कृष्णकण्ठे हरितचरी

कृष्णकण्ठे हरितचरी
संरक्षण स्थिति
कम चासोका  (आइयुसिएन ३.१)
वैज्ञानिक वर्गीकरण
जगत:	जनावर
Phylum:	रज्जुकी
वर्ग:	चरा
गण:	Passerine
परिवार:	Leafbird
वंश:	Leafbird (Temminck, 1829)
प्रजाति:	C. aurifrons
वैज्ञानिक नाम
Chloropsis aurifrons (Temminck, 1829)

कृष्णकण्ठे हरितचरी (Chloropsis aurifrons) हरितचरीको एक प्रजाति हो। यो नेपाल लगायत भारतीय उपमहाद्वीपका राज्य देखि दक्षिण-पश्चिम चीन, दक्षिण-पूर्वी एशिया र सुमात्रा सम्म पाइन्छ। यसको C. a. frontalis र C. a. insularis गरी दुई उपप्रजातिहरू रहेका छन्।

वितरण तथा वासस्थान

कृष्णकण्ठे हरितचरी नेपाल, भारत, बङ्गलादेश, श्रीलङ्का र दक्षिणपूर्व एसियाका केही भागहरूमा वसोवास तथा प्रजनन् गर्ने रेथाने चरा हो। यसको मुख्य वासस्थान जङ्गल र झाडी हो। यसले आफ्नो गुँड रुखमा बनाउँछ र २-३ वटा अण्डा पार्छ। यो चराले कीरा तथा जमुना जस्ता साना फलहरू खान्छ।

विबरण

वयस्क कृष्णकण्ठे हरितचरीको कालो अनुहार र घाँटी पहेंलो रङ्गको साथमा हरियो शरीरको हुन्छ। यसको गाढा खैरो आँखिभौँ र कालो खुट्टा र ठुँड हुन्छ। जवान चराहरूको टाउको सादा हरियो हुन्छ र तिनीहरूको अनुहार र घाँटीमा कालो हुँदैन। पोथको अनुहार र घाँटीको कालोपन अलिकति निलो देखिन्छ।

दक्षिणी भारतीय प्रजाति C. a. frontalis को कालो अनुहारमा सानो पहेंलो किनारा हुन्छ। यसको घाँटीमा कालो हुन्छ र नीलो धर्सा तथा नीलो सुन्तला रङ्गको निधार हुन्छ। सुदुर दक्षिण भारत र श्रीलङ्कामा पाइने C. a. insularis को आकार C. a. frontalis भन्दा अलि सानो हुन्छ।