फिलिप काउटिन्हो

विकिपिडिया, एक स्वतन्त्र विश्वकोशबाट
फिलिप काउटिन्हो
फिलिप काउटिन्हो २०१८ ब्राजिलमा
व्यक्तिगत जानकारी
पुरा नाम फिलिप काउटिन्हो
जन्म मिति (1992-06-12) १२ जुन १९९२ (उमेर ३१)
जन्म स्थान रियो डि जेनेरियो, ब्राजिल
उचाइ १.७२ मि[१]
खेल्ने स्थान(हरू) मिडफिल्डर
क्लब जानकारी
वर्तमान टोली
बार्सिलोना
सङ्ख्या १४
युवा करियर
१९९९–२००८ भस्को दा गमा
वरिष्ठ करियर*
वर्ष टोली उपस्थिति (गोल)
२००८–२०१३ इन्टर मिलान २८ (३)
२००८–२०१०भास्को दा गामा (लोन) १९ (१)
२०१२ईस्पानियोल (लोन) १६ (५)
२०१३–२०१८ लिभरपुल फुटबल क्लब १५२ (४१)
२०१८– बार्सिलोना ७२ (१६)
२०१९-२०२०बायर्न म्युनिख (लोन) २३ (८)
अन्तर्राष्ट्रिय करियर
२००९ ब्राजिल यु १७ (३)
२०११–२०१२ ब्राजिल यु २० (३)
२०१०– ब्राजिल ६३ (१८)
*क्लब घरेलु लिग उपस्थिति र गोल , अद्यवाधिक: 08:39, २५ नोवेम्बर २०२१ (UTC)
‡ राष्ट्रिय टोली उपस्थिति र गोल, अद्यवाधिक: २५ नोवेम्बर २०२१

फिलिप काउटिन्हो कोरेया (ब्राजिली पोर्तुगाली: [fiˈlipi kowˈtʃĩj̃u]; जन्म १२ जुन १९९२), फिलिप काउटिन्होको नामले चर्चित छन ।

बाल्यकाल[सम्पादन गर्नुहोस्]

१२ जुलाई सन् १९९२ मा फिलिपो काउटिन्होको जन्म ब्राजिलको राजधानी रियो दि जेनरियोमा भएको थियो । राजधानी नजिकैको रोचास्थित त्यस्तो बस्तीमा काउटिन्हो हुर्किए, जहाँ , उद्योगहरुका लागि आवश्यक कच्चा पदार्थको भण्डारण हुने गरेको थियो । कंक्रिटको जङ्गल भनेर चिनिने यो बस्तीका खुला मैदान र सडकहरु काउटिन्होका लागि हराभरा स्थान थिए ।  

दुई दाजुहरूको पछि–पछि उनी फुटबल कुदाउँदै हिँड्थे । छोटो समयमै उनले दाजुहरु क्रिस्टियानो र लियन्द्रो मात्रै नभएर टोलका सबै बालकहरूलाई उछिने ।  चर्चित क्लब भास्को डि गामाले ट्रायलमा बोलायो । भास्को डि गामाको युथ टोलीमा छदाँ बेला–बेलामा उनको जम्काभेट नेयमारसँग हुने गर्दथ्यो । त्यतिबेलासम्म न काउटिन्होको चर्चा विश्वव्यापी थियो । न त नेयमारकै ।

यो थियो, सन् २००३ को कुरा, जतिबेला नेयमार भर्खरै सान्तोषमा आबद्ध भएका थिए । काउटिन्होले ठूलो मैदानमा खेल्न थालेको २ वर्षमात्रै भएको थियो । रोविन्हो र डियगो यतिबेला उदयमान खेलाडीका रूपमा चर्चामा थिए । उनीहरूले ब्राजिली फुटबल हाँक्ने अनुमान गरिएको थियो ।

काउटिन्होको समय आउँदै थियो । सन् २००८ मा नेयमारको सान्तोषलाई भास्को डि गामाले यु–१७ कोपा ब्राजिलमा हरायो । यही खेलमा उत्कृष्ट प्रदर्शन गरेका काउटिन्हो चर्चामा आए । अर्को वर्ष ब्राजिलले दक्षिण अमेरिकी यु–१७ फुटबल च्याम्पियनसिप जित्दा काउटिन्होले तीन गोल गरे ।

त्यसपछि धेरै युरोपेली क्लबले आँखा लगाए । इन्टरले भर्खरै नाम सुनिएका १६ वर्षीया खेलाडीमाथि ४ मिलियन युरोको बाजी लगायो । त्यो पनि, २ वर्षपछि क्लबमा भित्र्याउने शर्त राखेर । उनले थप २ सिजन भास्कोबाटै ऋणमा खेले ।

२०१० मा डेब्यु[सम्पादन गर्नुहोस्]

सन् २०१० मा इन्टर आउने बित्तिकै काउटिन्होले आफ्नो कला देखाउन थाले । सन् २०१० को च्याम्पियन्स लिग फुटबलमा इन्टर मिलानले टोट्टेनह्यामलाई ४–३ ले हराउँदा काउटिन्होले दुई गोलका लागि एसिस्ट गरेका थिए । यस खेलपछि नै हो । युरोपमा उनी चर्चामा आए ।

उनको खेलबाट प्रभावित भएका प्रशिक्षक मानो मेनिसेजले इरान विरुद्धको मैत्रिपूर्ण खेलमा यी खेलाडीलाई डेब्यु गराए । उक्त खेलमा ब्राजिल ३–० ले विजयी भएको थियो । काउटिन्हो यतिबेला १८ वर्षका मात्रै थिए । त्यसको चार दिनपछि उनले युक्रेन विरुद्धको मैत्रिपूर्ण खेलमा ९० मिनेटमा वैकल्पिक खेलाडीका रूपमा मैदान उत्रन पाए । यस खेल ब्राजिलले २–० ले जित्यो ।  नोभेम्बरमा अर्जेन्टिना विरुद्ध भएको मैत्रिपूर्ण खेलमा पनि उनी टोलीमा समावेश थिए । तर, अर्जेन्टिना विरुद्ध ब्राजिल एक शुन्यले पराजित हुँदा उनले बेन्चमै बसेर टुलुटुलु खेल हेरे ।

यसपछिका तीन वर्ष काउटिन्हो टोलीमा परेनन् । मानो मेनिसेजको सट्टामा लुईस फिलिप स्कोलारी प्रशिक्षक बनेर आए । उनले काउटिन्होको प्रतिभा चिनेनन् ।

सन् २०१४ को विश्वकपमा टोलीमै परेनन् सन् २०१४ मा ब्राजिलमै विश्वकप आयोजना हुँदा स्कोलारीले अन्तिम अवस्थामा टोलीबाट काउटिन्होको नाम हटाए । विश्वकपमा ब्राजिलले सेमिफाइनलमा जर्मनीसँग ७–१ को लज्जास्पद हार व्यहो¥यो । तेस्रो स्थानका लागि भएको खेलमा नेदरल्यान्डस्सँग ३–० ले पराजित भयो । यसपछि प्रशिक्षक लुईस फिलिप बर्खास्त भए । डुंगा प्रशिक्षकका रूपमा टोलीमा फर्किए । टिमका धेरै खेलाडी फेरबदल भए । अनि काउटिन्होको पालो आयो ।

सन् २०१४ को विश्वकपपछि काउटिन्हो ब्राजिली टोलीका नियमित सदस्य रहँदै आएका छन् । उनले उक्त विश्वकपपछि खेलेका ३६ खेलमा १२ गोल गरेका छन् ।

लिभरपुलका ठूला स्टार[सम्पादन गर्नुहोस्]

इन्टर मिलानमा सुरुवात राम्रो गरेपनि काउटिन्होले आफ्नो उत्कृकष्ट प्रदर्शनलाई निरन्तरता दिन सकेनन् । त्यसैले, इन्टरले उनलाई सन् २०१२ मा ऋणमा स्पेनिस क्लब इस्पानियोल पठायो । इस्पानियोलमा राम्रो खेलका काउटिन्हो फेरि क्लब फर्कदाँ उनीबाट ठूलो अपेक्षा गरिएको थियो । तर, सोचेजस्तो प्रदर्शन गर्न नसकेपछि २०१२÷१३ को सिजन समाप्त नहुँदै इन्टरले काउटिन्होलाई लिभरपुलमा बेच्यो । यस सिजनमा उनले १९ खेल खेलेर १ गोलमात्रै गरेका थिए ।

तर लिभरपुल फुटबल क्लब आएपछि काउटिन्होले आफ्नो वास्तविक क्षमता देखाए । लिभरपुलमा डेब्यु सिजनमा १३ खेल खेल्दै ३ गोल गरे । उनको खेल सुरुदेखि नै हेर्न लायक थियो । उनको तुलना क्रिष्टियानो रोनाल्डोसँग हुन थाल्यो । प्रिमियर लिगमा यस्तै खेल डेब्यु सिजनमा म्यानचेस्टरका लागि रोनाल्डोले खेलेका थिए । रोनाल्डोलेजस्तै काउटिन्होले पनि विपक्षी खेलाडीहरूलाई डिस्टर्व गर्थे । गोलका लागि छरितो पास उपलब्ध गराउँथे । ड्रिब्लिङ र बलमाथिको नियन्त्रण गज्जबको थियो । विपक्षी टोलीको रक्षापंक्ती भत्काउन माहिर काउटिन्होको सम्मानमा विपक्षी टोलीका समर्थकहरूको शिर पनि पटक–पटक झुक्ने गर्दथ्यो । काउटिन्होले प्रिमियर लिगका दर्शकहरूलाई मनोरञ्जन दिएको डेब्यु सिजन लिभरपुल सातौँ स्थानमै सिमित भयो ।

अर्को सिजन लिभरपुलको कथा फेरियो । लिभरपुलले जित हासिल गरेका महत्त्वपूर्ण खेलमा उनले लुईस सुआरेज र डेनियल स्टरिजलाई गोलका लागि अवसर सिर्जना गरे ।  लिभरपुलले इंलिश प्रिमियर लिगमा उपाधिका लागि अन्तिम क्षणसम्म प्रतिस्पर्धा ग¥यो । म्यानचेस्टर सिटीसँग २ अंकले पछि परेर उपाधि गुमाएपनि लिभरपुलको प्रशंसा सबैले गरे । काउटिन्होले लिगको अन्त्यतिर उपाधि होडमा रहेको सिटी विरुद्ध निर्णायक गोल गरे । ‘यो गोल प्रिमियर लिगकै अहिलेसम्मको उत्कृष्ट गोल हो,’ लुईस सुआरेजले आफ्नो आत्मकथामा लेखेका छन् ।

सन् २०१४/१५ को सिजन सुरु नहुँदै सुआरेजले लिभरपुल फुटबल क्लब छाडे । त्यसपछि, काउटिन्हो टोलीका सबैभन्दा ठूला स्टार बने । तर दबाब थेग्न सकेनन् । २०१५/१६ मा प्रशिक्षक योर्गेन क्लोपले लिभरपुल सम्हालेपछि काउटिन्हो र रोर्बटो फिरिमानोले फेरि एकपटक लिभरपुललाई ठूला खेलमा विजयी गराए । सन् २०१६/१७ को सिजन काउटिन्होका लागि अर्को एक अविस्मरणीय वर्ष बन्दै थियो । यस सिजन लिभरपुलले अंक तालिकाको चौथो स्थानमा रहेर लिग टुंग्यायो । सुआरेजको बर्हिगमनपछि लिभरपुल चौथो स्थानमा अटाएको यो पहिलोपटक थियो । काउटिन्होको प्रदर्शन उसको सफलताको प्रमुख कारण थियो ।

गत सिजन काउटिन्हो लिभरपुल छाडेर बार्सिलोना आए । बार्सिलोना आउनुअघि उनले लिभरपुलबाट खेलेका १३ खेलमा ७ गोल र ६ एसिस्ट गरेका थिए । च्याम्पियन्स लिगमा उनले लिभरपुलबाट समुह चरणका ४ खेलमा ५ गोल र २ एसिस्ट गरेका थिए । च्याम्पियन्स लिग चलिरहेकै बेलामा बार्सिलोना सरुवा भएपछि उनले सिजनका बाँकी खेल गुमाए । तर, उनको बर्हिगमनपछि महोमद्द सलाहको प्रेरणादायी प्रदर्शनमा लिभरपुलले च्याम्पियन्स लिगको फाइनल यात्रा ग¥यो ।

बार्सिलोनामा लिग च्याम्पियन[सम्पादन गर्नुहोस्]

यता, बार्सिलोना आएकै वर्ष काउटिन्होले ला लिगा उपाधि तथा कोपा डेल रे जिते । जनवरीयता, सिजनको अन्त्यसम्म खेलेका ला–लिगाका १८ खेलमा उनले ८ गोल तथा ५ एसिस्ट गरे । कोपा डेल रेमा ४ खेल खेल्दै २ गोल गरे ।

इस्पानियोलका पूर्व प्रशिक्षक मारिसियो पोचेटिन्होले काउटिन्होको तुलना  लियोनल मेस्सीरोनाल्डिन्होसँग गरेका छन् । ‘फिलिपोको खुट्टामा विशेष जादु छ ,’ उनले भनेका छन् । पास उपलब्ध गराउने मामिलामा उनको आँखा निकै तेजिलो मानिन्छ । उनलाई लिभरपुलका समर्थकहरूले ‘लिट्टिल म्याजिसियन’ उपनाम  दिएका छन् । उनी दुवै खुट्टाले उत्तिकै राम्रो बल प्रहार गर्न सक्छन् र लामो दुरीबाट प्रहार गर्न पनि माहिर छन् । [२]

जीवनी[सम्पादन गर्नुहोस्]

सन्दर्भ सामग्रीहरू[सम्पादन गर्नुहोस्]

  1. "Philippe Coutinho", FC Barcelona, अन्तिम पहुँच २३ जनवरी २०१८ 
  2. http://ratopati.com/story/50935