राजाराम सुवेदी

राजाराम सुवेदी
जन्म	२४ असार, वि. सं. २००९ ढिकुरेपोखरी, कास्की
पेशा	प्राध्यापन इतिहासकार
उल्लेखनीय कार्य	इतिहास
जीवनसाथी	हरिकला सुवेदी
मातापिता	पं नरपति उपाध्याय सुवेदी जयश्री सुवेदी

डा. राजाराम सुवेदी त्रिभुवन विश्वविद्यालयका इतिहास विषयका प्राध्यापक हुन् ।

नेपालीको इतिहास नेपाली नै लेख्नुपर्छ भनेको सुवेदीको मान्यता छ। विदेशीले तोडमोड गरेर लेखेमा खण्डन गर्न सक्ने क्षमता हामीसँग हुनैपर्छ , नत्र इतिहास दूषित हुने कुरा उनले लेखेका छन्।

काठमाडौं उपत्यका केन्द्रित इतिहासले मात्र समग्र नेपालको प्रतिनिधित्व गर्दैन भन्ने उनको प्राज्ञिक मान्यता थियो। यसै अनुरुप उनले मोफसल (उपत्यकाबाहिर) का क्षेत्रहरूलाई केन्द्रमा राखेर इतिहास लेखेका छन् । धेरैजसो नेपाली इतिहासकारहरूले काठमाडौं उपत्यका र शाहकालीन केन्द्रीय इतिहासमा मात्र ध्यान केन्द्रित गरिरहँदा सुवेदीले आफ्नो जीवनको लामो समय कर्णाली र सुदूरपश्चिमका बाइसी तथा चौबीसी राज्यहरूको इतिहास खोतल्नमा बिताए। उनले ती क्षेत्रका दुर्गम गाउँहरूमा पुगेर पुराना अभिलेख, ताम्रपत्र र शिलापत्रहरू संकलन गरे, जसका कारण आज अछाम, डोटी र गुल्मी जस्ता जिल्लाहरूको लिखित इतिहास दस्तावेजका रूपमा सुरक्षित छ।

जन्म

प्रा.डा. सुवेदीको जन्म २४ असार, वि. सं. २००९ मा ढिकुरपोखरी, कास्कीमा भएको थियो ।

शिक्षा

स्नातकोत्तर (इतिहास ,संस्कृति बुद्ध अध्ययन ) स्नातक (कानुन)

विद्यावारिधि (बझाङको इतिहास) त्रिभुवन विश्वविद्यालय, वि. सं. २०४४

प्रकाशित कृति

सि.नं.	कृति	प्रकाशित
१.	कर्णाली प्रदेशको मध्यकालीन इतिहास	वि. सं. २०५४
२.	गुल्मीको ऐतिहासिक झलक	वि. सं. २०५५
३.	बाइसी राज्यको ऐतिहासिक रुपरेखा	वि. सं. २०५५
४.	कर्णाली प्रदेशमा मध्यकालीन डोटी राज्य	वि. सं. २०५६
५.	मध्यपूर्वको इतिहास	वि. सं. २०५८
६.	अछामको इतिहास	वि. सं. २०५८
७.	कास्की राज्यको इतिहास	वि. सं. २०६०
८.	नेपालको तथ्य इतिहास	वि. सं. २०६०

पुरस्कार तथा सम्मान

• शुभराज्यभिषेक पुरस्कार - वि. सं. २०३१
• शान्तिक्षेत्र पुरस्कार - वि. सं. २०३९
• महेन्द्र विद्याभूषण 'क' - वि. सं. २०४४
• स्नातक समाज नेपाल सम्मान - वि. सं. २०५४
• बलराम स्मृति वाङमय पुरस्कार- वि. सं. २०७०

यो पनि हेर्नुहोस्

• सुवेदी

बाह्य कडीहरू

• लमजुङ्ग राज्य अभिलेखिकरण २०२३-११-१८ वेब्याक मेसिन
• कास्की राज्यको न्यायप्रणाली अभिलेखिकरण २०२४-०७-१९ वेब्याक मेसिन