नेपालका गौरव यात्राहरू

वर्ष भरी नेपालमा विभिन्न गौरव यात्राहरू मनाइने गरिन्छ । गौरव यात्राहरू मुख्यतः सिमान्कृत यौन अभिमुखिकरण, लैङ्गिक पहिचान र यौन विशेषताका व्यक्तिहरूको अधिकार र दृश्यताका निम्ति मनाइने उत्सव हो ।

नेपाल गौरव यात्रा

मुख्य लेख: नेपाल गौरव यात्रा

नेपाल गौरव यात्रा (सन् २०१९)को झलक

हरेक वर्ष जून महिनाको दोस्रो शनिबारका दिन आयोजना हुने नेपाल गौरव यात्रा नेपालको पहिलो र ठूलो गौरव यात्रा हो । यो गौरव यात्रा सम्पूर्ण सिमान्कृत यौन अभिमुखिकरण, लैङ्गिक पहिचान र यौन विशेषताका व्यक्तिहरूको निम्ति मनाइन्छ । यो गौरव यात्राको सुरुवात् सन् २०१९ देखि भएको हो । सन् २०२०मा कोरोना महामारीका कारण उक्त गौरव यात्रा अनलाइनमा आयोजना भयो । सन् २०२१ मा १२ जून का दिन आयोजना हुँदैछ ।

क्वयेर महिला गौरव यात्रा

नेपालमा क्वयेर महिला गौरव यात्रा अन्तर्राष्ट्रिय नारी दिवसका दिन मूलधारको महिला र्यालिसँगै मनाइन्छ । यसको सुरुवात सन् २०१९बाट भएको हो । महिला आन्दोलनमा पारलैङ्गिक महिला, अन्तरलिङ्गी महिला एवं समयौनिक, द्वियौनिक लगायतका महिलाहरूको समावेशिता र दृश्यताका लागि यो गौरव यात्रा सुरु भएको हो । सन् २०२० मा कोरोना महामारीका कारण यो गौरव यात्रा स्थगित भएको थियो । सन् २०२१ मा क्वयेर महिला गौरव यात्रा भृकुटीमण्डपमा भेला भएका थिए । यस तेस्रो वार्षिक क्वयेर महिला गौरव यात्राको मूल नारा 'अब देखि सबै महिला' रहेको थियो । महिला आन्दोलनमा अन्तरलिङ्गी महिला, पारलैङ्गिक महिला एवं विविध यौन अभिमुखिकरणका महिलाहरूको समावेशिताको माग राखिएको थियो भने पारलैङ्गिक महिलाहरूलाई जबरजस्ती 'अन्यलिङ्गी' उल्लेख गर्न बाध्य गरेको विरुद्ध पनि आवाज उठेको थियो ।

क्वयेर आदिवासी गौरव यात्रा

चित्र:Queer Indigenous Pride March Nepal 2019 Rally.jpg

क्वयेर आदिवासी गौरव यात्रा (सन् २०१९)

नेपालमा क्वयेर आदिवासी गौरव यात्रा विश्वका आदिवासीहरूको अन्तर्राष्ट्रिय दिवसका दिन मूलधारको आदिवासी जनजाती र्यालिसँगै मनाइन्छ । यसको सुरुवात सन् २०१९बाट भएको हो ।

पारलैङ्गिक गौरव यात्रा

डिसेम्बर १७ पछी आउने पहिलो शबिनारका दिन नेपालमा पारलैङ्गिक गौरव यात्रा मनाइन्छ । यसको सुरुवात सन् २०२०बाट भएको हो ।