कार्मेला (कुस्ती खेलाडी)

स्वतन्त्र विश्वकोश, नेपाली विकिपिडियाबाट
Jump to navigation Jump to search
कार्मेला
Carmella SmackDown 2016.jpg
डिसेम्बर २०१६ मा कार्मेला
जन्म नामलिया भ्यान डाले[१]
जन्म (१९८७-१०-२३) अक्टोबर २३, १९८७ (उमेर ३२)
स्पेन्सर, म्यासेट्युसेस, संयुक्त राज्य अमेरिका[२]
निवासस्थानटाम्पा, फ्लोरिडा
परिवारपल भ्यान डाले (बुवा)[३]
शिक्षाम्यासेट्युसेस विश्वविद्यालय[४]
व्यावसायिक कुस्ती जीवन
कुस्ती खेलको नामकार्मेला[५]
उचाई५ फिट ५ इन्च (१.६५ मी)[५]
उत्पत्तिष्ट्याटेन टापू[५]
प्रशिक्षितसारा डेल रे[३]
डब्ल्यूडब्ल्यूई प्रदर्शन केेन्द्र[१]
पदार्पणजून २०१३[१]

लिया भ्यान डाले (जन्म २३ अक्टोबर १९८७) एक अमेरिकी व्यवसायीक महिला कुस्ती खेलाडी र मोडल हुन्। उनी हाल डब्ल्युडब्ल्युईसँग सम्बन्धित छिन् जहाँ उनी डब्ल्युडब्ल्युईको स्म्याकडाउनमा प्रदर्शन गर्छिन् र उनको रिङको नाम कार्मेला हो।

जून २०१३ मा, भ्यान डालेले अोर्लाण्डो, फ्लोरिडामा डब्ल्युडब्ल्युईको विकासशील क्षेत्र एनएक्सटीमा एक सम्झौता पत्रमा हस्ताक्षर गरेकी थिइन्। अक्टोबर २०१४ मा, उनले एञ्जो अमोरेकोलिन क्यासडीसँग मिलेर उनीहरूको प्रवन्धकको रूपमा सेवा गरेकी थिइन्।[६] [७]जुलाई २०१६ मा, उनले स्म्याकडाउनमा प्रदापण गरेकी थिइन्।[८][९][१०] जून २०१७ मा, कार्मेलाले पहिलो पटक सञ्चालनमा आएको महिला मनि इन द बेङ्कको उपाधि पनि हात पारेकी थिइन्।[११][१२] अप्रिल २०१८ मा उनले आफ्नो मनि इन द बेङ्क सार्लेट फ्लेयरको विरुद्धमा क्यास इन गरेकी थिइन् जसले गर्दा उनी महिलो पटक स्म्याकडाउन महिला विजेता बनोकी थिइन्। उनी मनी इन द बेङ्क सफलतापूर्वक क्यास इन गर्ने पहिलो महिला खेलाडी हुन्।[१३] सन् २०१९ मा, कार्मेलाले रेसलमेनिया महिला ब्याटल रोयल[१४][१५] र दुई पटक डब्ल्यूडब्ल्यूई २४/७ को उपाधि हाच पारेकी थिइन्। [१६]

बाल्यकाल[सम्पादन गर्ने]

भ्यान डाले एक अमेरिकी मिश्रित मार्सल कलाकार र पूर्व व्यवसायीक कुस्ती खेलाडी तथा हालका एक पदमा कार्यशील पल भ्यान डालेकी छोरी हुन्। भ्यान डाले इटाली र डच मुलकी हुन्।[२][३] उनी अमेरिकाको राज्य म्यासेचुससको स्पेन्सरमा हुर्कीएकी थिइन् जहाँ उनी डेभिड प्रुटी उच्च विद्यालयबाट शिक्षा हासिल गरेकी थिइन्।[२] उनले त्यस पश्चात् सन् २०१० मा म्यासेचुससको एक विश्वविद्यालयबाट स्नातक हासिल गरेकी थिइन्।[४] भ्यान डालेल तीनवटा संस्करण सम्म न्यू इङ्ल्याण्डको खेलमा हौसला बढाउने काम समेत गरेकी थिइन्[४] जसको संस्करण सन् २०१० मा समाप्त भएको थियो। उनले लस एञ्जलस लेकर्स डान्सर नामक टोलीको लागि अडिसन दिएकी थिइन् जसमा उनी लेकर गर्लको रूपमा सन् २०१०-२०११ संस्करणमा देखा परेकी थिइन्।[१७]

व्यवसायीक कुस्ती कार्यकाल[सम्पादन गर्ने]

डब्ल्युडब्ल्युई[सम्पादन गर्ने]

एनएक्सटी ( सन् २०१३–२०१६)[सम्पादन गर्ने]

कार्मेला एञ्जो र क्यासको प्रवन्धकको रूपमा, मार्च २०१५ मा

भ्यान डालेले सन् २०१० को टफ इनफमा त्यसको भागको लागि आफुलाई दर्ता गराएकी थिइन्[१७] तर उनी लेकर गर्लको रूपमा छनौट भएपछि लस एञ्जलस गएकि थिइन् जसले गर्दा उनी छनौटबाटै बाहिरिएकी थिइन्। जून २०१३ मा, भ्यान डालेले डब्ल्युडब्ल्युईसँग एक सम्झौतापत्रमा हस्ताक्षर गरेकी थिइन् जहाँ उनी डब्ल्युडब्ल्युईको विकासशील क्षेत्र एनएक्सटीमा सेप्टेम्बरमा प्रदापण गरेकी थिइन्।[१] पछि उनले आफ्नो रिङको नाम कार्मेला राखेकी थिइन्।[५]

कार्मेलाले ४ सेप्टेम्बर २०१४ मा एनएक्सटीको एक श्रृङ्खलामा प्रदापण गरेकी थिइन् जसमा उनले एञ्जो अमोरे र कोलीन क्यासडीको हजमको रूपमा काम गरेकी थिइन्।[१८] दुई हप्ता पछि, कार्मेला एनएक्सटीमा डब्ल्युडब्ल्युईको प्रदर्शन केन्द्रमा एञ्जो अमोरे र क्यासडीसँग देखा परेकी थिइन् जहाँ उनले आफ्नो हजमको जागिर गुमाएको भन्दै एनएक्सटीसँग एक जागिरको माग गरेकी थिइन्।

उनले १६ अक्टोबरमा एनएक्सटीको एक श्रृङ्खलामा अमोरे र क्यासडील प्रदापण गरेकी थिइन् जसमा उनले ब्लू पेन्ट्ससँग कुस्ती खेलेकी थिइन्। [६]उनीसँग परेको दुईवटा खेलमा उनले जित हात पारेकी थिइन् तथापि उनले १ जनवरी २०१५ मा, एनएक्सटीको एक श्रृङ्खलामा एञ्जो अमोरेको दुर्घटनात्मक घुसपैठका कारण उनले उक्त खेलमा पराजय बेहोर्नु परेको थियो।[१९]

मार्चमा, अमोरे र क्यासडीले त्यतिबेलाका एनएक्सटी ट्याग टोली विजेता ब्लेक र मर्फीसँग द्वन्दको सुरुवात गरेका थिए जसमा कार्मेला उनीहरूको साथमा थिइनन् र जसले गर्दा ब्लेक र मर्फी विभिन्न खेलहरूमा अघि बढेका थिए।[२०] १३ मेमा, एनएक्सटीको एक श्रृङ्खलामा, अलेक्सा ब्लिससँग परेको उनको खेलमा ब्लेक र मर्फीले झुक्याए पछि उनले हार बेहोर्नु परेको थियो।[२१]

२० मेको एनएक्सटी टेकअोभर: अनस्टपएबलमा, एञ्जो अमोरे र कोलिन क्यासडी र ब्लेक र मर्फी बिच र ट्याग टोली उपाधिको लागि परेको प्रतिस्पर्धात्मक खेलमा ब्लिसले कार्मेलालाई आक्रमण गरेकी थिइन् जसले गर्दा ब्लेक र मर्फीले उपाधि बचाइराख्न सफल भएका थिए।[७]

उनले एञ्जो अमोरे र क्यासडीलाई प्रवन्धन गर्ने क्रममा कार्मेलाले इभा मरिसँग द्वन्दको सुरुवात गरेकी थिइन् जसले गर्दा उनिहरू बिच अगस्ट २६ को एनएक्सटीको एक श्रृङ्खलामा खेल राखिएको थियो। उक्त खेलमा भने कार्मेला पराजित भएकी थिइन्।[२२] जनवरी २०१६, कार्मेलाले ब्याटल रोयल जितेकी थिइन् जसले गर्दा उनले एकएक्सटी महिला विजेता बेइलीसँग उपाधिको लागि एक खेलको पक्का गरेकी थिइन्।[२३] १० फेब्रुअरीमा परेको बेइली र उनको खेलमा उनी पराजित भएकी थिइन्।[२४] उक्त खेल पश्चात् इभा मरि र नाया ज्याक्सले उनीहरू दुबैलाई आक्रमण गरेका थिए जसले गर्दा २४ फेब्रुअरीमा एनएक्सटीको एक श्रृङ्खलामा उनीहरू बिच ट्याग टोली खेल राखिएको थियो जसमा बेइली र कार्मेलाले हार बेहोरेका थिए।[२५] कार्मेलाले डब्ल्युडब्ल्युईको मुख्य पर्दामा मार्च १२ मा उपस्थिति जनाएकी थिइन्। सोही समयमा एञ्जो अमोरे र क्यासडीको खेल एनएक्सटी ट्याग टोलीको उपाधिको लागि द रिभाइभलसँग परेको थियो। [२६]

२५ मेमा एनएक्सटीको एक श्रृङ्खलामा, कार्मेला ट्रिपल थ्रेट म्याच (तीन जना एकएक्लै)मा भाग जनाएकी थिइन् जसमा उनले नाया ज्याक्स र अलेक्सा ब्लिससँग प्रतिस्पर्धा गरेकी थिइन्। सो खेलको विजेता कार्मेलालाई हराउँदै नाया ज्याक्स बन्न सफल भएकी थिइन् जहाँ उनले एनएक्सटी महिला उपाधिको लागि प्रतिस्पर्धा गर्ने पक्का गरेकी थिइन्।[२७]

स्म्याकडाउन महिला विजेता (सन् २०१६–२०१८)[सम्पादन गर्ने]

सन् २०१६ मा गरिएको डब्ल्युडब्ल्युई ड्राफ्टमा उनी १९ जुलाई २०१६ मा डब्ल्युडब्ल्युईको स्म्याकडाउनमा आएकी थिइन्।

कार्मेलाले मुख्य पर्दामा एक हप्ता पश्चात् प्रदापण गरेकी थिइन् जसमा उनले महिला कुस्ती खेलाडी एभा मरिसँग सामना गरेकी थिइन्। ९ अगस्टमा स्म्याकडाउन लाइभको एक श्रृङ्खलामा, कार्मेलाले पहिलो एकल कुस्ती खेल तर्फ जित हात पारेकी थिइन् जसमा उनले नेटालियालाई हराएकी थिइन्। अगस्ट २० मा, समरस्ल्याममा, कार्मेलाले ६-महिला ट्याग टोली खेलमा सहभागीता जनाएकी थिइन् जसमा उनी तर्फ नेयोमी र बेकी लिञ्च रहेका थिए। उक्त खेल भने उनीहरूका प्रतिद्वन्द्वी अलेक्सा ब्लिस, नेटालिया र निकी बेलाले हात पारेका थिए जसमा बेलाले उनलाई (पिन) हराएकी थिइन्। दुई हप्ता पछिको स्म्याकडाउनको एक श्रृङ्खलामा, कार्मेलाले निकी बेलामाथी आक्रमण गरेकी थिइन् जसले गर्दा उनीहरू बिच दुश्मनीको सुरुवात भएको थियो। उनीहरू बिच द्वन्द चर्कीएकै बेला, कार्मेलाले सिक्स प्याक च्यालेञ्ज (६ जना एकएक्लै प्रतिस्पर्धा गर्ने) मा भाग जनाएकी थिइन् र उक्त खलको विजेताले भने पहिलो स्म्याकडाउन महिला विजेताको उपाधि हात पार्ने सर्त रहेको थियो। उक्त खेल सेप्टेम्बर ११ मा ब्याकल्यासमा राखिएको थियो। उनी अन्तिममा बेकी लिञ्जद्वारा बाहिरिएकी थिइन् र सोको उपाधि पनि बेकी लिञ्चलेनै प्राप्त गरेकी थिइन्। उनले ५ जना विरुद्ध ५ जना परम्परागत ट्याग टोली खेलमा रका प्रतिद्वन्दीहरूसँग प्रतिस्पर्धा गर्ने एक सदस्य रहेकी थिइन्। उक्त खेल २० नोभेम्बरमा सरभाइभरमा सञ्चालन गरिएको थियो जसमा उनी स्म्याकडाउनको तर्फबाट बाहिरिने पहिलो प्रतिस्पर्धी रहेकी थिइन्। उनलाई अलिसा फक्सले खेलबाट बाहिर्‍याइदिएकी थिइन्। ४ डिसेम्बरमा, टिएलसीमा कार्मेलाले निकी बेलासँग नो डिस्क्वालिफिकेसन म्याच (उपलब्ध रहेका हातहतियारले प्रहार गर्न पाइने, जो कोही आएर खेलमा घुसपैठ गर्न पाउने, १० गन्दा सम्मपनि रिङ भित्र आउनु नपर्ने एक विशेष नियम रहेको कुस्ती खेल)मा हार बेहोरेकी थिइन् जसले गर्दा उक्त द्वन्द अन्त्य भएको थियो।

कार्मेलाले त्यस पश्चात् जेम्स एल्सवर्थसँग एक कहानीको सुरुवात गरेकी थिइन् र उसँग उनले आफ्नो खेलमा उनलाई समावेश गरेकी थिइन्।

२ अप्रिल २०१७ मा, कार्मेलाले रेसलमेनियामा पर्दापण गरेकी थिइन् जसमा उनले सिक्स प्याक च्यालेञ्जमा (६ जना एकएक्लै प्रतिस्पर्धा गर्ने) भाग जनाएकी थिइन्। उक्त खेल स्म्याकडाउन महिला उपाधिको लागि रहेको थियो जसमा उनी असफल भएकी थिइन्। अप्रिलको अन्तिममा, कार्मेलाले नेटालीया र टमिनासँग मिलेर एक समूहको गठन गरेकी थिइन् जसमा उनीहरूले आफ्नो समूहको नाम द वेलकमिङ कमिटि राखेका थिए र उनीहरूले बेकी लिञ्च, सार्लेट फ्लेयर र नेयोमीसँग द्वन्दको सुरुवात गरेका थिए। उक्त दुई टोली मे २१ मा ब्याकल्यासमा आमनेसामने भएका थिए जसमा द वेलकमिङ कमिटीले जित हात पारेका थिए।

१८ जून, मनि इन द बेङ्कमा, जेम्स एल्सवर्थले भर्‍याङमाथि चढेर सम्झौता पत्र रहेको उक्त उपाधिलाई कार्मेलाको हातमा फालिदिएपछि उनी पहिलो महिला मनि इन द बेङ्कको विजेताको रूपमा घोषित भएकी थिइन्। दुई दिन पछिको, स्म्याकडाउनको एक श्रृङ्खलामा, कार्मेलालाई उक्त उपाधि छोड्न बाध्य पारिएको थियो र पुन सोही खेल सञ्चालन गरिने महाप्रबन्धक डेनिएल ब्रायननले बताएका थिए। जून २७ मा, कार्मेलाले पुन एल्सवर्थको सहयोगमा उक्त उपाधि आधिकारिक रूपमा प्राप्त गर्न सफल भएकी थिइन्। नोभेम्बरमा, एल्सवर्थले बेकी लिञ्चसँगको अन्तरलैङ्गिक खेलमा हार बेहोरेका थिए जसले गर्दा कार्मेला र जेम्स एल्सवर्थ बिचको सहकार्यको अन्त्य भएको थियो। २८ जनवरी २०१८ मा, कार्मेलाले पहिलो पटक सञ्चालन गरिएको महिला रोयल रम्बलमा भाग जनाएकी थिइन् जसमा उनी १७अौँ स्थानमा रिङ प्रवेश गर्की थिइन् तर उनी रिङमा छिरेको १८अौँ मिनेट पश्चाच् उनलाई उनकी पूर्व दुश्मन निकी बेलाले उनलाई निस्कासन गरिदिएकी थिइन्। त्यस पछि उनी रेसलमेनिया ३४ को महिला ब्याटल रोयलमा सहभागीको रूपमा रिङ प्रवेश गरेकी थिइन् तर उनी रिङबाट बाहिरिने प्रथम महिला थिइन् जसमा उनलाई सोनिया डभिलले निस्कासन गरिदिएकी थिइन्।

उनले आफ्नो मनि इन द बेङ्कको उपाधि २८७ दिन सम्म आफुसँगै राखेकी थिइन्। यो मनि इन द बेङ्क उपाधि विजेताको लागि इतिहासमै सबैभन्दा लामो समय हो। सार्लेट फ्लेयरको विरुद्धमा विभिन्न असफल क्यास इन (मनि इन द बेङ्क विजेताले महिला/पुरूष उपाधि विजेतासँग खेल्न पाउने सम्झौता गर्दै उपाधिको लागि भिड्न पाउने) पश्चाच् उनले अन्तत: १० अप्रिलमा स्म्याकडाउनको एक श्रृङ्खलामा, आफ्नो उपाधि क्यास इन गर्दै उनको कार्यकालमै पहिलो पटक स्म्याकडाउन महिला विजेता बन्न सफल भएकी थिइन्। उक्त क्यास इन गर्नु पूर्व एनएक्सटीका महिला कुस्ती समूह द आइकोनिक्स (बिलि के र पिटन रोइसले) सार्लेट फ्लेयरलाई आक्रमण गरेका थिए जसले गर्दा कार्मेलालाई उपाधि हात पार्न सहज भएको थियो। उनको पहिलो उपाधि रक्षात्मक खेलमा, उनले ब्याल्यनसमा सार्लेट फ्लेयरलाई हराएकी थिइन्। त्यस पश्चात् कार्मेला र अस्काको बिचमा द्वन्दको सुरुवात भएको थियो। उनीहरू दुईको खेल मनि इन द बेङ्कमा राखिएको थियो जसमा फर्किएका जेम्स एल्सवर्थले उक्त खेलमा घुसपैठ गर्दै कार्मेलालाई जित हासिल गर्नमा सहज बनाइदिएका थिए। उनीहरू बिचको देल पुन: एक्सट्रिम रूलमा सञ्चालन गरिएको थियो जसमा कार्मेलालेनै जित दर्ता गराएकी थिइन् जसमा उनका साथी जेम्स एल्सवर्थलाई रिङ माथि सार्कको जालीमा थुनेर रिङको ठ्याक्कै माथि झुण्डाइएको थियो। बेकि लिञ्च र सार्लेट फेलेयरसँथ बेग्लाबेग्लै गैर उपाधि एकल कुस्ती खेलमा उनी पराजित हुन पुगेकी थिइन् जसले गर्दा उनले आफ्नो उपाधि त्रिपल थ्रेट म्याच (३ जना एक्लाएक्लै भिडन्त गर्ने) मा खेल्नु पर्ने घोषण गरिएको थियो। उक्त खेल १९ अगस्टमा समरस्ल्याममा आयोजना गरिएको थियो। कार्यक्रममा, फ्लेयरले बेकी लिञ्चलाई पिन गर्दै उपाधि हात पारेकी थिइन्। उनले आफ्नो उपाधि जितेको १३१अौँ दिन पश्चात् गुमाएकी थिइन्। दुई हप्ता पछि कार्मेलाले उपाधिको लागि खेल्ने अवसर प्राप्त गरेकी थिइन् जसमा उनी सार्लेट फ्लेयरसँग पराजित हुन पुगेकी थिइन्।

द फ्याभुलस ट्रुथ/ग्लो (सन् २०१८–हाल)[सम्पादन गर्ने]

उनले आफ्नो उपाधि गुमाए पछि, कार्मेलाले आर-त्रुथसँग कहानीको विस्तार गरेकी थिइन्। ४ सेप्टेम्बरमा स्म्याकडाउन लाइभको एक श्रृङ्खलामा, कार्मेलाले मरिसको घुसपैठको नियन्त्रण गर्नको लागि आर-त्रुथलाई द मिजसँगको खेलमा प्रवन्धन गर्न सहमत भएकी थिइन्। त्यस पछि, कार्मेलाले त्रुथलाई प्रवन्धन गर्ने बताएकी थिइन् र उनीहरू दुई जनाले आउदो दोस्रो संस्करणको मिक्स म्याच च्यालेञ्जको साझेदारको रूपमा काम गर्ने बताएका थिए। नोभेम्बरमा, कार्मेलाले पुन: सरभाइभर सेरिजमा भाग जनाएकी थिइन् जहाँ उनी स्म्याकडाउनको टोलीको रूपमा आफुलाई आबद्ध गरेकी थिइन्। उक्त खेलमा उनले टमिनलाई निस्कासन गरिदिएकी थिइन् र उनलाई बेइलीले बाहिर निस्कासन गरिदिएकी थिइन्। कार्मेला र त्रुथल मिक्स म्याच च्यालेञ्जको पहिलो ३ वटा खेलमा पराजय बेहोरेका थिए। उनीहरूले लाना र रूसेभलाई पराजित गरिदिए पश्चात् उनीहरू अधि बढेका थिए जसमा उनीहरूको टोली जेफ हार्डि र सार्लेट फ्लेयरसँग क्वाटर फाइनलमा र पूर्व संस्करणका विजेता द मिज र अस्कासँग सेमिफाइनलममरा पराजित हुन पुगेका थिए। मिक्स म्याच च्यालेञ्जको फाइनल खेल टिएलसी:टेबल, ल्याडर्स एण्ड चेयर्स (टेबुल, भर्‍याङ र कुर्सी) मा राखिएको थियो जसमा कार्मेला र आर-त्रुथको टोलीले जिण्डर महल र एलिसा फक्ससँग प्रतिस्पर्धा गरेका थिए जसमा उनीहरूले जित हासिल गर्दै महिला/पुरूष रोयल रम्बलको ३०अौँ स्थानमा रिङ प्रवेश गर्न पाउने सुनौलो अवसर प्राप्त गरेका थिए।

जनवरी २०१९ मा, कार्मेला ट्रिपल थेट खेलमा भाग जनाएकी थिइन् जसको विजेताले स्म्याकडाउन महिला उपाधिको लागि खेल्न पाउने अवसर उक्त खेलमा रहेको थियो। सो खेलमा उनले आत्मसमर्पण गरेका कारण खेलको विजेता बेकी लिञ्च घोषित भएकी थिइन्।

रोयल रम्बलमा, कार्मेला ७ मिनेट सम्म मात्रै रिङमा टिक्न सफल भएकी थिइन्, तर उनले उपाधि हात पार्न भने सार्लेट फ्लेयरले निस्कासन गरिदिए पश्चात् असमर्थ रहेकी थिइन्। फेब्रुअरीमा, कार्मेलाले नेयोमीसँग साझेदारी गर्दै एक टोलीको गठन गरेकी थिइन्। कार्मेला र नेयोमीले ६ टोली इलिमिनेसन चेम्बर खेलमा सहभागीता जनाएका थिए जसको विजेताले भने पहिलो डब्ल्युडब्ल्युई महिला ट्याग टोली उपाधि हात पार्ने थियो। तथापि खेलबाट बाहिरिने उनीहरू पहिलो टोली रहेका थिए र उक्त खेलको उपाधि बेइली र सासा बेङ्क्सले हात पारेका थिए।

अन्य सञ्चार माध्यम[सम्पादन गर्ने]

राएटले डब्ल्युडब्ल्युई भिडियो खेल, २के१७ मा खेल्न मिल्ने चरित्रको रूपमा प्रदापण गरेकी थिइन् र अर्को वर्षको क्रममा २के१८ र २के१९ मा देखा परेकी थिइन्। कार्मेलाले टोटल डिभास नामक एक अमेरिकी दूरदर्शन श्रृङ्खलाको १७अौँ संस्करणकी एक प्रमुख सदस्य हुन्।

व्यक्तिगत जीवन[सम्पादन गर्ने]

भ्यान डाले एक व्यक्तिगत प्रशिक्षक पनि हुन्। उनी व्यवसयीक कुस्तीकी अनुयायी हुन् र उनलाई सानोमा मिस एलिजाबेथको रूपमा हेरिएको थियो।

सन् २०१९ मा, कार्मेलले डब्ल्यूडब्ल्यूईका कर्मचारी कोरी ग्रेभ्ससँग सम्बन्ध गाँस्न सुरु गरेकी थिइन्। उनीहरूको सम्बन्ध वास्तविकता कार्यक्रम टोटल डिभासको नवौं सत्रमा प्रस्तुत गरिएको थियो, जसमा कार्मेलला एक मुख्य पात्रको रूपमा घोषित भएकी थिइन्।

चलचित्रमा[सम्पादन गर्ने]

उपाधि र उपलब्धहरू[सम्पादन गर्ने]

टिप्पणी[सम्पादन गर्ने]

कार्मेलाले पहिलो पटक सञ्चालनमा आएको महिला मनि इन द बेङ्कमा भाग जनाएकी थिइन् र उपाधि पनि हात पारेकी थिइन्। तर सो खेलको अन्त्य भने बिबादास्पद रहेको थियो किनभने कार्मेलाको सहयोगी जेम्स एल्सवर्थले उनी आफुनै भर्‍याङ चढेर उनको हातमा उक्त महिला मनि इन द बेङ्कको उपाधि खसालिदिएका थिए। उक्त खेल जून २७ मा दुई हप्ता पछि स्म्याकडाउनको एक श्रृङ्खलामा पुन खेल सञ्चालन गरिएको थियो जसमा उनलेनै सो उपाधि पुन आधिकारिक रूपमा हात पारेकी थिइन्। जसले गर्दा उनी महिला मनी इन द बेङ्कको उपाधि हात पार्ने प्रथम महिला बन्न सफल भएकी थिइन्। तथापि डब्ल्युडब्ल्युईले उनलाई उक्त उपाधिको दुई पटकको विजेता मान्दै आएको छ।

सन्दर्भ सामग्रीहरू[सम्पादन गर्ने]

  1. १.० १.१ १.२ १.३ जोनसन, माइक, "एक नयाँ हस्ताक्षर", पिडब्ल्यू इन्साइडर, अन्तिम पहुँच अक्टोबर ४, २०१४ 
  2. २.० २.१ २.२ सुलिभन, मार्क (मे २०, २०१८), "Villainous wrestling champ from Spencer to make homecoming at DCU Center", टेलिग्राम एण्ड ग्याजेट, अन्तिम पहुँच मे २३, २०१८ 
  3. ३.० ३.१ ३.२ भर्सालोन, जिम (जून १, २०१५), "Pro Wrestling: Second generation talent Carmella just fabulous in WWE's NXT", मियामी हेरल्ड, अन्तिम पहुँच मे १५, २०१८ 
  4. ४.० ४.१ ४.२ "Former Patriots cheerleader thrives in WWE NXT", न्यू इङ्गल्याण्ड प्याट्रि्यट्स, जून १, २०१६, अन्तिम पहुँच मे १५, २०१८ 
  5. ५.० ५.१ ५.२ ५.३ "कार्मेला", डब्ल्यूडब्ल्यूई, अन्तिम पहुँच मे १९, २०१५ 
  6. ६.० ६.१ Trionfo, Richard, "WWE NXT report: one move to win a match; a Diva debuts; Zayn versus Kidd; and an update on Mojo Rawley", पिडब्ल्यू इन्साइडर, अन्तिम पहुँच अक्टोबर १७, २०१४ 
  7. ७.० ७.१ ट्रिअोन्फो, रिचर्ड (मे २०, २०१५), "LIVE ONGOING WWE NXT TAKEOVER UNSTOPPABLE REPORT: BAYLEY AND CHARLOTTE VERSUS DANA BROOKE AND EMMA", पिडब्ल्यू इन्साइडर, अन्तिम पहुँच मे २०, २०१५ 
  8. रिचर्ड, ट्रिअोन्फो (जुलाई १९, २०१६), "COMPLETE SMACKDOWN DRAFT REPORT: WHO WENT WHERE?, WHICH NXT WRESTLERS GOT PROMOTED?, WHO IS THE WWE CHAMPION GOING INTO BATTLEGROUND, AND MORE", पिडब्ल्यूई इन्साइडर, अन्तिम पहुँच जुलाई २७, २०१६ 
  9. "2016 WWE Draft results: WWE officially ushers in New Era", डब्ल्यूडब्ल्यूई, जुलाई १९, २०१६, अन्तिम पहुँच जुलाई २१, २०१६ 
  10. रिचर्ड, ट्रिअोन्फो (जुलाई २६, २०१६), "WWE SMACKDOWN REPORT: AMBROSE'S OPPONENT IS DETERMINED, A NEW FACE ON SMACKDOWN, SAY HELLO TO THE WOMEN'S DIVISION, A BATTLE ROYAL, AND MORE", पिडब्ल्यू इन्साइडर, अन्तिम पहुँच जुलाई २७, २०१६ 
  11. "Who emerged as the first-ever Ms. Money in the Bank?", अन्तिम पहुँच जून ३०, २०१७ 
  12. "Carmella won the Women's Money in the Bank Ladder Match to become Ms. Money in the Bank", अन्तिम पहुँच जून ३०, २०१७ 
  13. कोनुवा, अल्फ्रेड (अप्रिल १०, २०१८), "WWE SmackDown Live Results: Carmella Cashes In Money In The Bank Contract After Iconic Duo Debuts", फोर्ब्स, अन्तिम पहुँच अप्रिल १०, २०१८ 
  14. "रेसलमेनिया महिला ब्याटल रोयल खेल", डब्ल्यूडब्ल्यूई, अन्तिम पहुँच मार्च २९, २०१९ 
  15. कारापोला, ष्टुअर्ट (अप्रिल ७, २०१९), "COMPLETE WRESTLEMANIA 35 KICKOFF SHOW COVERAGE", पिडब्ल्यू इन्साइडर 
  16. ट्रिअोन्फो, रिचार्ड (सेप्टेम्बर २३, २०१९), "WWE RAW REPORT: THE SEASON FINALE, WHO FACES AJ NEXT WEEK?, A NEW TWIST FOR THE 24/7 TITLE, AND MORE", PWInsider 
  17. १७.० १७.१ उद्दरण त्रुटी: Invalid <ref> tag; no text was provided for refs named JMurph
  18. नामाको, जेसन, "WWE NXT Results – 9/4/14 (Tag Tournament Finals)", रेसलभ्यू, अन्तिम पहुँच सेप्टेम्बर ३०, २०१४ 
  19. जेम्स, जष्टिन (जनवरी ४, २०१५), "James's WWE NXT report 1/1 – Week 133: Itami & Balor vs. The Ascension, NXT tag champs, Charlotte promo; Overall Reax", प्रो रेस्लिङ टर्च। 
  20. जेम्स, जष्टिन (मार्च २५, २०१५), "JAMES' WWE NXT REPORT 3/25 – Week 145: Owens vs. Balor for NXT Title, Sasha Banks defends Women's Title; Overall Reax", Pro Wrestling Torch, अन्तिम पहुँच मे ११, २०१५ 
  21. जेम्स, जष्टिन (मे १३, २०१५), "JAMES'S WWE NXT REPORT 5/13 – Week 161: Owens-Zayn final confrontation before Takeover, Itami & Balor vs. Breeze & Rose main event, Women's champ, more", प्रो रेस्लिङ टर्च, अन्तिम पहुँच मे १४, २०१५ 
  22. Trionfo, Richard (अगस्ट २६, २०१५), "NXT IN BROOKLYN REPORT: FATAL FOUR WAY IN THE MAIN EVENT, BULL FIT, ENZO AND CASS GET A HEROES' WELCOME", प्रो रेस्लिङ इन्साइडर, अन्तिम पहुँच अगस्ट २७, २०१५ 
  23. ट्रिअोन्फो, रिचर्ड (जनवरी १३, २०१६), "WWE NXT REPORT: NUMBER ONE CONTENDER IN A TWO WEEKS, NUMBER ONE CONTENDER BATTLE ROYAL, CIAMPA IN ACTION, 2015 NXT AWARD WINNDERS, AND MORE", Pro Wrestling इन्साइडर, अन्तिम पहुँच जनवरी १३, २०१६ 
  24. रिचर्ड, ट्रिअोन्फो (फेब्रुअरी १०, २०१६), "WWE NXT REPORT: WOMEN'S TITLE MATCH . . . PLUS SOME EXTRACURRICULAR ACTIVITIES, GARGANO VERSUS CORBIN, AND MORE", पिडब्ल्यू इन्साइडर, अन्तिम पहुँच फेब्रुअरी १०, २०१६ 
  25. रिचर्ड, ट्रिअोन्फो (फेब्रुअरी २४, २०१६), "WWE NXT REPORT: WILLIAM REGAL MAKES HIS DECISION, AMERICAN ALPHA, WOMEN'S TAG MATCH IN MAIN EVENT, AND MORE", पिडब्ल्यू इन्साइडर, अन्तिम पहुँच फेब्रुअरी २४, २०१६ 
  26. रिचर्ड, ट्रिअोन्फो (मार्च १२, २०१६), "COMPLETE WWE ROADBLOCK COVERAGE: HAVE WRESTLEMANIA PLANS BEEN SCREWED UP?, NXT AND WWE TAG TITLE MATCHES, SAMI ZAYN IN ACTION, DIVAS TITLE MATCH, AND MORE", पिडब्ल्यू इन्साइडर, अन्तिम पहुँच मार्च १४, २०१६ 
  27. रिचर्ड, ट्रिअोन्फो (मे २५, २०१६), "WWE NXT REPORT: MORE MATCHES FOR TAKEOVER, VIDEO PACKAGES FOR THE CAGE MATCH, AND A NEW TAG TEAM DEBUTS", पिडब्ल्यू इन्साइडर, अन्तिम पहुँच मे २६, २०१६ 

बाह्य सुत्रहरू[सम्पादन गर्ने]