चित्तरञ्जन नेपाली
चित्तरञ्जन नेपाली (वि. सं. १९८८ - ) इतिहासकार हुन्। सामाजिक शास्त्र (विधा) विषयमा जनरल भीमसेन थापा र तत्कालीन नेपाल नामक ग्रन्थका लागि उनले वि. सं. २०१३ सालमा मदन पुरस्कार पाएका हुन्।
जीवनी[सम्पादन गर्नुहोस्]
चित्तरञ्जनको जन्म वि. सं. १९८८ साल श्रावण १० गते शनिवारका दिन बाबु मेदिनीप्रसाद राजभण्डारी र आमा कालीनानीका सुपुत्रका रूपमा न्हैकन्तला टोल, काठमाडौंमा भएको हो। [१] उनको खास नाउँ नारायणप्रसाद राजभण्डारी हो। नेपाली, इतिहास, संस्कृति, पुरातत्वमा एम्.ए. गरेका उनले लामो समय सरकारी सेवामा बिताए।
कृतिहरू[सम्पादन गर्नुहोस्]
उनले इतिहास, कविता आदिमा कलम चलाएका छन्। उनको पहिलो रचना वि. सं. २००३/४ तिर कविता प्रकाशित भएको थियो। उनका मौलिक कृतिहरूः
- नेपाली इतिहास परिचय (भाग १, २, ३)
- जनरल भीमसेन थापा र तत्कालीन नेपाल
- श्री ५ रणबहादुर शाह
- नेपाल-चीन सिमाना सन्धि (इतिहास)
- मां लुमंका (नेवारी शोककाव्य)
- प्रतिक्रिया (नेवारी कवितासङ्ग्रह)
पुरस्कार[सम्पादन गर्नुहोस्]
- सामाजिक शास्त्र (विधा) विषयमा जनरल भीमसेन थापा र तत्कालीन नेपाल नामक ग्रन्थका लागि उनले मदन पुरस्कार २०१३ सालमा प्राप्त गरेका हुन्। यसबाहेक उनले
- वि. सं. २०२२ मा श्रेष्ठ सिरपा पुरस्कार,
- वि. सं. २०३१ मा शुभराज्यभिषेक पदक,
- गोरखा .दक्षिण बाहु तेस्रो,
- त्रिशक्ति पट्ट तेस्रो,
- दुर्गम सेवा पदक,
- जनपद सेवा पदक,
- जानपद दीर्घ-सेवा पदक पाएका छन्।
भ्रमण[सम्पादन गर्नुहोस्]
उनले बेलायत, पाकिस्तान, बङ्गलादेश, बर्मा, चीन, थाइल्याण्ड, फिलिपिन्स, हङकङ, दक्षिण कोरिया, जापान, केन्या, अमेरिका आदिको भ्रमण गरेका छन्।