श्रेणी:नेपाली साहित्यकारहरू

नेपाली (खस) भाषाका साहित्यकारहरुको बारेमा लेखिएका लेखहरुको संगालो।।भुवनहरि सिग्देल शास्त्रीय छन्दमा कविता रचना गर्ने वर्तमानका सशक्त कवि हुन् । उनको जन्म वि सं २००७ साल जेठ ५ गते दहचोक काठमाडौंमा भएको थियो । उनले नेपाली खण्डकाव्य, महाकाव्य मात्र हैन कथासङ्ग्रह र उपन्यासहरू पनि लेखेका छन् । २०७३ सालमा उनले लेखेका 'आमोई' जीवन इतिवृत्त निकै चर्चित रहेको थियो । सात खण्डकाव्य तीन महाकाव्य एक नव्यकाव्य एक नीतिकाव्य एक नव्यकाव्य एक कविता सङ्ग्रह चार उपन्यास एक बालगीत र एक जीवनवृत्त लेखिसकेका उनी विशेषत शास्त्रीय छन्दकै कविताका प्रखर कवि मानिन्छ ।

२ हरि खनाल समकालीन नेपाली साहित्यको क्षेत्रमा वहुविधामा कलम चलाउने सशक्त साहित्यकार हुन् । विसं २०२३ सालमा धादिङमा जन्मिएका खनालकाे साहित्ययात्रा उपन्यासबाट शुरू भएकाे थियो । एक दर्जन भन्दा बढी बालसाहित्य लेखेका उनी शास्त्रीय छन्दमा कविता लेख्छन् । विसं २०७३ सालमा उनले लेखेका 'सँघार' नामकाे कविता सङ्ग्रह र २०७० सालमा लेखेका हास्यव्यङ्ग्य निबन्ध 'भोकासुर' उनको उपन्यास 'मैयाँ' र द्वन्द्वकालीन घटनाकाे सेरोफेरोमा लेखिएका कथासङ्ग्रह 'अँध्यारो मानचित्र' पनि उतिकै प्रसिद्ध छ । हालसम्म एक दर्जन बालकथा दुई बालउपन्यास एक बालनाटक पाँच विभिन्न क्षेत्रका कथाहरू एक निबन्ध सङ्ग्रह र एक विभिन्न छन्दका कविता नेपाली साहित्य भण्डारमा उनले दिइसकेका छन् । गीत गजल नाटक मुक्तक सबै विधामा उतिकै कलम चलाउने उनी नयाँ नयाँ छन्द अाविष्कारमा पनि निपुण देखिन्छन् ।