दलित इतिहास महिना

दलित इतिहास महिना
वैकल्पिक नाम	बहुजन इतिहास महिना
अनुयायी	भारत संयुक्त राज्य अमेरिका क्यानडा
महत्त्व	दलित इतिहासको सम्झना
मिति	अप्रिल (विश्वभर)
आवृत्ति	वार्षिक

दलित इतिहास महिना दलित समुदाय तथा अनुसूचित जात र अनुसूचित जमातका इतिहासमा घटेका महत्त्वपूर्ण घटना तथा उक्त घटनामा संलग्न महत्त्वपूर्ण व्यक्तित्वको सम्झनामा आयोजित वार्षिकोत्सव हो । बाबासाहेब आम्बेडकरका अनुयायीहरूले इस्वी सम्वत्को अप्रिल महिनालाई दलित इतिहास महिनाको रूपमा मनाउने गर्दछन् । ३० दिनको यस महिनामा विभिन्न प्रकारका वार्तालाप, कथा वाचन, ऐतिहासिक प्रतिवेदन, मिडियाका लागि विशेष प्रकाशन तथा कलात्मक रचनाहरू गरिन्छ ।

इतिहास

कालो इतिहास महिनाबाट प्रेरित भई केही दलित युवतीको समूहले सन् २०१३ मा दलित इतिहास महिनाको सुरुवात गरेका थिए । सङ्घपाली अरुणाले दलित, आदिवासी र बहुजन समुदायका इतिहास र संस्कृतिको दस्ताबेज बनाउने क्रममा दलित इतिहास महिनाको योजना बनाएकी थिइन् । शिकागोमा आयोजित कलर अफ भायलेन्समा सङ्घपाली अरुणाले तेनमोळी सौन्दरराजनको साथमा वार्तालाप गरिरहँदा दलित इतिहास महिनाको धारणाको कुरा उठेको थियो ।

महत्त्व

भारतीय उपमहाद्वीपका राष्ट्रहरूमा जातीय भेदभाव र छुवाछुतलाई अवैध बनाइएपनि दलित समुदायलाई जातको आधारमा हेप्ने र शोषण गर्ने कुप्रथा अझै पनि व्याप्त छ । भारतको इतिहाससँग सम्बन्धित मुख्यधारा मिडिया तथा साहित्यमा दलित समुदायको भूमिकाको प्रतिनिधित्वमा भएको कमीले गर्दा उत्पन्न अज्ञानतालाई यस उत्सवमा हटाउन खोजिन्छ । दलित समुदायले भोग्नुपर्ने शोषण तथा अपहेलनालाई यस महिनामा आम जनताको समक्ष प्रस्तुत गरी विभिन्न जातीय समस्याका समाधान निकाल्न खोजिन्छ यस महिनामा ।

चित्रमाला

• 
  दलित इतिहास महिनाको कार्यक्रममा बाबासाहेब आम्बेडकरको चित्र
• 
  दलित इतिहास महिनाको कार्यक्रमको पोस्टर
• 
  १५ अप्रिल २०१७ मा क्यालिफोर्निया विश्वविद्यालय, बर्क्लीमा आयोजित दलित इतिहास महिना सम्पादन प्रतियोगिता
• 
  दलित इतिहास महिनाको कार्यक्रममा दलित साहित्यको प्रदर्शनी

बाह्य कडी

• आधिकारिक वेबसाइट