नेपाली रुपैयाँ

नेपाली रुपैयाँ
रुपैयाँ
आइएसओ ४२१७
कोड	NPR
अङ्क	524
मूल्यवर्ग
उप एकाई
​१⁄१००	पैसा
चिह्न	रु.
बैङ्क नोटहरू
प्रचलित	रु. ५, रु. १०, रु. २०, रु. ५०, रु. १००, रु. ५००, रु. १०००
अप्रचलित	रु. १, रु. २, रु. २५, रु. २५०
सिक्काहरू	१, ५, १०, २५, ५० पैसा, रु. १, रु. २, रु. ५, रु. १०
जनसाङ्ख्यिकी
जारी मिति	१९३२
विस्थापित	मोहर
राष्ट्र(हरू)	नेपाल अधिराज्य (१९३२–२००८), नेपाल (२००८–वर्तमान)
जारीकर्ता
केन्द्रीय बैङ्क	नेपाल राष्ट्र बैंक
वेबसाइट	एनआरबी.ओर्ग.एनपी
मूल्याङ्कन
मुद्रास्फीति	७.८% (२०२१)
स्रोत	The World Factbook, October 2005 est.

दुई रुपैयाँको सिक्का

नेपाली रुपैयाँ (प्रतीक: रु.; प्रतिनिधित्व: NPR) नेपालको राष्ट्रिय मुद्रा हो। एक रुपैयाँलाई सय पैसा बाट भनिन्छ। नेपाली रुपैयाँलाई दुई मोहर र चार सुकामा पनि बाँडिन्छ। नेपालमा मुद्राको प्रचलन पहिलो लिच्छवी राजा मानदेवले आफ्नो शासनकाल देखी ल्याएका हुन्। त्यातिबेला राजा मानदेवले सिक्का प्रचलनमा ल्याएका थिए भने कागजी नोटको प्रचलन २००२ साल असोज १ गतेबाट जुद्धशमशेरले श्री ५ त्रीभुवनको श्रीपेचसहितको मुखाकृति अङ्कित रु. १, ५, १० र १ सयका नोटहरु सदर मुलुकिखानाबाट प्रकाशनमा ल्याएपछि भएको हो। २०२६ साल बैशाख १४ गते बाट रु. १ हजार, २०२७ साल जेठ ३० गते बाट रु. ५ सय, २०३४ साल बैशाख १४ गते बाट रु. ५०, २०३८ साल बैशाख १४ गते बाट रु. २ र २०३९ साल कार्तिक २२ गते बाट रु. २० को नोटको सुरुवात भएको हो । वि. सं. २००९ साल मा नेपाली मुद्रा लाई आधिकारिक रुपमा 'नेपाली रुपैयाँ' भनी घोसित गरिएको हो।

व्युत्तपत्ति

रुपैयाँ शव्दको उत्पत्ति संस्कृत शव्द रूप् वा रूपबाट भएको हो, जसको अर्थ चाँदी हो। संस्कृत शव्द रूप्यकम् भन्नाले चाँदीको सिक्कालाई जनाउँछ।