पोषण पाण्डे

पोषण पाण्डे
जन्म	१९८९ माघ १ काठमाडौँ, नेपाल
पेशा	साहित्य
भाषा	नेपाली
राष्ट्रियता	नेपाली
शिक्षा	कलामा स्नातक
उल्लेखनीय कार्यहरू	मानस, वटवृक्षको उद्घाटन, आँखीझ्याल आदी
उल्लेखनीय पुरस्कारहरू	महेन्द्र प्रज्ञा पुरस्कार, २०४८

पोषण पाण्डे एक नेपाली साहित्यकार थिए। ’भिनाजुको स्वीटर’, ’कृष्णदासको भित्तेघडी’, ’राघेश्यामको साइकल’, जस्ता कैयौँ सदाबहार कथाका कथाकार पोषण पाण्डेको जन्म वि.सं. १९८९ माघ १ गते भएको थियो। उनको 'आँखीझ्याल' (वि.सं. २०२१), ‘मानस’ (वि.सं. २०२५), ‘हिउँमा परेका डोबहरू’ (वि.सं. २०३२) जस्ता प्रसिद्ध कथासङ्ग्रह र कविताका कृति ‘वटवृक्षको उद्घाटन’ (वि.सं. २०२५) र ‘मनसा’ (वि.सं. २०५२) पर्दछन्। वि.सं. २००६ सालमा ‘पुरुषार्थ’ पत्रिकामा पहिलो कविता छापिएको ७ वर्षपछि वि.सं. २०१३ सालमा उनी कथालेखन तर्फ तानिएका थिए र आफूलाई उत्कृष्ट कथाकारका रूपमा स्थापित गरेका थिए। उनको मृत्यु वि.सं २०४९ वैशाख ७ काठमाडौँमा भएको थियो।

जागिरे जीवन

वि.सं. २०१२ सालमा नेपाल राष्ट्र बैङ्कबाट जागीरे जीवन आरम्भ गर्दै तत्कालीन शाही नेपाल वायुसेवा निगम, नेपाल विद्युत् प्राधिकरणमा जागिरे जीवन व्यतीत गरेका उनले तत्कालीन नेपाल राजकीय प्रज्ञा–प्रतिष्ठानको सह–सदस्य समेत भएका थिए।