श्रीकर

श्रीकर राजनीतिक अर्थशास्त्रका एक प्रसिद्ध आचार्य ह्न् । उनी मिथिला निवासी भएको तथ्य प्राप्त हुन्छ । मनुस्मृतिको सर्वाधिक प्रसिद्ध टीका मिताक्षरा ले यिनलाई प्रसिद्ध बनाएको हो । मिताक्षरा र त्यस पछि रचना गरिएका धर्मशास्त्रका ग्रन्थहरूमा श्रीकरको नाम उदधृत गरिएको छ । उनको नामबाट कुनै स्वतन्त्र ग्रन्थ भने उपलब्ध छैन । उनले कतिपय स्मृति ग्रन्थ माथि भाष्य वा निबन्ध रचना गरेका थिए भनिन्छ । उनले कतिपय स्मृतिहरूको सम्पादन पनि गरेका मानिन्छ । उनको समय वि.सं. ८५०–११०० मानिएको छ । चण्डेश्वरको राजनीतिरत्नाकरमा उनको नाम ससम्मान उल्लेख गरिएको छ । श्रीकर तथा चण्डेश्वरका अर्का समकालीन लक्ष्मीधर हुन् । उनलाई चण्डेश्वरको समकालीन मान्न सकिन्छ । लक्ष्मीधरको राजनीतिकल्पतरु अत्यन्त लोकप्रिय ग्रन्थ हो जुन आफ्नो पूर्ण रूपमा प्राप्त छैन ।
के पी जायसवालले आफ्नो हिन्दु पोलिटी ग्रन्थमा श्रीकरको नाम र उद्धरण गरेका छन् ।