सन्त निर्मला

सन्त निर्मला (मराठी: संत निर्मळा) भारतको महाराष्ट्रमा चौधौँ शताब्दीमा जन्मेकी कवयित्री थिइन् । चोखामेलाकी बहिनी भनी ख्याती प्राप्त गरेकी निर्मलालाई आफैँमा पनि अत्यन्तै कुशल लेखिका मानिन्थ्यो र सन्तको उपाधि दिइएको थियो । उनको विवाह अछुत महार जातिका सन्त बङ्कासँग भएको थियो । उनका अभङ्ग शैलीमा लेखिएका कृतिहरूमा उनले हिन्दु वर्ण व्यवस्थाको फलस्वरूप भोग्नुपरेका अन्याय तथा असमानताको वर्णन गरिएका छन् ।

सांसारिक विवाह गरेको हुनाले पछुताएकी निर्मला पण्ढरपुरको मन्दिरमा ईश्वरको भक्तिमा रमाउँथिन् । उनका कवितामा उनको पति बङ्काको कुनै उल्लेख गरिएको छैन ।