विजय मल्ल

विजय मल्ल
जन्म	वि.स. १९८२ असार १० ओमबहाल, काठमाडौँ
मृत्यु	२०५६ साउन ८ काठमाडौँ
पेशा	लेखक
भाषा	नेपाली
राष्ट्रियता	नेपाली
विधा	कविता, नाटक, उपन्यास
उल्लेखनीय कार्यहरू	अनुराधा
उल्लेखनीय पुरस्कारहरू	साझा पुरस्कार
आफन्तहरू	दाजु गोविन्द बहादुर मल्ल

विजय मल्ल (वि.सं.१९८२ - वि.सं.२०५६) नेपाली साहित्यकार हुन्। उनले वि.सं. २०२७ सालमा एक बाटो अनेक मोड कृतिका लागि साझा पुरस्कार प्राप्त गरेका हुन्।

जीवनी

विजय मल्लको जन्म वि. सं. १९८२ असार १० गते ओमबहाल, काठमाडौमा भएको थियो। उनका बाबु सुब्बा ऋद्धिबहादुर मल्ल र आमा आनन्दमाया हुन्। विजय मल्ल प्रख्यात लेखक गोविन्द बहादुर मल्लका भाइ हुन्। पिता सुब्बा ऋद्धिबहादुर मल्ल राजधानी काठमाडौँका राणाहरूका दरबारसँग सम्बन्धित भएकाले उनले दरबार हाई स्कुलबाट शिक्षा हासिल गर्ने मौका पाएका थिए।

कृतिहरू

उनको पहिलो रचना मर्नुपर्छ है दाइ नामक कविता वि.सं. १९९७ सालमा "शारदा" प्रत्रिका मा प्रकाशित भएको थियो। उनका मौलिक कृतिहरू :-

class="wikitable "

पुरस्कार तथा सम्मान

साउन ७ गते २०५६ साल अर्थात् मृत्युको एकदिन अघि मात्र वेदनिधि पुरस्कार पाउने विजय मल्लले एक बाटो अनेक मोड का लागि २०२७ को साझा पुरस्कार, २०४० मा गोर्खा दक्षिण बाहु दोस्रो, २०४९ मा गंकी बसुन्धरा पुरस्कार, २०५३ को भूपालमान सिंह प्रज्ञा पुरस्कार पाउनुभयो।

निधन

उनको वि.सं. २०५६ साउन ८ का दिन ७४ वर्षको उमेरमा निधन भयो।