 'द अफेयर'मा ह्विटनी स्लोवेको भूमिका निर्वाह गरेकी थिइन् जसलाई उनी परिचित छिन्। उनी अल्पकालिक एबिसी फ्यामिलीको शृङ्खला 'बनहेड्स'मा सासा टोरेसको भूमिकामा देखा परेकी थिइन् जसले उनलाई थप परिचित बनाएको थियो।

प्रारम्भिक जीवन

तेलिसको जन्म लस एन्जलस, क्यालिफोर्नियामा भएको थियो। उनकी आमा ब्राजिली र बुबा मेक्सिकी-अमेरिकी मूलका हुन्। उनी लगभग दुई वर्षको उमेरमा आफ्ना बुबाआमासँग रियो दी जेनेरियोमा बसाइँसराइ गरेकी थिइन् जहाँ उनी ५ वर्षको उमेरमा ब्याले नृत्यमा संलग्न भएकी थिइन्। उनको परिवार पुन: उनी पाँच वर्षको उमेरमा लस एन्जलसमा बसाई सरेका थिए जतिबेला उनले पुर्तुगाली भाषा मात्र जानेकी थिइन् र उनले पछि अङ्ग्रेजी भाषा सिकेकी थिइन्। तेलिसले तेह्र वर्षको उमेरमा म्यानह्याटन, न्युयोर्क स्थित एक व्यावसायिक विद्यालयमा अध्ययन गरेकी थिइन्।

तेलिसले स्कूल अफ अमेरिकन ब्याले र ब्याले एकेडेमी इस्टमा प्रशिक्षण लिएकी थिइन् र उनी पछि विभिन्न ब्याले प्रदर्शनमा देखा परेकी थिइन्। १५ वर्षको उमेरमा उनको कम्मरमा देखिएको विभिन्न समस्याका कारण एक वर्षको लागि ब्याले अभ्यास गर्नबाट रोक्न बाध्य बनाएको थियो। पछि, मानसिक चिन्ताबाट बच्नका लागि उनले नाटकमा संलग्न हुने निर्णय गरेकी थिइन्।

करियर

टेलिभिजनमा तेलिसको पहिलो भूमिका सन् २०११ मा चित्रित भएको थियो जहाँ उनले सफलतापूर्वक एबिसी फ्यामिलीको 'बनहेड्स' नामक एक शृङ्खलामा सासा टोरेसको भूमिकाको लागि प्रस्तुति दिएकी थिइन्। उनले कुनैपनि प्रकारको अभिनयमा काम नगरिकन पनि त्यसमा अभिनय गर्ने मौका प्राप्त गरेकी थिइन्। शृङ्खलाको पाइलट नामक अङ्क नोभेम्बर २०११ मा, छायाङ्कन गरिएको थियो। 'बनहेड्स' शृङ्खलाबद्ध रूपमा चल्दै १८ संस्करण सम्म प्रसारण गरिएको थियो जहाँ यो ११ जुन २०१२ देखि २५ फेब्रुअरी २०१३ सम्म चलेको थियो।

'बनहेड्स' बाहेक, सन् २०१२ मा, तेलिसले अमेरिकी पप जोडी न्याट र एलेक्स उल्फको "ग्रेटेस्ट प्राइज" नामक साङ्गितीक भिडियोमा पनि देखा परेकी थिइन्।

उनले १० जनवरी २०१४ मा, प्रसारण गरिएको 'ब्लु ब्लड्स'को "द बुगिम्यान" नामक अङ्कमा पनि अतिथिको भूमिका निर्वाह गरेकी थिइन्।

तेलिसले, ह्विट्नीको रूपमा सोटाइमको नाटकीय शृङ्खला 'द अफेयर'मा पनि अभिनय गरेकी थिइन्।

अक्टोबर २०१९ मा, उनले स्टार्जको शृङ्खला 'द गर्लफ्रेन्ड एक्सपिरियन्स'मा आइरिसको रूपमा अभिनय गर्ने घोषणा गरिएको थियो।

फिल्मोग्राफी

टेलिभिजन र चलचित्र भूमिकाहरू

वर्ष	शीर्षक	भूमिका	टिप्पणी
२०१२–२०१३	बाहेड्स	सासा टोरेस	मुख्य भूमिका
२०१३	ब्लु ब्लड्स	मोर्गान	अङ्क: "द बुगिम्यान"
२०१३	द क्यारी डायरिज	आमेलिया स्ट्रङ	अङ्क: "हङ्ग्री लाइक द उल्फ"
२०१३	नर्स ज्याकी	म्यान्डी	३ अङ्क
२०१४–२०१९	द अफेयर	ह्विट्नी सोलोवे	मुख्य भूमिका
२०१६	गिलमोर गर्ल्स: अ इयर्स इन द लाइफ	सान्डी मार्टिन	अङ्क: "स्प्रिङ"
२०१८	मस्ट लाइक्ली टु मर्डर	तामी	चलचित्र
२०१८	स्लेन्डर म्यान	हाली	चलचित्र
२०१८	द विन्ड	एमा हार्पर	चलचित्र
२०१९	द गर्लफ्रेन्ड एक्सपिरियन्स	आइरिस	मुख्य भूमिका
२०२०	लुक्स ड्याट किल	एलेक्स	चलचित्र

बाह्य कडीहरू

• इन्टरनेट चलचित्र डेटाबेसमा जुलिया गोल्दानी तेलिस
• इन्स्टाग्राममा जुलिया गोल्दानी तेलिस