कान्तिपुरी नगरी

कान्तिपुरी नगरी
लेखक भानुभक्त आचार्यद्वारा
भाषा	नेपाली
विषयहरू	कान्तिपुर नगर

"कान्तिपुरी नगरी" कान्तिपुर नगरको बारेमा आदिकवि भानुभक्त आचार्यले लेखेको नेपाली भाषाको एक कविता हो।

कविता

चपला अवलाहरू एक सुरमा
गुनकेसरीको फूल ली शिरमा
हिडन्या सखि लीकन ओरिपरी
अमरावती कान्तिपुरी नगरी।।१।।

यति छन् भनि गन्नु कहाँ धनियाँ।
सुखी छन् मनमा बहुतै दुनियाँ
जनकी यसरी सुखकी सगरी
अलकापुरी कान्तिपुरी नगरी।।२।।

कहिँ कालभरी गल्लि छ दिल्ली सरी।
कहिँ भोट र लण्डन चीन सरी
लखनौ पटना मदरास सरी
अलकापुरी कान्तिपुरी नगरी।।३।।

तरवार कतार खुडाँ खुकुरी
पिस्तोल र वन्दुक सम्म भिरी।
आतिसुर र वीर भरि नगरी
छ त कुन सरी कान्तिपुरी नगरी।।४।।

रिस राग कपट छैन यहाँ
तब धर्म कति छ कति छ यहाँ।
पशुका पति छन् रखवारी गरी
शिवकी पुरी कान्तिपुरी नगरी।।५।।