लेखनाथ नगरपालिका

नेपाली विकिपीडियाबाट
यसमा जानुहोस्: परिचालन, खोज्नुहोस्
लेखनाथ नगरपालिका
Kaski district location.png
स्थापना : २०५३ साल माघ १८ गते
अञ्चल: गण्डकी अञ्चल
जिल्ला: कास्की जिल्ला
क्षेत्रफल: - बर्ग कि.मी.
जनसंख्या: -
वडा संख्या: -
भौगोलिक अवस्थिति: पहाडी प्रदेश, पोखरा उपत्यका
मेयर:  ??
टेलिफोन कोड: ०६१
वेबसाईट: -
 हे  वा  सं 

लेखनाथ नेपालको पश्चिमाञ्चल विकास क्षेत्रको गण्डकी अञ्चल, कास्की जिल्लामा अवस्थित नगरपालिका हो। पोखरा उपत्यकाको, पोखरा नगरको पूर्वपट्टी रहेको लेखनाथ नगर कास्की जिल्लामा पर्दछ। सात तालको शहर भनिने लेखनाथमा बेगनास,रूपा,मैदी,दिपाङ तालहरू रहेका छन द्रुततर रूपमा जनसंख्या बढीरहेको लेखनाथ पोखराको आवासीय क्षेत्रको रूपमा विकास हुदै गइरहेको छ। हालै मात्रै समुदायको पहलमा निकै राम्रो अस्पताल निर्माण भएको छ भने शिक्षका लागि क्याम्पस तथा विद्यालयहरू पनि लेखनाथमा नगरमा रहेका छन। लेखनाथमा नगरमा झन्डै ५४ हजार मानिस बसोबास गर्दछन। लेखनाथ नगरको टेलीफोन कोड नम्बर ०६१ हो।

इतिहास[सम्पादन गर्ने]

कवि शिरोमणि लेखनाथ पौड्यालको जन्मस्थल यसै नगरपालिकाको अर्घौ अर्चलेमा पर्ने भएकोले नेपाल अधिराज्यमा नै साहित्यिक श्रष्टामा नामबाट गठित एउटै मात्र नगरपालिका हो, लेखनाथ नगरपालिका। यस नगरलाई सात तालको बगैंचा सहर भनिन्छ। कास्की जिल्लाका तत्कालीन राखी, लेखनाथ, शिशुवा र वेगनास गाविसलाई मिलाएर २०५३ साल माघ १८ गते घोषणा भएको हो। विसं ०५३ सालमा नगरपालिका घोषणा भएपछि त्यसको एकवर्षपछि भएको नगरपालिकाको निर्वाचनमा शालीग्राम पौडेल र गोपालमान गुरुङ निर्वाचित पहिलो नगर प्रमुख र उपप्रमुख हुनुभयो। राजा ज्ञानेन्द्रको शासनकालमा विष्णुप्रसाद पोखरेल र मोहनराज वस्नेतलाई करिब सात महिनाका लागि नगर प्रमुख र उपप्रमुखमा मनोनित गरिएको थियो।

भौगोलिक स्थिति[सम्पादन गर्ने]

नगरपालिकाको क्षेत्रफल ७८ दशमलव ९३ वर्ग किलोमिटर छ। यस नगरपालिकाको पूर्वमा हङ्सपुर, देउराली र रूपाकोट गाविस, पश्चिममा पोखरा उप-महानगरपालिका, उत्तरमा माझठाना र कालिका गाविस र दक्षिणमा भरतपोखरी गाविस र तनहाँको दुलैगौंडा गाविस छन्। लेखनाथ नगरक्षेत्र समुन्द्र सतहबाट ४९० देखि १२१७ मिटरसम्मको उचाइमा फैलिएको छ। काठमाडौँबाट १९० कि.मि. पश्चिम र पोखराबाट १० किलोमिटर पूर्वमा रहेको लेखनाथ नगरपालिका पहाड, समथर भू-भाग, थम्काथुम्की र ताल एवं नदी निर्मित भू-भागको समिश्रणस्थल हो। तालैतालको जिल्ला भनेर चिनिने कास्की जिल्लामा रहेको सात तालको बगैंचा सहर यस नगरपालिकाका वेगनास, रूपा, मैदी, दिपाङ्ग, खास्टे, न्यूरेनी र गुँदेसमेत गरी सातवटा सुम्य ताल रहेका छन।

धार्मिक तथा पर्यटकीय स्थलहरू[सम्पादन गर्ने]

लेखनाथ नगरपालिकामा रहेका ऐतिहासिक तथा धार्मिक पर्यटकीय स्थलहरू गोरखनाथ मन्दिर, राधाकृष्ण मन्दिर हुन भने बेगनास ताल, रूपा ताल लगायत ७ वटा ताल, सुन्दरी डाँडा आदि प्राकृतिक पर्यटकीय स्थलहरू हुन।[१]It is very beautiful place and i love it ...i love leknath

जनसंख्या[सम्पादन गर्ने]

नगरपालिकाका १५ वटा वडामा दशहजार घर धुरी रहेको र ५० हजार जनसंख्या छ। बुढीबजार, अर्घौंचोक, विजयपुर, तालचोक, भण्डारढिक, गगनगौंडा, बेगनासताल र खुदीबजार यस नगरपालिकाका मुख्य मुख्य व्यापारिक केन्द्र हुन्। लोपोन्मुख अवस्थामा रहेको जलाहारी, गन्धर्व र कुमाल जाति पनि यस नगरपालिकामा बसोबास गर्दछन्।

पेशा[सम्पादन गर्ने]

जलहारीले तालमा माछा मार्ने, गन्धर्वले गीत गाउने र कुमालले माटाका भाँडाकुँडा बनाएर जीविका चलाउँछन्। नगरपालिकाको आर्थिक क्रियाकलापमा कृषि, सेवा, व्यापार र उद्योग मुख्य छन्। नगरपालिका भएपनि बहुसंख्यक जनताको मुख्य आर्थिक क्रियाकलाप कृषि हो। आर्थिकरूपले सक्रिय कूल जनसंख्याको ८७ प्रतिशत जनता कृषिमा नै निर्भर छन्। नगरपालिकाको ५३०३ दशमलव ७५ हेक्टरमा खेती गरिन्छ। झिनुवा, जेठोबुढो, ज्याउदीखोले, जर्नेली, पहेंले, विरनफुल तौली, रकनी, मन्सारा, गौरिया, आँगा, नालढुंगो, रामसाली, घैयाआदि स्थानीय २१ धानको प्रजाति यहाँ लगाईन्छ।

यो पनि हेर्नुहोस्[सम्पादन गर्ने]

सन्दर्भ सामग्रीहरू[सम्पादन गर्ने]

बाहिरी कडीहरू[सम्पादन गर्ने]