अन्धाधुन

अन्धाधुन
रङ्गमञ्च प्रदर्शित पोस्टर
निर्देशक	श्रीराम राघवन
लेखक	श्रीराम राघवन हेमन्त एम राव पूजा लाधा सुरती अरिजीत विश्वास योगेश चन्देकर
आधारित	एल'एकोर्डर (द पियानो ट्युनर)
निर्माता	सुधांशु वत्स अजित अन्धारे गौरव नन्दा अशोक वासोदिया केवल गर्ग सञ्जय राउतरे
मुख्य कलाकार	तबु आयुष्मान खुराना राधिका आप्टे
छायाङ्कन	केयु मोहनन
सम्पादन	पूजा लाधा सुरती
सङ्गीत	गीतहरू: अमित त्रिवेदी रफ्तार गिरीश नाकोड स्कोर: डानियल बी जर्ज
वितरक कम्पनीहरू	भायकम १८ मोसन पिक्चर्स पिक्समेकर स्टुडियोज पिक्चरमेकर स्टुडियोज
वितरक	भायकम १८ मोसन पिक्चर्स (भारत) इरोस इन्टरनेसनल (अन्तर्राष्ट्रिय)
प्रदर्शन मिति	५ अक्टोबर २०१८ (2018-10-05) (भारत)
अवधि	१३८ मिनेट
देश	भारत
भाषा	हिन्दी
बजेट	₹३२० मिलियन
बक्स अफिस	₹४५६८.९ मिलियन

अन्धाधुन श्रीराम राघवनद्वारा सह-लिखित र निर्देशित सन् २०१८ को भारतीय हिन्दी भाषाको हास्य आपराधिक थ्रिलर चलचित्र हो। यो चलचित्रलाई म्याचबक्स पिक्चर्सद्वारा निर्माण गरिएको थियो भने भायकम १८ मोसन पिक्चर्सद्वारा वितरित गरिएको थियो। यो चलचित्रमा तबु, आयुष्मान खुराना, र राधिका आप्टेले प्रमुख भूमिकामा अभिनय गरेका छन्। चलचित्रको कथावस्तु अन्धो पियानो वादकको कथालाई प्रदर्शित गरेको छ जसले रहस्यमयी तरिकाले एकजना पूर्व चलचित्र अभिनेताको हत्याको अभियोगमा फस्छन्।

यो चलचित्रको पटकथा राघवन, अरिजित विश्वास, पूजा लाधा सुरती, योगेश चन्देकर र हेमन्त एम रावले लेखेका थिए। यो चलचित्रको सम्पादन कार्य सुरतीले गरेकी थिइन् भने केयु मोहननले फोटोग्राफी निर्देशकको भूमिका सम्हालेका थिए। अमित त्रिवेदीले चलचित्रको लागि गीत रचना गरेका थिए र जयदीप साहनीले गीत लेखेका थिए। रफ्तार र गिरीश नाकोडले अतिथि सङ्गीतकारको रूपमा शीर्षक गीत लेखेका थिए।

सन् २०१३ मा, रावले राघवनलाई 'एल'एकोर्डर' ('द पियानो ट्युनर'), एक अन्धो पियानोवादकको बारेमा सन् २०१० को फ्रान्सेली छोटो चलचित्र हेर्न सुझाव दिएका थिए। राघवनले चलचित्र मनपराए र यसै कथावस्तुमा आधारित स्क्रिप्ट तयार गर्ने निर्णय गरेका थिए। राघवनलाई सम्पर्क गरेपछि र उनीसँग काम गर्न चासो देखाएपछि खुरानालाई मुख्य भूमिकामा चयन गरिएको थियो। यो चलचित्रको मुख्य फोटोग्राफी सन् २०१७ जुनमा सुरु भएको थियो भने सन् २०१८ जुलाई १७ मा समाप्त भएको थियो। चलचित्रलाई पुणेमा ४४ दिन छायाङ्कन गरिएको थियो।

'अन्धाधुन'लाई भायकम १८ मोसन पिक्चर्सद्वारा नाटकीय रूपमा भारतमा सन् २०१८ अक्टोबर ५ मा आलोचनात्मक प्रशंसाको साथ प्रदर्शित गरिएको थियो। आलोचकहरूले चलचित्रको लेखन, खुराना र तबुको अभिनय प्रदर्शनलाई सराहेका थिए। यो चलचित्रले स्क्रिन पुरस्कार समारोहमा सर्वश्रेष्ठ निर्देशक र सर्वश्रेष्ठ स्क्रिनप्ले सहित चार पुरस्कार र खुरानाका लागि सर्वश्रेष्ठ अभिनेता (आलोचक) र सर्वश्रेष्ठ चलचित्र (आलोचक) सहित पाँच फिल्मफेयर पुरस्कार जितेको थियो। यसले तीन राष्ट्रिय चलचित्र पुरस्कार: हिन्दीमा सर्वश्रेष्ठ फिचर चलचित्र, खुरानाका लागि सर्वश्रेष्ठ अभिनेता, र सर्वश्रेष्ठ स्क्रिनप्ले पनि जितेको थियो। चलचित्र ₹३२० मिलियन (युएस$४.५ मिलियन)को बजेटमा निर्माण भएको थियो र विश्वव्यापी बक्स अफिसमा ₹४.५६ बिलियन (युएस$६४ मिलियन) कमाएको छ।

कहानी

आकाश एक महान पियानोवादक हुन्, जसले आफ्नो पियानो सीप सुधार गर्न अन्धा भएको जालसाजी गर्छन्। सडक पार गर्दा, उनी सोफीसोफीसँग टकराउँन्। सोफीले आकाशको ख्याल राख्छिन् र चाँडै उनीहरूले आत्मीय प्रेमप्रसङ्गयुक्त सम्बन्ध सुरु गर्छन्। सोफी आकाशको प्रतिभाबाट प्रभावित छिन् र उनलाई उनको बुवाको भोजनमा संलग्नता गराउँछिन्। भोजनमा, एक सेवानिवृत्त अभिनेता, प्रमोद सिन्हाले आकाशलाई देख्छन् र उनको विवाहको वार्षिकोत्सवको लागि प्रदर्शन गर्न आमन्त्रित गर्छन्। आकाश सिन्हाको फ्ल्याटमा आइपुग्छन् र प्रमोदकी श्रीमती सिमीले ढोका खोल्छिन्। सिमी आकाश अन्धो छ भनेर पक्का भएपछि उसलाई पियानो बजाउँन दिन्छिन्। आकाशले प्रमोदको लास नजिकै देख्छन् तर अज्ञानताका साथ बजाउँन जारी राख्छन्; उनले सिमीको अभिरुचि मनोहरलाई पनि बाथरूममा लुकिरहेको देख्छन्। आकाश पियानो बजाउँदै गर्दा, सिमी र मनोहरले शरीर सफा गरेर सूटकेसमा राख्छन्।

आकाशले उक्त हत्यालाई प्रहरीमा खबर गर्न खोज्छन्, तर मनोहर एक पुलिस इन्सपेक्टर हो भन्ने कुरा थाहा पाउँछन्। यसैबीच, सिमीले उनको वृद्ध छिमेकी मिसेज डि'सा पुलिस अधिकारीसँग प्रमीदको हत्याको बारेमा कुरा गर्दै गरेको सुन्छिन्। सिमीले पछि मिसेज डि'सालाई उनीहरूको अपार्टमेन्टको छेउबाट धकेलेर मार्छिन्। आकाशले हत्या देख्छन् तर अज्ञानता जारी राख्न बाध्य हुन्छन्। पछि जब सिमीले उनको पतिको अन्तिम संस्कार पछि विषाक्त भेटीहरू ल्याउँछिन् र बन्दुक निकाल्छिन्, आकाश पियानो बजाउन मद्दतको लागि प्रयोगको रूपमा अन्धोपनलाई नक्कल गरेको स्वीकार्छन्।

आकाशको अन्धोपनमा शंकास्पद छिमेकीको बच्चाले आकाशको दृश्यलाई पूर्ण रूपमा देख्न सक्ने भिडियो रेकर्ड गर्दछ र सोफीलाई देखाउँदछ। सोफी आइपुग्दा, सिमीले उनी र आकाशले यौन सम्पर्क गरिरहेका छन् जस्तो देखाउन चीजहरू मिलाउँदछन्। उग्र र निराशापूर्णले भरिएको, सोफीले आकाशलाई छोड्छिन्। जब उनी ब्यूँझन्छन्, उनी सिमीले दिएको औषधिबाट अन्धा भएको महसुस गर्छन्। मनोहर आकाशलाई मार्न उसको घरमा आउँछन्। आकाश मुश्किलले भाग्छन्, तर टेलिफोनको पोलमा लागेर उनी बेहोश हुन्छन्।

आकाश एक अवैध अङ्ग कटनी क्लिनिकमा उठ्छन्। जब आकाशले उनीसँग लाखौं कमाउने सूचना रहेको छ भनेपछि डा स्वामी र उनका सहायक मुरली र सखूले आकाशलाई छोड्ने निर्णय गर्छन्। उनीहरूले सिमीलाई अपहरण गर्छन्, आत्महत्या दृश्य मञ्चन गर्छन्र मनोहरलाई ब्ल्याकमेल गर्छन्। यद्यपि, मुरली र साखूले आकाशलाई धोका दिन्छन्, उनलाई सिमीसँग बाँध्छन्, र पैसा आफैं लिने योजना बनाउँछन्। मनोहरले मुरलीलाई गोली हान्छन् तर एउटा लिफ्टमा फस्छन् र दुर्घटनावश गोली हान्छन् र आफूलाई मार्छन्। पैसा नक्कली भएको पत्ता लाग्छ। उनी आकाशलाई आफैंलाई स्वतन्त्र गर्न सहयोग गर्छिन् र उसले सिमीको आँखा पट्टी हटाउँछन्। ऊ भाग्न खोज्छन्, जबकि सिमी आफैलाई स्वतन्त्र गर्छिन् र उसलाई आक्रमण गर्छिन्। डा स्वामी प्रवेश गर्छन्; एक छोटो लडाई पछि, ऊ र आकाशले सिमीलाई बाहिर निकाल्छन्, उनलाई गाडीको बुटमा बाँधेर हिड्छन्। डा स्वामीले सिमीको रक्त प्रकार दुर्लभ रहेको र उनको अङ्गहरू लाखौंमा बेच्ने बताउछन्; उनले आकाशको दृष्टि पुनर्स्थापित गर्न उनको कोर्नियस पनि प्रयोग गर्ने योजना बनाउछन्।

जब सिमी कारको बुटमा ब्यूँझिन्छिन् र कराउन थाल्छिन्, उनलाई मार्नको लागि डा स्वामीले गाडी रोक्छन्, तर सिमीले उनलाई पराजित गर्छिन् र मार्छिन्। डा स्वामी अझै गाडी चलाउँदैछन् भन्ने सोचिरहेको आकाशले सिमीलाई रिहा गर्न मनाउने कोसिस गर्छन्। उनी आकाशलाई झर्छिन् र ऊमाथि कार चलाउन कोशिश गर्छिन्। एक खरायोलाई मार्न खोजिरहेका नजिकैका किसानले सट गुमाउँछन् जसले गर्दा खरायो उफ्रिन्छ र गाडीको अगाडीको शिशामा ठक्कर दिन्छ। सिमी कारको नियन्त्रण गुमाउँछिन् र मर्छिन्।

दुई वर्ष पछि क्रकाउमा रहेको गिगमा, सोफीले आकाशलाई भेट्छिन् जो अझै अन्धा जस्तो देखिन्छन्। आकाशले उनको सम्पूर्ण कथा सुनाएपछि उनले डा स्वामीले उनको दृष्टि बहालीको प्रस्ताव र दस करोड डलरको इनाम रकमको अंश स्वीकार्नुपर्ने थियो भनेर आकाशलाई भन्छिन्। आकाश चुपचाप जान्छन् र आफ्नो बाटोबाट क्यान हटाउन आफ्नो छडीको प्रयोग गर्दछन्।

कलाकार

• आयुष्मान खुराना आकाश सराफको रूपमा
• तबु सिमी सिन्हाको रूपमा
• राधिका आप्टे सोफीको रूपमा
• अनिल धवन प्रमोद सिन्हाको रूपमा
• जाकिर हुसेन डाक्टर स्वामीको रूपमा
• अश्विनी कलसेकर रसिका जवन्दाको रूपमा
• मानव विज निरीक्षक मनोहर जवन्दाको रूपमा
• छाया कदम सखुको रूपमा
• पवन सिंह मुरलीको रूपमा
• मोहिनी केवलरामनी श्रीमती डी'साको रूपमा
• गोपाल के सिंह उप निरीक्षक परेशको रूपमा
• रश्मी अगडेकर दानीको रूपमा
• कबीर साजिद शेख बन्धुको रूपमा
• रुद्रांगशु चक्रवर्ती मुरलीको रूपमा
• प्रतीक नन्दकुमार मोरे सूर्यको रूपमा
• महेश राले पी कामदारको रूपमा
• अभिषेक शुक्ला पशु शिकारीको रूपमा
• जयदत्त व्यास अलुरकरको रूपमा

प्रदर्शन

'अन्धाधुन' ३१ अगस्ट २०१८ मा प्रदर्शन हुने कार्यक्रम थियो तर यसको प्रदर्शन ५ अक्टोबरसम्म स्थगित गरिएको थियो; निर्माताहरूले ट्रेलरमा ढिलाइको घोषणा गरेका थिए। राघवनले सुरुमा चलचित्रको ट्रेलरमा केवल ध्वनि समावेश गर्न चाहान्थे किनकि यो अन्धा मान्छेको कहानी हो तर स्टुडियो उनको सुझावमा "चकित" भएको थियो। धेरै छलफल पछि, तिनीहरू ट्रेलरमा सहमत भएका थिए। राघवन ट्रेलरमा "चलचित्रको बारेमा धेरै कुरा दिन चाहँदैनथे" र स्टुडियोले अन्ततः उनको विचारलाई स्वीकार गरेको थियो। ट्रेलर २ सेप्टेम्बर २०१८ मा जारी भएको थियो।

चलचित्र भारतभर ८०० स्क्रिनमा प्रदर्शित भएको थियो, र नेटफ्लिक्समा उपलब्ध छ। यो सन् २०१९ को लस एन्जलसको भारतीय चलचित्र महोत्सवमा प्रदर्शित भएको थियो जहाँ तब्बूलाई सम्मानित गरिएको थियो। 'अन्धाधुन' ३ अप्रिल २०१९ मा चीनमा 'पियानो प्लेयर'को रूपमा प्रदर्शित गरिएको थियो। २८ अगस्ट २०१९ मा, चलचित्र दक्षिण कोरियामा ९० भन्दा बढी स्क्रिनमा प्रदर्शित भएको थियो।

बाह्य कडीहरू

• इन्टरनेट चलचित्र डेटाबेसमा अन्धाधुन
• अन्धाधुन रोटन टमेटोजमा
• अन्धाधुन बक्स अफिस मोजोमा