यान्देक्स नक्सा

यान्देक्स नक्सा

साइटको प्रकार	वेब नक्सा सेवा
उपलब्ध भाषा	बहुभाषिक
मालिक	यान्देक्स
सर्जक	यान्देक्स
युआरएल	yandex.com/maps/
व्यवसायिक	हो
दर्ता	बैकल्पिक, सम्पादनको लागि यान्देक्स खाताको आवश्यकता
चालु भएको मिति	२७ अगस्ट २००४ (२००४-०८-27)

यान्देक्स नक्सा एक रुसी वेब नक्सा सेवा हो जुन बहुप्रतिष्ठित रूसी कम्पनी यान्देक्सले विकास गरेको हो। सेवाले विश्वको बिस्तृत नक्सा प्रदान गर्दछ। यसमा खोज, ट्राफिक आवतजावतको जानकारी, बाटो र सडक परिदृश्य समावेश छन्। यो सेवा सन् २००४ मा सुरु गरिएको थियो।

यान्देक्स नक्सा रुसमा सर्वाधिक लोकप्रिय मानचित्र सेवा हो। यसको लगभग ११.५ मिलियन मासिक सक्रिय प्रयोगकर्ताहरू छन् भने विश्वभरि २० मिलियन सक्रिय प्रयोगकर्ताहरू रहेका छन्।

विशेषता

पहिला यसमा रूस र युक्रेनको मात्र नक्सा उपलब्ध थियो, तर हाल यसमा विश्वका सबै नक्साहरू समावेश छन्।

नक्सा चारवटा संस्करणहरूमा उपलब्ध छन् जसमा नक्सा, उपग्रह तस्वीर, शिर्षकको साथ उपग्रह तस्वीर र उन्नत दृश्य समावेश छन्।

प्रयोगकर्ताले नक्सामा ठाउँहरू बीच रेखा तानी दिशा प्राप्त गर्न र दूरी मापन गर्न सक्छन्। खोजी भौगोलिक वस्तुहरू जस्तै ठेगाना, सडक, सहर, क्षेत्र र देश मार्फत उपलब्ध छन्। जिल्ला, सहर, वा क्षेत्रको स्पष्ट नक्सा साइटको सङ्गठनमा खोजेपछि उपलब्ध हुन्छ।

यान्देक्स नक्साको अनुप्रयोग आइओएस, एन्ड्रोइड र विन्डोज फोनमा उपलब्ध छ।

सडक दृश्य

यान्देक्स नक्साको लागि परिदृश्य खिच्दै हिडेको एक कार

यान्देक्स नक्सामा सडक परिदृश्य हेर्न मिल्ने सुविधा रहेको छ। प्रिप्यात र सेरनोबेल लगायतका सहरहरूको पनि यसमा सडक दृश्य रहेको छ। सन् २०१६ मा, सगरमाथाको पनि "सडक दृश्य" लिइएको थियो।

नक्सा सम्पादन

यान्देक्स नक्सा सम्पादकको मद्दतले प्रयोगकर्ताहरूले नयाँ ठाउँ, स्थान, सडक र अन्य थुप्रै सामग्रीहरू थप्न सक्छन्।

यान्देक्स ट्राफिक

यान्देक्स ट्राफिक, यान्देक्स नक्सामा रहेको एक विशेषता हो जसले ट्राफिकको अवस्था मुख्य सडक र राजमार्गहरूमा वास्तविक समयमा देखाउने गर्दछ। यो यान्देक्स नक्साको आधिकारिक वेबसाइट र अनुप्रयोग मार्फत हेर्न सकिन्छ।

यान्देक्स ट्राफिकले जिपिएस-निर्धारित स्थानहरूको विश्लेषण गर्ने काम गर्दछ जसले ठूलो सङ्ख्यामा मोबाइल फोन प्रयोगकर्ताद्वारा यान्देक्समा प्रसारण गर्दछ। सडकको लम्बाइमा प्रयोगकर्ताहरूको गति गणना गरेर, यान्देक्सले प्रत्यक्ष ट्राफिक नक्सा उत्पन्न गर्दछ। यसले मोबाइल फोन उपकरण स्थानको बारेमा आउने कच्चा आँकडा प्रशोधन गर्दछ र अनियमितता गराउने जस्तै ठाउँ ठाउँमा रोक्किने हुलाकी सवारी साधनहरूलाई पन्छाउने काम गर्दछ।

आलोचना

• यान्देक्स नक्साको उपग्रह रिती गुगल नक्साको जस्तै विस्तारित रूपको छैन
• योसँग रूस, बेलारूस, युक्रेन, टर्की र कजाखस्तानको मात्रै विस्तृत नक्सा रहेको छ।
• यस नक्सामा सम्पादन हाल रुसी भाषामा मात्र उपलब्ध छ।
• सडक दृश्य रुस, युक्रेन, बेलारुस, कजाखस्तान, अर्मेनियन र टर्कीका सहरहरूमा मात्र उपलब्ध छ

यो पनि हेर्नुहोस्

• वेब नक्सा सेवाहरूको तुलना
• गुगल नक्सा
• ओपन स्ट्रिट म्याप
• हियर नक्सा सर्जक
• विकिम्यापिया

बाह्य कडीहरू

• यान्देक्स नक्सा